"Правовая инициатива" ("Бакъонан инициатива") проекто дехар хьажийна Дуьненаюкъарчу Къаьмнийн организацин Адамийн бакъонашкахула йолчу комитете Оьрсийчоь нохчийн тIеман баьчча Тимербулатов Салман валарх йолу информаци йовзийта декхареяр доьхуш. Владимир гIаларчу набахтера Соьлжа-ГIала кхачийнначу дийнахь – Гезгмашин-беттан 26-чохь – велира Тимербулатов. Дог иккхина велла иза аьлла бара официало баржийна хаам. Хьалхо Дуьненаюкъарчу Къаьмнийн организацин Адамийн бакъонашкахула йолчу комитето сацам бира... Читать дальше...
Нохчийчоьнан куьйгалхочо Кадыров Рамзана берийн центрехь хила хьашт дац аьлла, емалдина «Адам-Гезг» а, «Капитан Америка» а дIадаьхна гIишлон пенаш тIера, церан метта хIиттийна Ушарма-Шайхан а, Кадыров Ахьмадан а суьрташ. Америкера Marvel-комиксийн васташ оьшуш дац нохчийн берашна, церан метта «бакъболу турпалхой хIиттабе», омра дира деношкахь ша Куьрчала кхаьчначу мехкан куьйгалхочо. Хьалхо хаам баьржира, Нохчийчоьно 9,6 миллион соьманна тендор кхайкхийна, махкахь президент лаьттинчу Кадыров Ахьмадан цIарх мидалш... Читать дальше...
ГIалгIайчуьрчу Соьлжа кIоштан кхелехь дирзина 8 шо долу Ажигова Iайша айпеярх долу дов. ЙоьIан дейиша Ганижева Макка а, полицехь болх беш хилла цуьнан майра Марзиев Iиса а бехкебина зуламна. Набахтехь такха 6 шо кхайкхийна Ганиевана, 2,5 шо – Марзиевна. Дейишас тIеэцна шена бехк, амма къера ца хилла цуьнан хIусамда. Стохка аьхка 7 шо кхаьчначу Ажигова кхачийра Несарарчу лоьрашна тIе, дегIаца дуккха а чевнаш, кегйина межеш а йолуш. Москва берийн хирурган Рошаль Леонидан институте йигича, дIадаьккхира цуьнан куьг. Читать дальше...
ЗаьIап бераш уггаре дукха долу мехкаш бу Оьрсийчохь Нохчийчоь а, ГIалгIайчоь а; Петербургехь Зорро лараделла жимчу стаганна тIелеттарш схьалаха. Нохчийчуьра схьабевлла бу талорхой; Макрона 15 де делла имамашна Республикан мехаллийн харти къобалъян
Петербургехь полисхоша кинологийн а, Зорро жIаьлин а гIоьнца схьалаьцна меттигерчу 18 шо долчу кIантанна школин кертахь тIе а летта, буса къола дина Нохчийчуьра схьаваьлла ши стаг – 23 шо кхаьчна Докка а, 24 шарера ваьлла ВахIид а. "Талор" олу бехк тIебаьхьина царна, набахтехь такхтийта тарло 7 шаре кхаччалц хенаш.
Эзарнашкахь Оьрсийчоьнан бахархой Шемахь а, Иракъехь а буьсуш бу. Доккхачу декъанна, "Исламан пачхьалкх" шех олучу тобанан декъашхойх бисина зударий а, церан баккхий доьзалаш а бу уьш. Дукхахболу зударий Къилбаседа Кавказан мехкашкара схьабевлла бу – 2013-2015-чу а шерашкахь шайн цIийндайшна тIаьхьа Шема бахначохь бисина уьш. Ткъа цхьа дакъа, бакъонан халифатехь токхе дахар хир ду аьлла, Iехийна бигина бу. Кавказ.Реалиино дуьйцу, хIинца а мухIажирийн каппашкахь шаьш даймахка дIабигаре сатуьйсучийн кхолламех. Читать дальше...
2020-чу шеран хьалхарчу денна Оьрсийчуьрчу берех заьIап ларалора 687 эзар бер – массо а берашлахь 2,5% гергга. Хила тарлучу дозанал дуккха а лакхара ду и терахь Къилбаседа Кавказехь – цигахь заьIап ду х1ора уьтталгIа бер. Ткъа Нохчийчохь - 11,9%, Г1алг1айчохь - 9,5%. Оьрсийчуьрчу кхечу регионашкахьчул эшна ду дахар Къилбаседа Кавказерчу берийн, боху "ГIо оьшу" цIе йолчу фондан талламо. Бераш уггаре дика деха меттигаш ю Москва а, гонахара кIошташ а, Петербург а, Ленинградан кIошт а, иштта Белгород а, Татарстан а. Читать дальше...
Дуьххьара бераллехь шен куьйгашца йоьхна вилспет вовшахтесначу Загаев Мовсарах воккха говзанча хилла тахана. Нохчийчохь тIом марсабаьлча шайн доьзалан дуьхьа махках делира цуьнан да а, нана а. Тахана Бельгехь дIатарбелла беха уьш. Дуккха а корматаллаш караерзийна жимачу стага оцу юкъанна. "Тоьпан йилбазмохь" кино яьккхина цо, хохку кема, видеош йоху, эчиган пхьар а ву иза. Маршо Радионо вовзуьйту Загаев Мовсар а, цуьнан ваша Мохьмад а, дуьйцу церан кхиамех лаьцна а.
ТIаххьарчу дийнахь-буса COVID-19 цамгарх 21 пациет велла, кхин а 1037-ннехь карийна ун Къилбаседа Кавказехь. Оперативного штабан хаамца, Дагестанехь коронавирусах кхелхина бархI стаг, в Краснодар-махкахь – ялх, Ставропол-махкахь – виъ, ГIебарта-Балкхаройчоьхь – шиъ, Нохчийчохь – цхьаъ. Ерриг а Къилбаседа Кавказехь пандемин хьелашкахь велла лору 3425 стаг. Кху тIаьххьарчу 10 дийнахь-буса уггаре дукха нах регионехь белла де ду Лахьан-беттан 19-гIа – 25 стаг, к1езиг белла нах 16-чохь – 12. Дийнахь-буса а... Читать дальше...
Оьрсийчоьнан чоьхьарчу гIуллакхийн министраллин экономикан кхерамзаллин, коррупцина дуьхьалояран Невинномысскерчу декъан куьйгалхо лаьттина Мироненко Ефим набахте хьажийна, яздо РБК агенталло. Талламо бахарехь, меттигерчу цхьана вахархочун белхан гIуллакхаш талла долийна хилла Iедало, ткъа Мироненкос, ша бехктакхамах хьалха воккхур ву иза, аьлла цуьнга, нагахь санна цо шена ши миллион сом кхаъ лахь. Оцу хиламан лорах лаьцна полицино Мироненко, цо кхаъ схьаоьцуш. Арахь такха кхо шо а кхайкхош, 300 эзар сом гIуда тоьхна Мироненкона. Читать дальше...
Макрона 15 де делла имамашна Республикан мехаллийн харти къобалъян Францин президента Макрон Эммануэл цхьаьнакхетта Елисейн майданарчу цIийнахь бусалба динан кхеташонца, 15 де делла имамашна Республикан мехаллин харти а оьцуш, Ислам харц кхеточу наханна дуьхьаллатта реза хила. Францойн лидерна гарехь, политикан болам хила ца беза Ислам, пачхьалкхехь бехачу наха лелочу динех цхьаъ а хила деза. Цул сов, доьхку цо дозанал арахьара Францерчу бусалба нехан гIуллакхашна юкъа гIерта. Имамийн пачхьалкхан кхеташо кхолла еза... Читать дальше...