Öz çäginde COVID-19-yň ýeke hadysasyny-da hasaba almadyk Türkmenistanyň paýtagty Aşgabat şäherinde lukmanlar koronawirusyň nobatdaky tolkunyna aladaly garaşýarlar. Şeýle-de, aşgabatly lukmanlar wirusyň täze tolkunynda ýurduň öňünde medisina işgärleriniň ýetmezçiliginiň keserip durjakdygyny duýdurýarlar. Bu barada Azatlyk Radiosynyň habarçysy 25-nji oktýabrda paýtagtdan habar berdi. "Häzirki wagtda wirus bilen keselleýänleriň sany köp bolmasa-da, birneme azalýar. Ýöne muňa garamazdan, şäheriň ýokanç keselleri hassahanasy näsaglardan doly. Читать дальше...
Türkmenistanda söwdanyň we üýşmeleňleriň gadagan edilen wagtynda ykdysady kynçylyklaryň köpelmegi köp telekeçini işlemek üçin gizlin ýollary gözlemäge mejbur edýär. Bu döwürde ilat üýşmeleňleriň gadagan edilmegine garamazdan, öýlerde toý we jynaza geçirýär. Ýurtda koronawirus bilen bagly girizilen çäklendirmeler awgustdan bäri dowam edýär. Şol bir wagtyň özünde hökümet bu çäklendirmeleri resmi taýdan yglan etmändi.
Mary welaýatynyň Baýramaly etrabyndaky merkezi bazaryň 100-den gowrak söwdagäri etrap häkimliginiň öňünde üýşüp, resmilerden awgust aýynda ýapylan bazaryň gaýtadan açylmagyny talap etdi. Häkimligiň resmileri bazaryň “ilatyň saglygyny goramak üçin ýapylandygyny” aýdyp, satyjylara ýene bir hepdeden bazary açmagy wada berdiler. Ýöne söwdagärler munuň “boş wadadygyny” aýdyp, öz harytlaryny bazaryň daşynda, uly ýoluň gyrasynda satyp başladylar. Bu ýagdaýlaryň jikme-jikleri barada Azatlyk Radiosynyň habarçysy Marydan maglumat berýär.
24-nji oktýabrda Gazagystanyň prezidenti Kasym-Žomart Tokaýew iki günlük döwlet sapary bilen Türkmenistana geldi. Aeoroportda ony wise-premýer Serdar Berdimuhamedow garşylady. Saparyň birinji gününde gazak prezidenti özüniň türkmen kärdeşi Gurbanguly Berdimuhamedow bilen Ahalteke atçylyk toplumyna baryp gördi. 25-nji oktýabrda Berdimuhamedow bilen Tokaýewiň arasynda gepleşikler geçirildi. TDH-nyň maglumatyna görä, gepleşikleriň dowamynda taraplar iki ýurduň eýe bolan mümkinçilikleriniň hem-de... Читать дальше...
Maryda daňdan çörek nobatyna durup, çörek alyp bilmeýän adamlar, öz sözleri bilen aýtsak, satyjylar bilen polisiýa işgärleriniň arasynda ýola goýlan 'özara peýdaly' hyzmatdaşlygyň üstüni açyp, dükandan alyp bilmedik çöreklerini mallar üçin iým satylýan ammardan satyn almagy öwrendiler. Ýylda bugdaý planyny 'dolduryp', azyk howpsuzlygyny 'üpjün edendigini' aýdýan prezident Durnuklaşdyryş gaznasynyň serişdeleriniň gurluşyklara gönükdirilmegine rugsat berdi. Synçylar ýurtda giň ýaýrandygy aýdylýan korrupsiýany... Читать дальше...
Özbek prezidenti Şawkat Mirziýoýew 24-nji oktýabrda geçirilen prezidentlik saýlawlarynyň ýeňijisi yglan edildi. Saýlawlarda oppozisiýa kandidatlary bolmansoň, Mirziýoýewiň ikinji möhlete aňsat saýlanmagyna garaşylypdy. Günbatar saýlaw synçylary ses berişligiň "doly bäsdeşlik esasynda geçmändigini" aýtdylar. Merkezi saýlaw komissiýasynyň başlygy Zainuddin Nizomhojaýewiň 25-nji oktýabrda beren maglumatyna görä, Mirziýoýew sesleriň 80,1%-ni almagy başarypdyr. Ol saýlawlara gatnaşygyň 80,4% bolandygyny hem aýtdy. Читать дальше...
Sudanda harby agdarylyşyk baradaky maglumatlaryň arasynda hökümetiň ençeme agzasy saklandy. Maglumat ministrligiň habaryna görä, 25-nji oktýabrda bilelikdäki harby güýçler Sudanyň geçiji dolandyryş edarasynyň we geçiji hökümetiniň ençeme raýat agzasyny saklapdyrlar. Olaryň aýdyňlaşdyrylmadyk bir ýere geçirilendigi hem bellenilýär. Harbylar tarapyndan saklananlaryň arasynda ýurduň premýer-ministri Abdallah Hamdokyň we azyndan başga-da dört ministriň bardygy çaklanylýar. Harbylar häzirlikçe beýanat bilen çykyş etmediler. Читать дальше...
Türk häkimiýetleri tarapyndan saklanan türkmen aktiwisti Ahmet Rahmanow türkmen prezidenti Gurbanguly Berdimuhamedowyň anti-sosial syýasatyna garşy protest hökmünde 22-nji oktýabrda gury açlyk yglan etdi. Bu barada 25-nji oktýabrda Adam hukuklary boýunça Türkmen Helsinki fondy beýanat bilen çykyş etdi. “Men Türkmenistandaky we daşary ýurtlardaky türkmenistanlylaryň meselelerine halkara jemgyýetçiliginiň ünsüni çekmegi umyt edýärin” diýip, Rahmanow Türkmen Helsinki fondunyň çeşmesine aýtdy. Maglumata görä... Читать дальше...
Adam hukuklaryna gözegçilik edýän Human Rights Watch (HRW) guramasy Owganystanda “Yslam döwleti” toparynyň ýerli şahamçasynyň azlykdaky şaýylara garşy amala aşyrýan hüjümleriniň adamzada garşy jenaýata deňdigini aýtdy. “Yslam döwleti – Horasan” topary Owganystanda soňky döwürde amala aşyrylan iň ganly hüjümleriň ençemesiniň jogapkärçiligini öz üstüne aldy. Şu aýyň başynda Gunduz we Kandagar welaýatlarynda şaýylaryň metjitlerine edilen hüjümlerde 150 çemesi adam heläk bolupdy. Topar 29-njy awgustda... Читать дальше...
Owganystanyň paýtagty Kabulyň günbatar sebitinde açlykdan heläk bolan sekiz ýetim çaganyň jesedi tapyldy diýip, etniki hazarylaryň syýasy lideri we owgan parlamentiniň ozalky agzasy mälim etdi. Mohammad Mohakikiň 24-nji oktýabrda özüniň Facebook sahypasynda ýerleşdiren beýanatyna görä, çagalar mundan üç hepde töweregi ozal ýogalypdyrlar. Ol çagalaryň ýerli molla we etrabyň ýaşaýjylary tarapyndan jaýlanandygyny hem sözüne goşdy. Mohammad Ali Bamiani atly ýeri bir mollanyň sözlerine görä, ýogalan çagalaryň iň ulusy sekiz... Читать дальше...
