Новости за 01.12.2018

ДIабирзина Оьрсийчуьрчу аэропорташна цIераш тахкарца боьзна "Оьрсийчоьнан сийлахь цIерш" цIе йолу къовсам. Цуьнан жамIаш довзуьйтур ду ГIуран-беттан 4-чу дийнахь. Цкъачунна болчу хаамашца, Калининградехь 34 процент кхаьжнаш дIаделла император хиллачу Елизавета Петровнина. ШолгIа меттиг йоькъаш ву советан маршал Василевский Александр а, немцойн философ Кант Иммануил а. Кант цхьана юкъана хьалхаваьллера массарел а. Амма цуьнан цIарна гонаха дов иккхинчул тIаьхьа, философан хIолламна а, кешнашкарчу... Читать дальше...

Оьрсийчуьра аравалар дихкина Нохчийчуьрчу 12 эзар вахархочунна республикерчу суьдан пурстоьпаша. Царна юкъахь ву банкера кредит эцна 5 эзар стаг. Кхин а 112 стаг ву хIусамненаца дисинчу шен берана ахча дIа ца делла. Ткъа 1400 нохчочо дIа ца делла коммуналан хьашташна дала деза ахча. Цул сов, дIасавала йиш йоцучу нахана юкъахь бу ял дIа ца елла а, некъан низам дохорна тоьхна гIуданаш шен хеннахь дIа ца делла а нах. Суьдан пурстоьпийн федералан сервисан Нохчийчуьрчу урхалло дийцарехь, кхечу пачхьалкхе... Читать дальше...

Оьрсийчоьнан а, Украинин а юкъаметтигашкахь хила безаш боцу хийцамаш хилла, ткъа ша "лууш вац царах цхьана а кепара хьакхавала" аьлла, Iамеркан президенто Трамп Доналда, "Iамеркан аз" корпорацин Буэнос-Айресехь волчу корреспондентана интервью луш. Трамп дакъалоцуш ву Аргентинин коьртачу гIалахь дIаьйоьдучу G-20 саммитехь. Украиница хилларг бахьана долуш, цуьнан хIорда кеманашца а, хIорда эскархошца а хилларг тидаме а оьцуш, цу саммитехь дакъалоцучу Путин Владимирца цхьаьнакхета аьтто боцу хан ю... Читать дальше...

ПIераскан сарахь велла Iамеркан Цхьаьнатоьхначу Штатийн президент хилла Буш Джордж (да). Цуьнан дара 94 шо. ТIеман кеманхо а, политик а, Коьртачу талламан урхаллан куьйгалхо а хилла волу Буш Джордж президент хаьржира 1988 шарахь. 1992 шарахь хиллачу президентан харжамашкахь эшначул тIаьхьа иза гIортор еш вара шен кIантана Буш Джорджана 2000-чу шарахь хиллачу президентан харжамашкахь. ТIаьхьарчу 4 шарахь Буша пайда эцара заьIапхойн гIудалкхах. Цуьнан хIусамнана Барбара елира 8 бутт хьалха.

Зенна юкъара хиларехь курхалла дарна бехктакхаман гIуллакх долийна Нохчийчохь. Жоьпе озийнарг ву, веза-вевзаро гIо а деш, шена некъахьовзам хилар тардина 44 шо долу меттигера вахархо. Цу кепара зенна юкъара хиларан компанера цо даьккхина 400 эзар сом. Талламан комитетан меттигерчу урхаллан зорбанан сервисо бинчу хаамца, Porsche Cayenne Turbo машенан долахо волчу стага а, цунна вевзаш волчу ВАЗ-21104 машенан долахочо а Теркйистан кIоштахь сурт хIоттийна хилла шаьшшина машенаш тIеттIакхетта аьлла. Читать дальше...

"Низамца а догIуш, шарахь хилла берриг а пайда, шена юкъахь бахамо беана пайда а болуш, гойтуш бу республикан куьйгалхочо кечйинчу шена хиллачу пайданах лаьцначу декларацехь", - аьлла комментари йина Нохчийчоьнан куьйгалхочуьнан зорбанан секретаро Каримов Iаьлвис, Кадыров Рамзанан хохкучу говраша цунна иттаннаш миллионашкахь пайда беана бохучу хаамна. "Трансперенси Интернешнл - Оьрсийчоь" вовшахтохаралло дIахьедар динера пIераскан дийнахь, Нохчийчоьнан куьйгалхочуьнан 128 говро 100 миллион сом даьккхина Кадыровна тIаьхьарчу 4 шарахь... Читать дальше...