Аԥсны абыргцәа рхеилак ахантәаҩы Аполлон Шьынқәба адырраҭара "Коӷониаԥҳа лымҩаду" аҟны ҳатрадициатә культура аҽыԥсахра азҵаара дазааҭгыло, ачара аура ҵакыс иамаз далацәажәеит.
Шәарах Ԥачалиа ихьз зху Тҟәарчалтәи ахәынҭқарратә акомедиатә театр асахьаркыратә напхгаҩы Сырбеи Сангәлиа арадио Sputnik Аԥсны аефир аҿы иҳәеит дарбанзаалак ахаҵа еснагь иуалԥшьа хада анагӡара дазыхиазар шакәу.
"Удыррақәа рхархәара улшозар – ииашоу азанааҭ алухит" ҳәа лыԥхьаӡоит ААУ афилологиатә факультет ажурналистика аҟәша III акурс астудент, Аминистрцәа Реилазаара апресс-маҵзура аусзуҩы Раҭҳа Матуаԥҳа. Иара убас лара дрылацәажәеит ҳаамҭазтәи аҿыцрақәа аԥсуа журналист иҿаԥхьа иқәдыргыло ауадаҩрақәа, аҿар рыбжьы инанагӡо ароль уҳәа.
Асовет мчра аамҭазы арратә маҵзура Северодвинск аӡаҵатәи анышь аҿы изхызгаз, иахьа Аԥсны ақыҭанхамҩатә институт аиҳабы ихаҭыԥуаҩс аус зуа Фиодор Ҭарба арадио Sputnik Аԥсны аефир аҿы игәалаиршәоит имаҵзуратә уалԥшьа шихигози уи аамҭа иадҳәалоу, алаф зҵоу ҭоурыхки.
Жәабран 20 инаркны излагаз афымцалашара арцәарақәа ирыдҳәалоу ахәыцрақәа Sputnik Аԥсны аԥхьаҩцәа ирыцеиҩылшоит аколумнист Елеонора Коӷониаԥҳа.
Аԥсуа массатә-информациатә хархәагақәа русзуҩцәа иазгәарҭоит рзанааҭтә ныҳәа, ари амш азы иазгәаҭоу аусмҩаԥгатәқәеи, иара убас аԥсуа газеҭ раԥхьатәи аномер аҭыҵра ҳмилаҭ азы ҵакыс иамоуи арадио Sputnik Аԥсны аефир аҿы еиҭеиҳәеит Аԥсны ажурналистцәа реидгыла ахантәаҩы Руслан Ҳашыг.
Ҭырқəтəылантəи зҭоурыхтə ҧсадгьыл амҩа ианылаз ҳџьынџьуаҩ, аибашьҩы, "Агəымшəаразы" амедал занашьоу Гəырџьан Храҷ ифырхаҵаратə ҭоурыхи, иахьатəи иҧсҭазаареи ртəы дазааҭгылоит Сырма Ашəҧҳа.
