Aşgabadyň keselhanalarynda koronawirus keseliniň pidalarynyň jesetlerini ýakynlaryna tabşyrmakda ýalňyşlyklar ýüze çykýar. Mundan başga-da, COVID-19-dan ölüm derejesiniň ýokary bolmagyna garamazdan, koronawirus keseli testler bilen tassyklanan hassalar öýlerine ugradylýar. Bu barada 6-njy oktýabrda Azatlyk Radiosynyň Türkmenistandaky habarçylary maglumat berdiler. Resmi taýdan COVID-19 ýurtda henizem hasaba alynmaýar.
Türkmenabadyň “Bahar” etrapçasyndaky “66 bazar” atlandyrylýan bazary ýykylyp, ol “Azatlyk” posýologyna göçürilýär.
Türkmenistanda ýiti ykdysady kynçylyklar dowam edýän mahaly, Lebap welaýatynyň etrap we oba ýerlerinde ýaşaýyş-durmuşy has pese gaçan köp hojalyk, çykalga tapmansoň, ýaşaýyş jaýlaryna ýanaşyk ýer böleklerini satyp başlady. Mellek söwdasyna emläk dellallary araçylyk edýär. Dellallar ýer böleklerine 100-150 müň manat aralygynda baha kesýär.
Türkmenistanyň prezidenti Gurbanguly Berdimuhamedowyň 4-5-nji oktýabr aralygynda Özbegistana amal eden resmi saparynyň çäklerinde transport, suw tygşytlaýjy tehnologiýalar, aragatnaşyk ulgamlary, bilim we medeniýet ýaly pudaklary hem öz içine alýan ikitaraplaýyn 23 resminama gol goýuldy, Owganystandaky ýagdaýlar maslahat edildi. Mundan başga-da, Berdimuhamedow Özbegistanda ýaşaýan türkmen diasporasynyň wekilleri bilen duşuşdy, şeýle-de ýurduň ozalky awtoritar lideri Yslam Kerimowyň ýadygärligine gül desselerini goýdy.
Türkmenistanyň prezidenti Gurbanguly Berdimuhamedow, özbek kärdeşi Şawkat Mirziýoýewiň çakylygy esasynda, 4-5-nji oktýabr aralygynda Özbegistana resmi sapary amala aşyrdy.
Türkmenistanda 6-njy oktýabrda “ähli uruşlaryň söweş meýdanlarynda wepat bolanlaryň hem-de 1948-nji ýylyň Aşgabat ýer titremesinde şehit bolanlaryň" Hatyra güni bellenilýär. 1948-nji ýylyň 5-nji oktýabryndan 6-njy oktýabryna geçilýän gije bolan ýersasrgynynyň üstünden 73 ýyl geçendigine garamazdan, Aşgabat ýer titremesinde anyk näçe adamyň wepat bolandygy, näçe adamyň ýitendigi henize çenli hem belli däl we taryhçylaryň geçiren barlaglarynyň netijeleri, şaýatlaryň ýatlamalary çap edilmeýär. Gepiň gerdişine aýdylsa... Читать дальше...
Ukrainanyň döwlet bankynyň ýolbaşçysy şu hepde Şemiý programasynyň dowamyndaky interwýuda žurnaliste garşy edilen hüjüm üçin ötünç sorady, şeýle-de bu waka boýunça başladylan jenaýat işi tamamlanýança wezipesinden çekilýändigini yglan etdi. “Baknyň töweregindäki ýagdaý kabul ederliksizdir. Meniň duýgularyma erk edip bilmän žurnaliste garşy eden hetdenaşa hereketlerimi aklap bolmaýar” diýip, Ukreksimbankyň başlygy Ýewhen Metser 6-njy oktýabrda beýanat bilen çykyş etdi. Mundan iki gün öň bolan waka Ukrainada žurnalistler... Читать дальше...
Türkiýe we Azerbaýjan bilelikdäki harby türgenleşiklere başladylar. Bu geçen ýyl dawaly Daglyk-Garabag sebiti üstünde ermeni güýçleri bilen turan söweşden soň, iki ýurduň arasyndaky harby gatnaşyklaryň ýygjamlaşan döwrüne gabat geldi. “Sarsmaz Doganlyk” ady bilen geçirilýän türgenleşikler 5-8-nji oktýabr aralygynda dowam eder. Bu türgenleşik Baku bilen Tähranyň arasyndaky gatnaşyklaryň ýitileşen wagtynda geçirilýär. Soňky günlerde, Eýran hem Azerbaýjan bilen serhetleriniň golaýynda seýrek harby türgenleşikleri geçiripdi. Читать дальше...
Lebap welaýatynyň Darganata we Dänew etraplaryna gelen güýçli ýeliň netijesinde tok we telefon aragatnaşyk sütünleriniň ýüzlerçesi agdy, ýaşaýyş jaýlarynyň onlarçasyna zeper ýetdi diýip, Azatlygyň sebitdäki habarçysy 6-njy oktýabrda habar berdi. Onuň sözlerine görä, harasat öten agşam sagat 22:30 töwerekleri başlanypdyr. Mundan başga-da, ol sebitde çarşenbe güni hem güýçli şemalyň saklanýandygyny sözüne goşdy. Habarçy güýçli şemalyň gumuň tozan bölekleri bilen garyşyp gelendigini hem belledi. Читать дальше...
Global himiki ýaraglar boýunça edaranyň mejlisiniň dowamynda 45 döwletden, şol sanda ABŞ-dan, Britaniýadan we Germaniýadan ybarat topar Russiýadan tussaglykdaky oppozisiýa syýasatçysy Alekseý Nawalnynyň zäherlenmegi boýunça soraglara jogap bermegini talap etdi. 5-nji oktýabrda Günbatar döwletleri Himiki ýaraglary gadagan etmek boýunça guramanyň mejlisinde Russiýa soraglaryň sanawyny gowşurdylar. Bu gurama Himiki Ýaraglar boýunça Konwensiýanyň berjaý edilişine gözegçilik edýär. “Birleşen Ştatlar... Читать дальше...