Sekretari amerikan i Shtetit, Antony Blinken, e ka falënderuar presidentin e Serbisë, Aleksandar Vuçiq, për angazhimin e tij konstruktiv me ekipin e Shteteve të Bashkara të Amerikës dhe Bashkimit Evropian, të cilët ishin javën e kaluar në Beograd dhe Prishtinë. “.. dhe për sinqeritetin tij ndaj propozimit evropian për sigurimin e paqes dhe stabilitetit në rajon, i cili është thelbësor për sigurimin e së ardhmes evropiane të Serbisë”, ka shkruar ai në rrjetin social Twitter. Blinken dhe Vuçiq kanë zhvilluar më 1 shkurt një bisedë telefonike.
Presidenti i Serbisë, Aleksandar Vuçiq, tha se nuk ka afat kohor për miratimin e planit franko-gjerman për Kosovën. “Që të gjithë ata do të dëshironin që kjo të ndodhte nesër, por nuk mund të ndodhë nesër, pikë”, tha Vuçiq, teksa qëndroi në Bullgari ku mori pjesë në nisjen e ndërtimit të gazsjellësit që do të sjellë gaz nga ky shtet në Serbi. Plani i Bashkimit Evropian – apo siç njihej edhe si plani franko-gjerman – ka të bëjë me normalizimin e raporteve mes Kosovës dhe Serbisë. Ky plan po ashtu ka mbështetjen edhe të Shteteve të Bashkuara.
Shtetet e Bashkuara dhe Koreja e Jugut kanë kryer stërvitje të përbashkëta ajrore, ku është përfshirë edhe një bombardues strategjik amerikan dhe avionët luftarakë, me qëllim të përgjigjes ndaj kërcënimeve që paraqet Koreja e Veriut. Avionët kryen stërvitje më 1 shkurt në Detin e Verdhë – që gjendet midis Kinës dhe Gadishullit Korean – dhe kjo është stërvitja e parë e këtij lloji që është kryer gjatë këtij viti, tha ushtria jugkoreane. Kjo shfaqje e forcës ushtarake vjen një ditë pasi sekretari amerikan i Mbrojtjes... Читать дальше...
Publikimi i vlerës së koeficientit të pagave në Kosovë zemëroi punonjësit e sektorit publik. Është “e papranueshme”, thanë përfaqësues të sektorit të shëndetësisë, duke paralajmëruar edhe mundësinë e shprehjes së revoltës. Qeveria e Kosovës bëri të ditur të mërkurën se vlera e koeficientit të pagave me ligjin e ri - që është miratuar në dhjetor dhe do të hyjë në fuqi nga 4 shkurti - do të jetë 105 euro. Pritjet e shumë sindikalistëve kanë qenë që kjo vlerë të mos jetë nën 120 euro. Kryetarja e Federatës së Sindikatës së Shëndetësisë... Читать дальше...
Qytetarët e Maqedonisë së Veriut nuk janë të befasuar nga rezultati që ka shënuar shteti i tyre në Indeksin e Përceptimit të Korrupsionit, të cilin e përpilon çdo vit organizata Trasparency International. Këtë vit, Maqedonia e Veriut renditet në vendin e 85-të, nga 180 vende sa janë në listë, një pozitë më lart në krahasim me vitin e kaluar. Krahasuar me vendet e Ballkanit Perëndimor, para Maqedonisë së Veriut është Mali i Zi dhe Kosova, përderisa me rezultate më të këqija mbeten Shqipëria dhe Serbia. Читать дальше...
Byroja Federale e Hetimit (FBI) po kryen kontrolle në shtëpinë e presidentit amerikan, Joe Biden, në Dellauer, si pjesë e hetimit lidhur me dokumentet e klasifikuara, tha avokati i tij. Përmes një deklarate, avokati i Bidenit tha se kontrollet ishin të “planifikuara” dhe kanë “mbështetjen e plotë” të presidentit. CBS ka raportuar se hetimi lidhet me një rast më të gjerë sa i përket mënyrës se si janë trajtuar dokumentet e klasifikuara. FBI-ja nuk ka komentuar për kontrollet. Pasi që Biden ishte pajtuar që kontrollet të kryheshin... Читать дальше...
Aktivistët e komunitetit LGBT+ (homoseksual, lesbike, biseksual dhe transgjinor) në Republikën Demokrate të Kongos, janë duke e festuar vizitën e Papa Françeskut në këtë vend, pas deklaratës së tij për dekriminalizimin e lidhjeve midis çifteve të gjinisë së njëjtë. Lidhjet midis çifteve të gjinisë së njëjtë janë të jashtëligjshme apo tabu në shumë shoqëri konservative afrikane, duke përfshirë edhe Sudanin Jugor, të cilin Papa Françesku do ta vizitojë pas Kongos. Kisha Katolike beson se pëlqimet... Читать дальше...
Ministria e Brendshme e Azerbajxhanit ka arrestuar afër 40 persona, nën dyshimet se janë pjesë e një rrjeti të spiunazhit iranian dhe kanë përdorur fenë për të shtyrë përpara propagandën pro-Iranit. Mediat lokale raportuan më 1 shkurt se të dyshuarit u arrestuan në Baku dhe në rajone të tjera të shtetit në një operacion të kryer nga Ministria e Punëve të Brendshme. Disa raportime të një dite më parë, thoshin se shtatë persona ishin arrestuar. Institucionet e zbatimit të ligjit as nuk kanë mohuar e as konfirmuar këto raportime. Читать дальше...
“Asociacioni njëetnik në Kosovën me Kushtetutë shumetnike nuk është i mundshëm”, tha kryeministri i Kosovës, Albin Kurti, pas vizitës që i bëri një biznesi të këpucëve në Ferizaj. Ai tha se nëse Serbia dëshiron që në Kosovë të këtë zgjedhje njëetnike, “le ta provojë njëherë në shtëpinë e saj”. “Pakicat kombëtare në Serbi janë gati 20 për qind, pakicat kombëtare në Kosovë janë rreth 7 për qind, pra Asociacion i komunave me shumicë serbe në Kosovë, e Presheva, Medvegja e Bujanoci ta kenë vetëm Këshillin Nacional atje... Читать дальше...
Tri partitë opozitare në Kosovë, Partia Demokratike e Kosovës (PDK), Lidhja Demokratike e Kosovës (LDK), dhe Aleanca për Ardhmërinë e Kosovës (AAK), e kanë lëshuar sallën e Kuvendit në shenjë pakënaqësie me vlerën e koeficientit të përcaktuar sot nga Qeveria e Kosovës. Qeveria e Kosovës, vendosi sot që vlera e koeficientit të pagave për vitin 2023 të jetë 105 euro. Pagat e punëtorëve në Kosovë llogariten duke e shumëzuar koeficientin e pagës së një pozite me vlerën monetare të koeficientit. Raporti i koeficienteve është nga një deri në 18. Читать дальше...
Vlera e koeficientit të pagave për vitin 2023 do të jetë 105 euro. Kështu tha kryeministri i Kosovës, Albin Kurti, gjatë mbledhjes së Qeverisë më 1 shkurt. Ai tha se kjo vlerë e koeficientit do të ndryshojë në vitin 2024, dhe nga janari i vitit tjetër do të jetë 110 euro. Sipas Kurtit, çdo vit në bazë të mundësive buxhetore, ky koeficient do të lëvizë. Ligji i ri i pagave në Kosovë do të hyjë në fuqi më 5 shkurt të këtij viti. Pagat e punëtorëve në Kosovë llogariten duke e shumëzuar koeficientin... Читать дальше...
Autoritetet në Australi thonë se e kanë gjetur një kapsulë të vogël radioaktive, e cila humbi javën e kaluar gjatë transportimit. Një kërkim i madh ishte duke u zhvilluar për disa ditë, kur kjo kapsulë humbi teksa po transportohej përgjatë një rruge 1.400 km (870 milje) nëpër Australinë Perëndimore. Gjigandi i minierave, Rio Tinto, kërkoi falje për humbjen e pajisjes, mund të kishte paraqitur një rrezik serioz. Kapsula, e cila ka diametër është 6 milimetra (0,24 inç) dhe është e gjatë 8 milimetra... Читать дальше...
