BSG-niň COVID-19 boýunça missiýasy, ýurtda koronawirusyň ýokdugyny aýdyp gelýän Türkmenistanyň bu keseliň ýurtda bardygy ýaly hereket etmelidigini aýtdy. BSG-niň Türkmenistana sapar edýän bilermenler toparynyň agzasy Katerine Smallwood bu barada 15-nji iýulda Aşgabatda geçirilen metbugat- konferesniýasynda aýtdy.
Türkmenistanyň gurluşyk pudagyna gözegçilik edýän wise-premýer Şamuhammet Durdylyýewiň Aşgabadyň 9-njy etrapçasyndan geçmeginiň yzýany, şäherde öýsüz-öwzarsyz itleri we pişikleri tutmak çäreleri gaýtadan güýçlendi.
Mary welaýatynda Türkmenistanyň Milli howpsuzlyk ministrliginiň işgärleri polisiýa işgärleriniň el telefonlaryny barlaýar. Bu barada Azatlyk Radiosynyň habarçysy bir ýerli kanun goraýjy işgäriň sözlerine salgylanyp, 15-nji iýulda habar berdi.
TDH prezidentiň daşarda bolýan betbagtçylyklar babatdaky gynançlaryny yzygiderli çap edýär. Emma bu işjeňlik içerdäki adamlaryň aýyr ýagdaýlaryna degişli däl.
“Wiasna” ynsan hukuklary merkeziniň maglumatyna görä, ýurt boýunça 140-dan gowrak adam tussag edildi.
ABŞ-nyň prezidenti Donald Tramp Pekiniň Hong Konguň awtonomiýasyna goşulmagyna jogap edip, Hytaýa garşy sanksiýalaryň girizilmegini göz öňünde tutýan karara gol goýdy. 14-nji iýulda Ak Tamda geçirilen metbugat ýygnagynda Tramp Hong Kong bilen alnyp barlan artykmaçlyk söwda gatnaşyklarynyň togtadylýandygyny mälim etdi. “Hong Konga indi Hytaý ýaly çemeleşiler. Aýratyn artykmaçlyklar, ýörite ykdysady gatnaşyklar we möhüm tehnologiýalaryň eksporty bolmaz” diýip, Tramp aýtdy. Tramp Hong Konguň Awtonomiýa Aktyna hem gol goýandygyny aýtdy. Читать дальше...
Azerbaýjan bilen Ermenistanyň serhet çäginde ýüze çykan çaknyşyklaryň üçünji gününde, ýagny 14-nji iýulda ýedi azeri harby gullukçysy, şol sanda bir general we dört ermeni esgeri öldi. Çaknyşyklarda agyr artilleriýa toplary hem atyldy. Halkara jemgyýetçiligi taraplara ýowuzlygy dessine azaltmak barada çagyryş etdiler. Günorta Kawkaz sebitindäki iki goňşy ýurt özleriniň durnuksyz serhet ýakasynda nobatdaky uçguny başlatmakda biri-birini aýyplaýar. Iki ýurduň arasynda Azerbaýjandan bölünip aýrylan... Читать дальше...
Belarusda öňümizdäki aýda geçiriljek prezidentlik saýlawlarynda häkimiýet başyndaky prezident Aleksandr Lukaşenkanyň esasy garşydaşlarynyň biriniň dalaş etmekden çetleşdirilmeginden soňra, ýurduň dürli künjeklerinde onlarça müň adam muňa protest bildirip köçä çykdy we polisiýa bilen çaknyşdy. 14-nji iýulda Belarusyň Merkezi Saýlaw Komissiýasy 9-njy awgustda geçiriljek prezidentlik saýlawlaryna bäş dalaşgäriň hasaba alnandygyny aýtdy. Kandidatlaryň arasynda ýurdy 1994-nji ýyldan bäri dolandyryp gelýän 65 ýaşly Lukaşenka hem bar. Читать дальше...
ABŞ-da koronawirusa ýoluganlaryň we bu sebäpli heläk bolanlaryň sany artýar. Bu aralykda, Birleşen Ştatlaryň bir kärhanasy COVID-19-a garşy mümkin waksinanyň adamlarda soňky tapgyr synaglarynyň geçirilýändigini, şeýle-de mundan ozalky deslapky testleriniň oňaýly netije berendigini aýdýar. ABŞ-da koronawirusdan 136 müň töweregi adam heläk bolup, wirusdan esasan ýurduň günbatar we günorta sebitleri ejir çekýärler. Birleşen Ştatlarda her gün wirusa ýoluganlaryň täze 60 müň ýagdaýy ýüze çykarylýar. Читать дальше...
