Aşgabadyň polisiýasy "elitnyý" ýaşaýyş jaýlarynyň görküne zyýan ýetirýändiklerini aýdyp, zir-zibil çeleklerini dörýän adamlary wagtlaýyn tussag etdi, soňra-da goýberdi. Bu ýagdaýlaryň jikme-jikleri barada Azatlyk Radiosynyň habarçysy türkmen paýtagtyndan habar berýär. "16-njy sentýabrda Köpetdag etrabynyň polisiýasy ilat arasynda "elitnyý" diýlip atlandyrylýan jaýlaryň ýerleşýän sebitine reýd geçirip, zibil dörýänleri tussag etdi. Olaryň käbiri gaçmagy başardy. Tussag edilenler Ýunus Emre köçesiniň... Читать дальше...
Çoganlydaky bazarda köplenç öz söwda nokatlarynyň golaýynda bolýan telekeçileri söwda başynda tutmak boýunça çäreler geçirilýär. Resmi taýdan söwda etmek gadagan, häkimiýetler kornawirusyň bardygyny ykrak etmezden, keseliň ýaýran wagtynda girizen çäklendirmeler sebäpli iki aý töweregi wagt bäri azyk önümlerinden başga söwda gadagan edilýär.
Türkmenistanda adamlaryň pandemiýa çäklendirmeleri arasynda çuňlaşan kynçylyklary saklanyp galýar, ýöne olar hökümetde "arkasy bolan", ýagny resmileriň howandarlyk edýän şahslara degişli däl diýip, Azatlygyň habarçylary habar berýär
Türkmenistanda dowam edýän ykdysady kynçylyklaryň fonunda Lebap welaýatynyň Türkmenabat şäherinde öýsüz adamlar köpelýär. Bu barada Azatlyk Radiosynyň habarçysy 17-nji oktýabrda maglumat berdi.
Prezident Gurbanguly Berdimuhamedow nobatdaky onlaýn maslahatynda wise-premýer Serdar Berdimuhamedowyň 2022-nji ýyl üçin Döwlet býujetiniň taslamasy, ýurdy durmuş-ykdysady taýdan ösdürmegiň esasy ugurlary we geljek ýyl üçin Maýa goýum maksatnamasy barada taýýarlan hasabatyny diňledi we, býujetiň taslamasyny umuman makullap, Milli Geňeşiň Mejlisiniň garamagyna iberdi.
Türkmenistanda dowam edýän ýiti un we çörek ýetmezçiliginiň arasynda, Aşgabatda çörek we çörek önümlerini bişirýän hususy eýeçilikdäki kärhanalaryň onlarçasy öz işini bes etdi. Bu ýagdaý ýüzlerçe adamyň işsiz galmagyna getirdi. Bu barada Azatlyk Radiosynyň habarçysy paýtagtdan maglumat berýär
ABŞ-nyň goranmak sekretary Lloýd Austin – Gara Deňiz sebitindäki üç döwlete edýän saparynyň çäklerinde – Gürjüstanyň paýtagtyna geldi. Austiniň sapary Birleşen Ştatlaryň Russiýanyň “durnuksyzlaşdyryjy hereketleriniň” arasynda öz ýaranlaryna goldawyny äşgär etmegi maksat edinýär. “Birleşen Ştatlar Gürjüstana özüniň goranyş ukybyny gurmaga we Ýewro-Atlantik integrasiýasy ugrunda ilerlemegi boýunça hemaýat bermäge ygrarlydyr” diýip, Austin 18-nji oktýabrda Tbilisiniň Halkara aeroportuna gonanyndan soň Twitter hasabynda ýazgy galdyrdy. Читать дальше...
Russiýanyň Başkortostan respublikasynda ýitirim bolan oppozisiýa aktiwistiniň käbir şahsy emläkleri respublikanyň paýtagty Ufanyň golaýyndaky tokaýdan tapyldy. Mundan bir hepde ozal ýitirim bolan Ylham Ýanberdiniň kärdeşleriniň Azatlyk Radiosyna aýtmagyna görä, 17-nji oktýabrda aktiwistiň paltosy, jemperi we mobil telefony Ufanyň Inors etrabyndaky tokaýlykdan tapylypdyr. Ýanberdiniň aýaly Rasimanyň Azatlyk Radiosyna beren maglumatyna laýyklykda, aktiwist 11-nji oktýabrda ýitirim bolupdyr. Ol... Читать дальше...
Ukraina mundan birnäçe aý ozal jenaýat ketdesi bolmakda güman edilýän 100-den hem aşa şahsyýete garşy ýalňyşlyk bilen sanksiýalaryň girizilendigini aýtdy. Prezident Wolodymyr Zelenskiýiň maslahatçysy Mihaýlo Podolýak, 16-njy oktýabrda media beren maglumatynda, bu ýalňyşlygyň ýörite matlap bilen edilip-edilmändiginiň seljerilýändigini aýtdy. Ukraina hökümetiň gadagançylygyna giren şahsyýetleriň emläklerini, şol sanda bank hasaplaryny doňdurýar. Munuň kanuny ýagdaýda iş alyp barýan telekeçilere hem ýaramaz täsirini ýetirmek ähtimallygy bar. Читать дальше...
ABŞ Owganystandaky “Al-Kaýda” garşy hüjümlere başlanyndan 20 ýyl soň, Waşington bu ýurtdaky urşuny gutarana meňzeýär, ýöne global terrorçylyk ulgamy Owganystanda öz howpsuz gaçybatalgasyny täzeden gurmaga ukyply görünýär. Häkimiýete ýaňadan gaýdyp gelen “Talyban” öz ýaranlary üçin, beýle çäreleri aňsatlaşdyrar. 2001-nji ýylyň 7-nji oktýabrynda ABŞ 3 müň töweregi adamyň ölümine sebäp bolan 11-nji sentýabr hüjümini guramakda aýyplanýan “Al-Kaýdadan” ar almak maksady bilen “Talybanyň” ýolbaşçylygyndaky Owganystany bombalap başlady. Читать дальше...
Gazagystanyň prezidentiniň ýörite wekili Kabulda “Talybanyň” ýolbaşçylygyndaky administrasiýanyň ýokary derejeli wekilleri bilen duşuşyp, Owganystana ynsanperwer kömeginiň berilmegini, şeýle-de söwda we ykdysady gatnaşyklaryň täzeden ýola goýulmagyny maslahat etdi. Gazak prezidenti Kasym-Žomart Tokaýewiň halkara hyzmatdaşlyk boýunça ýörite wekili Ýeržan Kazykhanyň sapary barada, prezidentiň metbugat edarasy 17-nji oktýabrda mälim etdi. Bu awgustyň ortasynda “Talybanyň” halkara jemgyýetçiligi... Читать дальше...