Алжирде президент Абдел Азиз Бутефликанын бешинчи мөөнөткө кайра барышына каршы акциялар 8-мартта да уланды. Маалымат агенттиктери жума күнү он миңдеген кишилер көчөгө чыгышканын кабарлап жатышат. Демонстрация тынч өтүүдө. Борбор калаа Алжирде демонстрациялардын алдында метро жабылып, бир катар шаар аралык поезд каттамдары жабылган. 8-марттагы нааразылык акцияларынын алдында Бутефликанын атынан кайрылуу тарады. Анда президент тынч акциялардын тополоңго чейин жетишине жол берилбеши керектигин айткан. Читать дальше...
Румыниянын Антикоррупциялык башкармалыгынын мурдагы жетекчиси, паракорлор менен күрөштө атагы башка өлкөлөргө да тараган прокурор Лаура Кодруца Көвеши Евробиримдиктин прокуратурасын жетектөөгө негизги талапкер катары каралууда. Бирок Бухарест өкмөтү ага бут тосуп келе жатат.
Америкалык ишкер Илон Масктын "SpaceX" компаниясы иштеп чыккан "Crew Dragon" кемеси Атлантика океанына, АКШнын Флорида штатындагы Канаверал кысыгынан 460 километр аралыкка конду. NASA "YouTube" каналында кеменин конушун түз көрсөттү. Эл аралык космос станциясына бул менчик кеменин сапары ийгиликтүү болду деп айтылды. «Crew Dragon» кемеси 2-мартта Канаверал кысыгындагы космодромдон абага көтөрүлүп, 3-мартта Орбитадагы Эл аралык космос станциясына конгон. NASA "SpaceX" жана "Boeing" компанияларынын... Читать дальше...
Венесуэланын 23 штатынын кеминде сегизинде жана башкалаа Каракаста электр жарыгы өчүрүлгөнүн жергиликтүү "El Nacional" гезити кабарлады. Маалыматка караганда, Каракаста метро иштебей турат. Шаардын аэропортунда да өчүрүүлөр болгонун "Bloomberg" билдирди. Агенттиктин билдиришинче, жарык республиканын ондон ашык штатында жок. Венесуэланын маалымат министри Хорхе Родригес жарыктын өчүшүн Боливар штатында жайгашкан дүйнөдөгү эң чоң Гури гидроэлектрстанциясына киберчабуул болгону менен түшүндүрдү. Читать дальше...
8-март - аялдардын эл аралык күнүнө карата Журналисттерди коргоо комитети ("CPJ") дүйнө жүзү боюнча кесиптик ишмердүүлүгүнө байланыштуу түрмөгө кесилген журналист аялдарды тизмектеди. Комитеттин 8-марттагы билдирүүсүндө, былтыр декабрдагы маалымат боюнча ар кайсы мамлекеттерде түрмөдө отурган 251 журналисттин кеминде 33үн аялдар түзөт. Маалыматка караганда, алардын бири түркиялык кабарчы жана сүрөтчү Зехра Доган "мамлекетке кыянаттык кылган" деген айыптын негизинде жазасын өтөп бүтүп, өткөн айда абактан бошотулган. Читать дальше...
Малайзиялык учактын ың-жыңсыз жоголгонуна беш жыл өтсө да айрым жүргүнчүлөрдүн туугандарынын үмүтү өчө элек. Алар ай сайын чогулуп турушат. Тажик оппозиционери атайын кызмат аны Тажикстанга уурдап алып барып, эмки шайлоодо президенттин уулун колдоону талап кылышканын айтып чыкты. Калифорния кара түтүндөн арылуу жолун издөөдө. Жергиликтүү компания чаң соргуч чатыр жабууну ойлоп тапты. Украинада президенттикке талапкерди сатып алмак болгон деген шек менен эки киши кармалды.
Аял бактылуу болушу үчүн ага эмне керек? "Азаттыктын" кабарчылары ушул суроолор менен микрофон сунду.
Канаданын премьер-министри Жастин Трюдо өлкөнү толкуткан саясий кризисти жөнгө салууда ката кетиргенин билдирди. Ал ошол эле маалда министрлер эч кандай мыйзамсыз иш жасабаганын айтты. Февралда өлкөнүн башкы прокурору министрлер кабинетинин он бир мүчөсүн коррупцияга айыптаган. Прокуратура Ливияда келишимге жетишүү үчүн пара берүүгө айыпталган "SNC-Lavalin" компаниясын аткаминерлер «кылмыш жообуна тартпоого чакырган" деген жүйө келтирип жатат. Премьер-министр Жастин Трюдо "SNC-Lavalin" 9 миң канадалыкка иш берерин... Читать дальше...
Мамлекеттик бийликти күч менен басып алууга айыпталып, үч жылдан бери абакта жаткан “Элдик парламент” кыймылынын мүчөсү, мурдагы министр Бекболот Талгарбеков абактан шарттуу түрдө мөөнөтүнөн мурда бошотулду.
Өзбекстандык белгилүү ырчы, КМШ мамлекеттеринде атагы чыккан артисттердин бири Озода Нурсаидова жакында кыргыз тилинде композитор Рыспай Абдыкадыровдун "Эсиңдеби" деген чыгармасын ырдап, аны кыргызстандыктар жылуу кабыл алышты. Ал “Азаттык” радиосуна да баш багып, эки элдин ортосундагы ымала жөнүндө маек берди.
Украинанын борбору Киевде 8-март - аялдардын эл аралык майрамына арналган митингде феминизмге каршы чыккан үч активист кармалды. "Азаттыктын" украин кызматы билдиргендей, "Аялдар жүрүшү" деп аталган акцияга 150гө чукул активист катышкан. Негизинен кыз-келиндерден турган катышуучулар аялдарга карата турмуштук, сексуалдык жана психологиялык зомбулукка каршы чакырыктарды таштады. Алар украин өкмөтүнөн аялдарга карата зомбулукту токтотуу жана ага каршы күрөшүү боюнча Стамбул конвенциясына кошулууну талап кылып... Читать дальше...
Бишкекте аялдардын тилектештик маршы өттү. Ага жүздөн ашуун адам катышты. Алардын арасында саясатчы Равшан Жээнбеков, укук коргоочу Рита Карасартова, активист Эдил Байсалов жана экс-депутат Асия Сасыкбаева да жүрдү. Чогулгандар "Россия" кинотеатрынын жанынан баштап Курманжан Датканын айкелине чейин жөө барышты.
8-март күнү Бишкекте аялдардын тилектештик маршы өттү. Ага ондогон кыз-келиндер, саясатчылар, жарандык активисттер катышып, аялдардын укуктары тууралуу маселе көтөрүштү.
Британия 2016-жылдан бери Иранда түрмөдө отурган Назанин Загари-Рэтклиффди "дипломатиялык жолдор менен коргой турганын" билдирди. Назанин Загари-Рэтклифф Британиянын жана Ирандын кош жарандыгына ээ. Лондон анын абактагы шарты оор экенин, үч жылдан бери кыйноого алынып келгенин айтууда. - Британия аны коргоо боюнча адаттан тыш кадамдарга барып, дипломатиялык ыкмаларды колдонот, - деп билдирди 7-мартта британ тышкы иштер министри Жереми Хант. Министр Британиянын кадамынан дароо натыйжа чыгышы күмөндүү экенин белгилеп... Читать дальше...
Абактан чыккан саясатчы Бекболот Талгарбеков Кыргызстандын экс-президенти Алмазбек Атамбаевди сотко берет. Бул тууралуу ал "Азаттыкка" берген интервьюсунда билдирди. - Атамбаев ошол учурда да, жакында да айтты, булар ФСБнын генералдарын колдонуп, төңкөрүш жасаган жатат деп. Бул карандай калп. Бул боюнча мен далилдеп берсин деп сөзсүз сотко кайрылам. Бул өзүнүн оюнан чыгарылган нерсе, - деди Талгарбеков. Талгарбеков алар генералдар менен Кыргызстандагы 2010-жылкы июнь коогалаңын изилдөө максатында гана кызматташууга барганын айтты. Читать дальше...
Түштүк Корея өзүнүн аймагындагы америкалык аскерлерди камсыздоого кетирген каражатын көбөйтүүгө көндү. 8-мартта кол коюлган келишимге ылайык, Сеул бул үчүн жылына 890 миллион доллар төлөйт. Тараптар бул келишимге марттан берки он ирет жолугушуу жана АКШ президенти Дональд Трамптын төлөмдү көтөрүү тууралуу бир нече жолку талабынан кийин жетишти. Түштүк Кореяда 28 миңден ашуун америкалык аскер бар. Алар коңшу Түндүк Кореянын опуза-коркунучуна каршы таяныч катары эсептелет. 2018-жылга чейин... Читать дальше...
Бийликти күч менен басып алууга аракет кылган деп айыпталып соттолгон “Элдик парламент” кыймылынын мүчөсү, мурдагы айыл чарба министри Бекболот Талгарбеков абактан мөөнөтүнөн мурда шарттуу бошотулду. Өткөн айда Жогорку сот Талгарбековду бийликти басып алууга аракет кылган деген айып боюнча актап, “аймак аралык мамилени козутуу” беренеси боюнча жазасын өтөп жаткан. Бекболот Талгарбеков абактан мөөнөтүнөн мурда чыгышынын жагдайлары боюнча “Азаттыкка” маек курду.
Орусиянын президенти Владимир Путиндин рейтинги ылдыйлап, 32 пайызды түздү. Бул тууралуу Жалпы орусиялык коомдук пикирди сурамжылоо борборунун маалыматында айтылат. Мындай көрсөткүч Путин быйыл 20-феврадда Федералдык кеңеште жылдык кайрылуу жасагандан кийин байкалган. Кремль президенттин рейтингинин төмөндөшүн Путиндин депутаттарга позитивдүү кайрылуусу менен токтотууну максат кылганын буга чейин «Ведомости» гезити жазган. Аталган борбор январда Путиндин эл арасындагы кадыр-баркы өтө төмөндөп... Читать дальше...
"Азаттык+" бул чыгарылышын 8-март аялдардын эл аралык майрамына карата Кыргызстандагы жаш ишкер кыздарга арнады. Жеке бий студиясын, мекеме, офис тазалаган кызматын жана кыргыз-жапон жеке менчик мектебин ачкан кыргыздын тың чыкма кыздарынын ийгиликтерин көрсөтүп бердик. Программа эч кимден жардам күтүп же бирөөнүн колун карабай, коомго жана өздөрүнүн келечеги үчүн жеке ишканаларын ачып иштеткен кыздар тууралуу болот.
Оппозициялык активист Шарофиддин Гадоев 2020-жылга белгиленген шайлоодо тажик президенти Эмомали Рахмондун уулун колдойсуң деген басым-кысым болгонун жарыялады. Бул тууралуу Гадоев 7-мартта Нидерланддын борбору Амстердамда өткөн басма сөз жыйында билдирди. Активист Дүйшөмбүдө Тажикстандын Мамлекеттик коопсуздук кызматынын төрагасы ага "Группа 24" оппозициялык уюмунун өлкөгө кайтып келген ондон ашык мүчөсүнөн турган топту башкарууну, Рустам Эмомалини колдоону сунуштаган. 15-февралда Европада... Читать дальше...
9-мартта Кыргызстандын көпчүлүк аймактарында жаан жаайт. Абанын температурасы: Чүй, Талас облустарында түнкүсүн -1...-3, күндүз 7...9, Баткен, Ош, Жалал-Абад дубандарында түнкүсүн 2...4, күндүз 11...13, Ысык-Көл аймагында түнкүсүн -1...-6, күндүз 3...8, Нарын жергесинде түнкүсүн -10...-15, күндүз 0...+5, Бийик тоолуу райондордо түнкүсүн -11...-16, күндүз -2...-7 градус болот. Бишкек шаарында күндүз жамгыр жаайт. Абанын температурасы түнкүсүн -1…+1, күндүз 8…10 градус болот. (KR)
Америкалык ишкер Илон Масктын "SpaceX" компаниясы иштеп чыккан "Crew Dragon" корабли беш күндүк биргелешкен учуудан кийин Эл аралык космос станциясынан бөлүндү. Илон Масктын компаниясы бул кораблди Эл аралык космос станциясына астронавттарды жеткирүү максатында иштеп чыккан. NASA билдиргендей, кеме Канаверал кысыгынан 390 чакырым алыстыкта, Флориданын жээктерине жакын жерге конот деп күтүлүүдө. «Crew Dragon» кемеси 2-мартта АКШнын Канаверал кысыгындагы космодромдон абага көтөрүлүп, 3-мартта... Читать дальше...
АКШ президенти Дональд Трамптын мурдагы адвокаты Майкл Коэн "The Trump Organization" компаниясын сотко бергенин "Reuters" агенттиги кабарлады. Коэн компаниядан юридикалык тейлөө үчүн эки миллион долларга жакын каражат өндүрүп берүүнү талап кылууда. Доо арызда Коэн атайын прокурор Роберт Мюллердин комиссиясы менен иштеше баштагандан кийин Трамптын компаниясы юридикалык чыгымдарды төлөөнү токтоткону жазылган. Мюллердин тобу 2016-жылы АКШда өткөн президенттик шайлоого Орусиянын мүмкүн болгон кийлигишүүсүн иликтеп жатат. Читать дальше...
Абактан чыккан саясатчы Бекболот Талгарбеков "Би-Би-Сиге" маек берип жатып, Орусиядагы айрым отставкадагы генералдар менен эми деле кызматташуусун улантарын билдирди. - Үч жарым жылдан бери мен жабык абакта олтурдум. Эми чыктык, эми байланышабыз. Алар моралдык колдоосун көрсөтүп турду. Алтургай Бактияр Алиев бизди колдоп маек да берди. Биздин иш-аракеттерибиздин баары мыйзамдуу болгонун айтты. Биз түзгөн комиссияга ал жашыруун эмес, расмий түрдө тең төрага болуп кирген. Бизде төңкөрүш жасоо аракети болгон эмес. Читать дальше...
Бүгүн, 8-мартта Бишкекте өткөн аялдардын тилектештик жөө жүрүшүн Интернет колдонуучулар кызуу талкуулап жатат. Айрымдар Кыргызстанда мындай марштын өткөнү аялдардын укугун коргогонго шарт түзүп, ага коомчулуктун көңүлүн бурдурарын айтышса, башкалары жөө жүрүшкө ЛГБТ уюмдарынын катышканын сындап жатат.
