Кыргызстандын Орусиядагы элчилиги Москвада 3-сентябрда болгон жол кырсыгы тууралуу "Азаттыкка" маалымат берди. Ага ылайык, кырсыктан теги кыргызстандык 34 жаштагы адам окуя болгон жерде мүрт кеткен. Аны коюп кеткен таксинин айдоочусу дагы 30 жаштагы кыргызстандык экени белгилүү болду. Элчилик Орусиянын жарандыгын алган маркумдун сөөгү Кыргызстанга 5-сентябрда жөнөтүлө турганын, айдоочу камалганын кошумчалады. Социалдык тармактарга Москва шаарынын көчөлөрүнүн биринде болгон кырсыктын видеолору тарады. Читать дальше...
Президент Садыр Жапаровдун күзөт кызматы үчүн коштоп жүрүүчү эки унааны гранттык негизде чет элдик өнөктөштөр берген. Бул маалыматты мамлекет башчынын басма сөз катчысы Эрбол Султанбаев "Азаттыкка" ырастады. Интернетке соңку күндөрү президенттин кортежинде 2021-жылкы Chevrolet Suburban үлгүсүндөгү эки чопкутталган жолтандабас жүргөнү тууралуу жазып, социалдык колдонуучулар арасында талкуу жаралган. Эрбол Султанбаев аларга "машиналарды өнөктөштөр алып берген жана атайын унааларды алууга мамлекеттик... Читать дальше...
Орусиядагы кыргызстандык эмгек мигранттары арасында мыйзамсыз маңзат ташууга байланышкан кылмыштарга кириптер болгондор көбөйдү. Мындай маалымат Жогорку Кеңештин Эл аралык иштер, коргоо, коопсуздук жана миграция комитетинин 5-сентябрдагы жыйынында айтылды. Эл өкүлү Нуржигит Кадырбеков Орусиянын Санкт-Петербург шаарында кыргызстандык бала маңзат ташууга айыпталып кармалганын айтты. Тышкы иштер министринин орун басары Азизбек Мадмаров мындай кылмыштарга кириптер болгондордун саны көбөйүп жатканын ырастады. Читать дальше...
Баткен облусунун Кадамжай районунда киши колдуу болгон 14 жаштагы секелектин сөөгү табылды. Бул тууралуу Баткен облустук милициясынын басма сөз кызматынан кабарлады. Маалыматка караганда, 4-сентябрда саат 15:25 чамасында райондун Ноогардан айылында жайгашкан бакчада белгисиз аял кишинин сөөгү жаткандыгы тууралуу маалымат түшкөн. Окуя болгон жерге ыкчам тергөө тобу барган. "Окуя болгон жерди кароо учурунда колу артка жип менен байланган, мойнунан жип менен муунтулуп өлтүрүлгөн кыздын сөөгү табылган. Читать дальше...
Жогорку Кеңештин айрым депутаттары миграция тармагын гана тейлеген өзүнчө мекеме түзүүнү президентке жана Министрлер кабинетине сунуштоодо. Бул тууралуу Жогорку Кеңештин Эл аралык иштер, коргоо, коопсуздук жана миграция боюнча комитетинин жыйынында айтылганын депутат Нурлан Шакиев "Азаттыкка" билдирди. Эл өкүлү маанилүү жана көйгөйү көп тармак өзүнчө түзүм болмоюнча иштин жыйынтыгы болбойт деп эсептейт. "Миграция кызматын өзүнчө бөлүшүбүз керек. Бул эң маанилүү, көйгөйлүү тармак болуп жатат. Ошондуктан... Читать дальше...
Орусияда журналист Иван Сафронов “мамлекетке чыккынчылык кылган” деп табылып, 22 жылга күчөтүлгөн режимдеги колонияга кесилди. Мындай өкүмдү 5-сентябрда Москва шаардык соту чыгарганын “Азаттыктын” орус кызматы жазды. Анын адвокаттары буга чейин кийинки инстанцияга арыз берерин билдиришкен. Сот өкүмдүн кириш жана корутунду бөлүктөрүн гана окуду. Соттук жараянга ондогон адамдар, анын ичинде Иван Сафроновдун кесиптештери, жакындары жана достору катышты. Судья өкүмдү окугандан кийин алар “Эркиндик!”... Читать дальше...
Кабулда Орусиянын элчилигинин алдындагы жардыруудан эки кызматкер мерт болду. Болот Темиров сот отурумунда ага ачылган кылмыш ишин күч органдары уюштурганын билдирди. Баткен облусунун тургундары менен жолукканы барган бийлик өкүлдөрүнө чек ара, жер, жөлөк пул чегерүү боюнча суроолор берилди.
Үй-бүлөнүн түйшүгү менен кошо айылдын экономикасын көтөргөн, эң четки айылдарда жашап ондогон жумуш орундарын түзгөн, ата-бабадан калган өнөрдү улап, табиятка аяр мамилени коомго жайылткысы келген элеттик кыз-келиндердин аракети тууралуу "Данисте" программасы баяндайт.
Жалал-Абад облусунун Базар-Коргон районуна караштуу Сай-Коргон айылынын 72 жаштагы тургуну кутурмадан каза болду. Бул тууралуу Жалал-Абад райондор аралык ооруларды алдын алуу жана мамлекеттик санитардык эпидемиологиялык көзөмөл борборунун бөлүм башчысы Парикан Эшенкулова "Азаттыкка" билдирди. Анын айтымында, кутурмадан каза болгон жаран гипертонияга байланыштуу дарыгерлердин көзөмөлүндө турган. 1-сентябрда Базар-Коргон аймактык ооруканасына кайрылып, адегенде терапия бөлүмүнө жаткырылган. "Терапия... Читать дальше...
Кыргызстандын Түркиядагы элчилиги бул өлкөдө 19 кыргызстандык абакта отурганы кабарланды. Алардын көбү адам өлтүрүү, талап-тоноо, документтерди жасалмалоо кылмыштарына айыпталып кармалышкан. Темир тор артында отургандардын дээрлик көпчүлүгү кыз-келиндер. "Шылуун фирманын айынан абакта отурдум" Эки жылдан бери Түркиянын Анталия шаарында бала багуучу болуп иштеген Анара быйыл эки жарым ай абакта отуруп чыкты. Ага быйыл жайында "документтерди жасалмалоо" беренеси менен айып тагылып, камакка алынган. Читать дальше...
Түркмөнстандын бийлиги Түркиядан түркмөн жарандары үчүн виза режимин киргизүүнү суранганы белгилүү болду. Бул тууралуу Түркмөнстандын Тышкы иштер министрлиги ишемби күнү билдирди. Буга чейин Түркиянын бийлиги түркмөн жарандарынан виза талап кыла баштаганы кабарланган. Тышкы иштер министрлигинин сайтына чыккан маалыматта “Түркмөнстандын жарандарынын Түркияда жүрүү эрежелерин жакшыртуу жана колдоо үчүн түркмөн тарап Түркияга убактылуу виза режимин киргизүү өтүнүчү менен кайрылганы” жазылат. “Азаттыктын”... Читать дальше...
Талас шаарында өткөн жылдын 29-декабрында күйөөсүнүн ур-токмогунан каза тапкан келиндин өлүмүнө байланыштуу облустук жол кыймылынын коопсуздугун камсыздоо бөлүмүнүн үч кызматкерине жана алардын биринин жубайына кылмыш иши козголду. Облустук милициянын басма сөз катчысы Динара Сарногоева "Азаттыкка" билдиргендей, ишти Кылмыш-жаза кодексинин 145-беренеси ("Жардам корсөтпөй коюу") менен Талас шаардык прокуратурасы 10-августта козгогон. 15-августта ишти шаардык милицияга өткөрүп берген. Учурда тергөө иштери жүрүп жатат. Читать дальше...
Президент Садыр Жапаров Жогорку Кеңештин регламенти жөнүндө мыйзам долбоорун артка кайтарды. Президенттин соңку кадамын айрым депутаттар парламент институтунун таасирин төмөндөтүү аракети катары баалап жатышат. Жайкы каникулдан кайтып келген Жогорку Кеңештин депутаттары жаңы регламент менен иштөө планы аткарылган жок. Быйыл каникулга тарардын алдында чукул карап, шашылыш кабыл алган мыйзам долбооруна президент Садыр Жапаров каршы пикирин билдирип, артка кайтарды. Президенттин мындай позициясы... Читать дальше...
4-сентябрда Пакистандын бийлиги нөшөрлөгөн жамгырдан улам толуп-ташканы турганы Манчхар көлүнүн нугун атайылап бурду. Ал үчүн өлкө түштүгүндөгү көлдүн дамбасынын бир тарабы жырылды. Мындай чара көлдүн ташып кетишин жана чоң селди алдын алуу үчүн кабыл алынды. Синд провинциясынын ирригация министри Жам Хан Шоро көлдөн агып чыккан суу 100 миңдей адам жашаган аймакка таасирин тийгизерин айтып, эгер “көл өзү толуп ташый турган болсо, андан көп аймакты суу каптамак” деп билдирди. Расмий маалыматка ылайык... Читать дальше...
6-сентябрда Кыргызстандын аймагында түнкүсүн жаан-чачын күтүлбөйт. Күндүз Нарын облусунун айрым жерлеринде, Чүй, Ош, Ысык-Көл облустарынын тоолуу райондорунда өткүн өтүп, күн күркүрөшү мүмкүн. Калган аймактарда жаан жаабайт. Батыштан соккон шамалдын ылдамдыгы секундасына 4-9 метрге жетиши күтүлөт Абанын температурасы: Чүй облусунда түнкүсүн 13...18, күндүз 31…36; Талас жергесинде түнкүсүн 9...14, күндүз 30…35; Баткен, Ош, Жалал-Абадда түнкүсүн 14…19, күндүз 32…37; Ысык-Көл облусунда түнкүсүн 10...15... Читать дальше...
Бишкектин Свердлов райондук соту иликтөөчү журналист Болот Темировдун ишин карап жатат. Жараянда Болот Темиров суралууда. Ал өзүнө карата кылмыш иши атайын уюштурулган, алдын ала даярдалган деп эсептейт. "Менин артымдан аңдышкан, мени кармаган күнү саат 14:06да иш-чарадан чыккан учурда мага чалып, жумушта бар же жогумду сурашкан. Мен телефон аркылуу кеңседе боло турганымды айттым. Айпери Адылбек кызы аттуу жарандын арызы 14:13тө кылмыштарды каттоо журналына катталыптыр. Мунун бардыгы тартип коргоо... Читать дальше...
Жалал-Абад облустук сотунда журналист Куттумидин Базаркуловдун арызы карала баштады. 5-сентябрда өткөн экинчи отурумда прокуратура иш менен толук таанышуу үчүн убакыт сураганын, кийинки жараян 21-сентябрга жылганын журналист өзү "Азаттыкка" билдирди. Буга чейин Базаркулов өзүн актоо өтүнүчү менен Жалал-Абад облустук сотуна кайрылган. Базаркуловду УКМК “Кызматынан кыянаттык менен пайдалануу” беренеси менен айыптап, 2021-жылдын 27-ноябрда үйүнөн кармап кеткен. Атайын кызмат ал 2015-жылы... Читать дальше...
26-28-сентябрь күндөрү Бишкек шаарында “Антиконтрафакт” деп аталган онунчу эл аралык форум өтөт. Билим берүү жана илим министрлигинин басма сөз кызматы билдиргендей, форум өнөр жай продукциясын мыйзамсыз жүгүртүүгө каршы күрөшүү жана интеллектуалдык менчик укуктарын коргоого арналат. Иш-чараны Министрлер кабинети, Евразия экономикалык комиссиясы жана Антиконтрафакт эл аралык бирлиги уюштуруп жатат. Ага 1200дөй киши катышары күтүлүүдө. 2019-жылы Орусиянын Челябинск облустук бажы кызматы 19 тонна... Читать дальше...
1916-жылдагы апаат тууралуу оголе көп чыгармалар жарыяланган. Кайгылуу окуяны белгилүү илимпоз Рахима Сыдыкова Шааркан таянесинин эскерүүсүнө таянып “Мунт (Үркүн)” деген документ баянында ынанымдуу чагылдырган. Шааркан апанын эскерүүсү Жан айласы кылып жазалоочу отряддардан баш калка издеп Кытайга качкан көлдүк кыргыздар арасында Рахима Сыдыкованын Шааркан таенеси да бар болчу. "Мунтка" (бунт – көтөрүлүш) чейин ал киши көлдүн Ак-Суусунун Чоң-Жергез деген айылында жашаган. Совет бийлиги кезиндеги... Читать дальше...
Жогорку Кеңештеги Агрардык саясат, суу ресурстары, экология жана регионалдык өнүктүрүү комитети 5-сентябрда "Укук бузуулар жөнүндө кодексине өзгөртүүлөрдү киргизүү тууралуу” мыйзам долбоорду карап, биринчи окууда концепциясы жактырылды. Документтин автору Дастан Бекешов анда бирөөнүн талаасына, короосуна мал жайгандарга айып пул салуу сунушталып жатканын айтты. "Айып пулдун өлчөмү жеке жактарга 30 миң сом, юрдикалык жактарга 70 миң сом, эгер экинчи ирээт кайталанса анда айып пулдун өлчөмү көбөйөт. Читать дальше...
Жогорку Кеңештин Социалдык саясат комитети 5-сентябрдагы жыйынында Гүлнара Баатырованын талапкерлигин саламаттык сактоо министри кызматына жактырды. Эми анын талапкерлиги 7-сентябрда парламенттин жалпы жыйынында каралат. Президент Садыр Жапаров Баатырованы министрдин милдетин аткаруучу кылып 23-августта дайындаган. 59 жаштагы Баатырова 1986-жылы Кыргыз мамлекеттик медицина институтун аяктаган. Өмүр баянында 1986-1988-жылдары Бишкектеги №2 шаардык клиникалык ооруканасында иштегени, 1988-2001-жылдары... Читать дальше...
Бишкектеги Биринчи май райондук соту 5-сентябрда"Бишкекгенплан" долбоорлоо институтунун мурдагы жетекчиси Жыргалбек Асаналиевдин бөгөт чарасын карап, аны 23-октябрга чейин абакта калтырды. Бул тууралуу Башкы прокуратура кабарлады. Мунун алдында башкы көзөмөлдөөчү орган Бишкектеги мыйзамсыз курулуштарга байланыштуу козголгон кылмыш ишинин алкагында мурдагы жана азыркы эки кызматкер кармалганын билдирген. Анда мэриянын алдындагы "Бишкекгенплан" долбоорлоо институтунун мурдагы жетекчиси менен “Бишкекбашкыархитектура”... Читать дальше...
Бишкек шаарынын курултайында элдик курултайга барчу делегаттар тандалат жана шаар мэри 2022-жылдын биринчи жарымында жасалган иштер тууралуу отчет берет. Буга байланыштуу шаардык кеңеш токтомдун долбоорун даярдады. Элдик курултайга Бишкектен 500 делегат катышат. Президент Садыр Жапаров 16-августта ушул жылдын 25-ноябрында элдик курултайды чакыруу тууралуу жарлыкка кол койгон жана жол-жобосу бекиген. Ал Фейсбуктагы баракчасына "курултайда бийликтин бардык бутактары элге отчет берерин жазган жана бийлик делегат тандоого кийлишипейт"... Читать дальше...
Башкы прокуратура Бишкек шаарындагы мыйзамсыз курулуштарга байланыштуу козголгон кылмыш ишинин алкагында мурдагы жана азыркы эки кызматкер кармалганын кабарлады. Анда мэриянын алдындагы "Бишкекгенплан" долбоорлоо институтунун мурдагы жетекчиси А.Ж менен “Бишкекбашкыархитектура” мамлекеттик мекемесинин бөлүм башчысы Ч.М. уулу коррупцияга шек саналып жатканы айтылат. Башкы көзөмөлдөөчү орган тараткан маалыматка ылайык, кылмышка шектүүлөр “өздөрүнүн материалдык кызыкчылыгын көздөп, кайсы бир тараптардын... Читать дальше...
