Presidenti i Shteteve të Bashkuara, Joe Biden, tha në një fjalim televiziv se vendimi i tij për Afganistanin ishte “largimi” ose “përshkallëzimi” i situatës. Forcat amerikane përfunduan tërheqjen nga Afganistani më 30 gusht, pas 20 vjetësh prani në këtë vend. Paraprakisht, më 15 gusht, Afganistani ra nën kontrollin e militantëve talibanë. Biden tha se tërheqja ka qenë “vendimi më i mirë për Amerikën”. Ai tha se e merr përgjegjësinë për këtë vendim dhe se beson se qëndrmi më gjatë në Afganistan “nuk ka qenë opsion”. Читать дальше...
Një zjarr ka shpërthyer pasditen e së martës në rrethinat e disa fshatrave të Lipjanit, duke shkatërruar një hapësirë të madhe të malit. Zjarrfikësit kanë arritur ta fikin zjarrin, mirëpo shumë hektarë të malit kanë mbetur të shkrumbuar.
Bisedimet midis ministrave të Brendshëm të Bashkimit Evropian përfunduan me një deklaratë të përbashkët, që thotë se blloku do të përpiqet të ndalojë fluksin e madh të refugjatëve nga Afganistani, duke rritur kontrollin në kufij dhe duke ofruar ndihmë. Deklarata e BE-së shmang premtimet për pranimin e azilkërkuesve. Mijëra afganë janë larguar ose duan të largohen nga Afganistani, prejse militantët talibanë kanë marrë kontrollin e këtij vendi, më 15 gusht. “Bazuar në mësimet e nxjerra, BE-ja është e vendosur të veprojë së bashku... Читать дальше...
Popullsia e Republikës së Irlandës është rreth 5.01 milionë, njoftoi të martën Zyra Qendrore e Statistikave në këtë vend. Kjo është hera e parë që popullsia irlandeze kalon shifrën prej pesë milionësh qysh në vitin 1851. Atëbotë, popullsia përbëhej prej 5.11 milionë banorësh. Shifra po ashtu paraqet rritje prej 2.19 milionësh krahasuar me regjistrimin e vitit 1961. Zyra Qendrore e Statistikave tha se migrimi dhe rritja natyrore kanë sjellë rritje të popullsisë për 34,000 banorë në 12 muaj. Eksperti i statistikave... Читать дальше...
Gjermania është duke planifikuar një fushatë mbarëkombëtare për të rritur numrin e qytetarëve të vaksinuar kundër koronavirusit. Autoritetet thanë se qeveritë kombëtare dhe shtetërore duan ta bëjnë vaksinimin të disponueshëm në sa më shumë vende. Fushata me moton “Këtu vaksinojmë” do të zhvillohet nga data 13 deri më 19 shtator. Lokacionet e vaksinimit do të përfshijnë klube sportive, departamente të zjarrfikësve, farmaci dhe shtëpi të mëdha. Ideja është që qytetarët të inkurajohen për t’u vaksinuar përpara vjeshtës... Читать дальше...
Qindra pjesëtarë të komuniteteve Rom, Ashkali dhe Egjiptas (RAE) në Prizren kanë marrë dozat e para të vaksinës kundër COVID-19. Shumë nga këta banorë thonë se kishin probleme të bënin terminë online, prandaj një ekip mobil i mjekëve shkoi te ta për t’i vaksinuar.
Sllovakia ndaloi të martën përdorimin e vaksinës ruse kundër koronavirusit Sputnik V. Zëdhënësja e Ministrisë së Shëndetësisë, Zuzana Eliasova, tha se mbi 18,500 qytetarë sllovakë janë vaksinuar tashmë me këtë vaksinë. Në muajin mars, Sllovakia ka blerë 200,000 doza Sputnik V, duke u bërë shteti i dytë anëtar i Bashkimit Evropian, pas Hungarisë, që furnizohet me të tilla. Sputnik V nuk është miratuar nga Agjencia Evropiane e Barnave - EMA. Katër vaksinat e miratuara nga kjo agjenci janë: Pfizer/BioNTech... Читать дальше...
Agjencitë e inteligjencës amerikane vazhdojnë të jenë të ndara për origjinën e COVID-19 pas një hetimi tremujor, i urdhëruar nga presidenti, Joe Biden; më shumë se 50.000 njerëz të diagnostikuar me COVID-19 vdiqën në Rusi gjatë muajit korrik; Gjermania thotë se do të dhurojë deri në 70 milionë doza të vaksinave për vendet afrikane. (Përgatiti: Bujar Tërstena)
Reporterët pa Kufij thanë se shteti rus “po shtrëngon kontrollin” në internet, duke “kufizuar” në mënyrë drastike lirinë e shtypit dhe të shprehjes. Në një raport të publikuar të martën, organizata me seli në Paris tha se së paku pesë ueb-faqe të pavarura është dashur të ndërpresin aktivitetin e tyre këtë vit. Sipas organizatës, disa media janë shpallur “në mënyrë arbitrare” agjente të huaja në Rusi, përfshirë kanalin TV Dozhd, portalin e lajmeve me bazë në Letoni, Meduza, dhe disa ueb-faqe hulumtuese. Читать дальше...
Pas situatës së rëndë me pandeminë, profesionistët shëndetësorë vlerësojnë se vaksinimi i detyrueshëm kundër COVID-19 është i domosdoshëm edhe në Kosovë. Disa shtete në botë tashmë veç kanë bërë të detyrueshëm imunizimin për disa kategori. Italia është vendi i parë evropian që e bëri të detyrueshëm vaksinimin e punëtorëve shëndetësorë. Edhe në Francë, punëtorët shëndetësorë dhe zjarrfikësit e kanë për obligim që të vaksinohen. Shtetet e Bashkuara, ndërkaq kanë marrë vendim që vaksina të bëhet... Читать дальше...
Shefi i politikës së jashtme të Bashkimit Evropian, Josep Borrell, tha se marrëveshja përfundimtare midis Kosovës dhe Serbisë do të zgjidhë, ndër të tjera, edhe çështjen e përfaqësimit ligjor të Kosovës në nisma të ndryshme rajonale. Borrell i bëri komentet në një përgjigje me shkrim në pyetjen e deputetëve të Parlamentit Evropian, e cila i referohet, siç thuhet në titull të pyetjes, “mungesës së koherencës në përfaqësimin ligjor të Kosovës”. “Arritja e një marrëveshjeje gjithëpërfshirëse ligjërisht... Читать дальше...
Ghazaal Habibyar është aktiviste afgane, e cila është strehuar bashkë me familjen e saj në Shqipëri, ashtu sikurse edhe 457 bashkatdhetarë të saj, pas kthimit të talibanëve në pushtet. Kjo ishte hera e dytë që ajo la Afganistanin, pasi që më herët ishte larguar për të studiuar në Australi, pasi ishte frikuar nga reagimi i talibanëve ndaj arsimimit të një gruaje. (Përgatitën: Trim Haliti dhe Bujar Tërstena)
Në Kosovë, së shpejti, pritet të arrijnë mbi 450,000 doza të vaksinës Pfizer/BioNTech kundër koronavirusit, të bëra donacion nga Shtetet e Bashkuara, tha të martën ministri i Shëndetësisë i Kosovës, Arben Vitia. Duke folur në një konferencë për media në Prishtinë, Vitia tha se Kosova ka mjaftueshëm doza të vaksinës Pfizer/BioNTech dhe AstraZeneca. “Edhe një herë ju bëj thirrje që të mos zgjedhim se cilën vaksinë ta marrim në një situatë si kjo. Me rëndësi është që të vaksinohemi sa më parë”, tha Vitia. Читать дальше...
Në Bashkimin Evropian nuk ka një qëndrim të qartë lidhur me nismën “Ballkani i Hapur”, iniciativë që ka nxitur reagime të ndryshme jo vetëm në rajonin e Ballkanit Perëndimor, por edhe në qarqet ndërkombëtare. Në bllokun evropian, në njërën anë mbështesin çdo nismë që ndikon në rritjen e bashkëpunimit evropian, por në anën tjetër këtë nismë e shohin si dyfishim të disa proceseve, të cilat tashmë janë në vazhdim e sipër. Nisma e përbashkët e kryeministrit të Shqipërisë, Edi Rama, presidentit të Serbisë... Читать дальше...
Në Kosovë u konfirmuan të martën edhe 26 viktima nga koronavirusi. Ministria e Shëndetësisë njoftoi edhe për 1,383 raste pozitive. Rastet e reja rezultuan pas testimit të 11,472 mostrave. Shifra prej 1,383 i bie që rreth 12 për qind e të testuarve kanë dalë pozitivë. Në 24-orëshin paraprak, 996 pacientë u shëruan, ndërsa raste aktive me koronavirus aktualisht janë 26,886. Deri të martën, në Kosovë janë dhënë mbi 825,000 vaksina kundër koronavirusit. Në total, 276,890 qytetarë janë vaksinuar me nga dy doza. Читать дальше...
Gjyqësori në Iran tha se dy persona janë arrestuar dhe katër të tjerë janë ndaluar dhe liruar me kusht, në lidhje me keqtrajtimet e pretenduara të të burgosurve në burgun Evin të Teheranit. Ditë më parë, një grup hakerësh ka ndarë me Radion Evropa e Lirë dhe disa media persike video që duket se tregojnë roje të burgut duke rrahur të burgosur dhe duke i tërhequr zvarrë nëpër dysheme. Agjencia e lajmeve e gjyqësorit iranian, Mizan, tha se gjashtë persona janë ndjekur penalisht dhe janë marrë në pyetje në lidhje me videot. Читать дальше...
Skena surreale në kryeqytetin afgan, teksa militantët islamikë, që kanë marrë Afganistanin në kontroll, po mbajnë tubime për arsimimin e grave, dhe po patrullojnë rrugët e Kabulit me armë amerikane. (Përgatiti: Trim Haliti)
Njëmbëdhjetë militantë të grupit terrorist Shteti Islamik (IS) janë vrarë pasi njësitet kundër terrorizmit të Pakistanit bastisën një vendstrehim të militantëve në provincën jugperëndimore të Baluçistanit. Njoftimi u bë nga ana e policisë pakistaneze, raporton AP. Informacionet për lokacionin ku gjendeshin militantët, ishin siguruar nga organet e inteligjencës. Në këtë rajon militantët e IS-it kishin vrarë kohët e fundit dy policë. Policia tha se në këtë bastisje u konfiskuan rripa që përdoren për sulme vetëvrasëse... Читать дальше...
Greqia mbështet fuqishëm Maqedoninë e Veriut, por edhe të gjithë Ballkanin Perëndimor në rrugën e integrimit drejt Bashkimit Evropian, ka deklaruar në Shkup, Ministri i Punëve të Jashtme i Greqisë, Nikos Dendias. Ai pas takimit me Ministrin e Punëve të Jashtme të Maqedonisë së Veriut, Bujar Osmani, tha se “Greqia është dhe mund të jetë miku dhe bashkëpunëtori juaj më i mirë”, por shefi i diplomacies greke theksoi rendësinë që ka për dy vendet zbatimi i Marrëveshjes së Prespës. Me këtë marrëveshje të arritur më 16 qershor të vitit 2018... Читать дальше...
Uragani i fuqishëm Ida ka lënë pas dëme katastrofike dhe ka shkaktuar përmbytje të mëdha në shtetin amerikan të Luizianës, ku, si pasojë e tij, disa persona kanë humbur jetën dhe shumë vendbanime kanë mbetur pa energji elektrike. (Përgatiti: Trim Haliti)
Presidentja e Komisionit Evropian, Ursula von der Leyen, tha të martën (31 gusht) se 70 për qind e të rriturve në Bashkimin Evropian janë vaksinuar plotësisht kundër COVID-19. Me këtë shifër, BE-ja ka arritur objektivin e vendosur muajin në janar që deri në fund të verës të vaksinohen 70 për qind e të rriturve. "Sot shënuam një arritje të rëndësishme në fushatën tonë të vaksinimit. Në BE 250 milionë njerëz janë plotësisht të imunizuar", tha Von der Leyen përmes një videoje të postuar në internet. Читать дальше...
Kryetarët e 12 nga gjithsej 38 komunat e Kosovës morën pjesë në takimin e thirrur nga kryeministri, Albin Kurti, pavarësisht se Asociacioni i Komunave të Kosovës, më herët gjatë të martës tha se do të bojkotojë këtë takim. Në këtë takim u bisedua për gjendjen me pandeminë dhe për vështirësitë që po përballen komunat. “Nevojitet bashkëpunim i ngushtë ndërmjet qeverisë dhe komunave, sidomos në mes të policisë, inspektorëve komunalë dhe inspektorëve të AUV-it”, tha kryeministri Kurti gjatë takimit. Читать дальше...
Izraeli ka shënuar të marten (31 gusht) një rekord të rasteve të reja me koronavirus. Autoritetet shëndetësore konfirmuar se 11.000 persona kanë dalë pozitiv gjatë 24 orëve të fundit. Varianti Delta i koronavirusit, i cili është shumë më ngjitës, ka përkeqësuar situatën epidemiologjike në këtë vend. Izraeli e ka në plan të fillojë vitin e ri shkollor me prezencë fizike të nxënësve dhe studentëve në objekte mësimore derisa po përpiqet të rrisë shkallën e vaksinimit. Kryeministri i Izraelit... Читать дальше...
Në Kosovë në orët e para të së martës, arriti grupi i dytë i shtetasve afganë, të evakuuar nga Kabuli gjatë ditëve të kaluara, teksa gjatë të martës pritet të vijë edhe një grup tjetër. Ministri i Punëve të Brendshme, Xhelal Sveçla tha se në grupin e dytë bëjnë pjesë 113 qytetarë afganë, bashkëpunëtorë të NATO-s dhe familjet e tyre, ndërkaq gjatë ditës do të vijnë edhe 131 shtetas të tjerë afganë, të cilët do të strehohen përkohësisht në Kosovë. “Strehimi i tyre është i përkohshëm edhe bazuar në vendimet e qeverisë. Читать дальше...
Talibanët morën kontrollin e plotë të Aeroportit Ndërkombëtar të Kabulit të martën, pasi avioni i fundit amerikan u largua nga pista, duke shënuar fundin e luftës më të gjatë amerikane. Sipas Associated Press (AP), automjetet e talibanëve po qarkullonin në pistën e aeroportit. Në orët e para të 31 gushtit, luftëtarët talibanë, të armatosur rëndë, hynë në aeroport dhe shkuan nëpër të gjitha pjesët e tij, madje duke hipur edhe në disa nga shtatë helikopterët CH-46 që Departamenti i Shtetit i përdori për evakuime... Читать дальше...