Претседателот на опозициската партија, Нова демократија, Кирјакос Мицотакис на денешната прес-конференција во рамките на 83-от Меѓународен саем во Солун истакнал дека најголемиот проблем во договорот за името се македонскиот јазик и идентитет. „Од моментот кога имаме признавање на македонски јазик и македонска националност, прашање на време е оваа земја да се нарекува чисто Македонија. Таму е суштината на проблем и таму јас го лоцирам и вистинскиот проблем што е поврзан со иредентизмот на Скопје“, изјавил Мицотакис.
Лидерот на ВМРО-ДПМНЕ, Христијан Мицкоски по денешниот марш на опозицијата во Штип на самиот почеток на својот говор се поклони на луѓето кои што ја следат каузата за Република Македонија. Според него, за разлика од премиерот Зоран Заев, првиот претседател Киро Глигоров и првиот премиер Никола Кљусев во деведестите години не го прифатиле тоа што го барал јужниот сосед, зошто не дозволиле, како што наведе Мицкоски, да бидат понижени. Тој порача дека Македонија со СДСМ и Заев ита кон бездната, а отворено го повика и на телевизиска дебата... Читать дальше...
Претседателите на Русија и на Турција, Владимир Путин и Реџеп Таип Ердоган кои поддржуваат различни страни во конфликтот во Сирија утре ќе се сретнат во Сочи. Во фокусот на разговорите ќе биде очекуваната офанзива на сириските власти врз засолништето на бунтовниците на северозападниот дел на земјата. Средбата доаѓа на десет дена по самитот на кој присуствуваа Путин и Ердоган, како и нивниот ирански колега Хасан Рохани на кој не беше компромис за ситуацијата во Сирија.
Премиерот Зоран Заев на денешниот граѓански собир „ Излези ЗА европска Македонија“ пред делегацијата на ЕУ во Скопје порача дека не смее да се пропушти историската шанса која ја нуди претстојниот референдум. „Толку малку фали да ја постигнеме историската шанса за нас и за нашите деца и за Македонија. Ве повикувам сите на 30 септември да ја зграпчиме шансата и да бидеме горди граѓани на европска Македонија. Што и да правите на тој ден на 30 септември тоа сериозно ќе влијае на иднината на вашите деца, на иднината на вашата Македонија. Читать дальше...
Српската премиерка Ана Брнабиќ и градоначалникот на Белград, Зоран Радојчиќ им се придружија на активисти и поддржувачи на ЛГБТИ заедницата на парадата на гордоста во центарот на Белград. Тие ќе маршираат од плоштадот Славија до плоштадот на студентите под силно полициско обезбедување со што завршува белградската недела на гордоста. Пред парадата околу триесетина луѓе се собраа во знак на протест против настанот и беа блокирани од полицијата. Демонстраторите носеле крстови и пееле религиозни песни.
Во делови од Кина е издадено големо предупредување поради големите врнежи од дождови и ветрови како резултат на тајфунот Мангкут на југоисточниот брег. Околу пола милион луѓе биле евакуирани од покраината Гуангдонг во Кина. Националниот метеролошки центар ги предупреди луѓето да се подготват за евентуална катастрофа. Стотици летови во регионот се откажани. Во Филипини, властите соопштија дека најмалку 36 лица загинале а десетици се исчезнати како резултат на тајфунот.
Висока воена делегација на националната гарда на американската сојузна држава Вермонт, предводена од Командантот на гардата, генерал-мајор Стивен Креј од денеска до 21 септември ќе престојува во посета на Македонија. Како што соопштија од ГШ на АРМ, делегацијата за време на неколкудневниот престој ќе оствари средби со својот домаќин, началникот на ГШ на АРМ, генерал-мајор Васко Ѓурчиновски, со министерката за одбрана Радмила Шекеринска, ќе изврши обиколка на дел од единиците на АРМ, а ќе присуствува... Читать дальше...
Граѓаните во реоните кои се под контрола на сириските власти гласат на локалните избори за прв пат по повеќе од шест години. Околу 40 илјади кандидати се пријавени за речиси 18 500 места во локалните власти. Министерството за локална администрација ги повика Сиријците масовно да излезат и да гласаат и со тоа да покажат дека ќе останат обединети пред заканата на тероризмот. Гласање нема да се одржи надвор од реоните кои не се под контрола на властите, вклучително и во покраината Идлиб.
Српскиот претседател Александар Вучиќ во авторски текст во белградскиот весник „Блиц“ наведува дека за неговата земја би било најкорисно доколку Србите и Албанците постигнат договор и доколку засекогаш ги решат своите проблеми. Според него, потребно е да се надмине „паленечкиот менталитет“ и да се сфати дека дошло ново време, нова ера за целиот Балкан и за Србија, во кои секој може да добие нешто добро и да има полза. Вучиќ порачува дека во регионот постои мит оти Србија е главен виновник за се... Читать дальше...
Ирачкиот парламент го избра сунитскиот пратеник Мухамед ал Халбуси за нов претседател на законодавниот дом со што се постигна чекор нанапред во формирањето на новата влада по месеци тензични преговори. Неговиот избор го одбележува започнувањето на просесот од 90 дена за финализирање на новата влада. Халбуси беше поддржан од проиранскиот блок на Алијансата за освојување на Хади ал Амери, која е коалиција од поранешни паравоени борци.
Градоначалникот на Лондон, Садик Кан и поранешниот британски премиер Тони Блер повикаа на нов референдум за членството на земјата во ЕУ во услови коаг се приближува крајниот рок за договорот за Брегзит. Кан за Обсервер напиша дека владата е виновна бидејќи на начинот на кој што се справува со преговорите создава конфузија и несигурност околу Брегзит. Според него, животниот стандард, економијата и вработеноста се премногу важни за гласачите да немаат право да го кажат својот став за крајниот резултат. Читать дальше...
Активисти и поддржувачи на ЛГБТИ заедницата се очекува денеска да одржат парада на гордоста во центарот на Белград во услови на зголемено полициско обезбедување. Парадата е дел од белградската недела на гордоста на која ќе бидат прикажани филмови, изложби, а ќе се одржат и конференции и дебати. Организаторите на настанот под слоганот „Кажи да“ ќе соопштат и низа барања до Владата за остварување на правата на ЛГБТИ заедницата.
Американскиот секретар за одбрана Џејмс Матис утре пристигнува во официјална посета на Македонија. Матис се очекува да се сретне со премиерот Зоран Заев и со министерката за одбрана Радмила Шекеринска, а потоа е предвидена и заедничка изјава за медиумите. За делегацијата на САД предводена од Матис ќе биде организиран свечен пречек на Меѓународниот аеродром „Скопје“ и на платото пред Владата. Матис претходно најави дека ќе ја посети Македонија за да изрази јасна поддршка за претстојниот референдум за името... Читать дальше...
Од ВМРО-ДПМНЕ денеска соопштија дека премиерот Зоран Заев и приредува национална катастрофа на Македонија. Од партијата наведуваат дека Заев прифатил со капитулантскиот договор промена на Преамбулата на Уставот на Република Македонија, чл.3 и чл.49 од истиот. Заев, според ВМРО-ДПМНЕ, бега од одговори и не кажува што ќе менува во Преамбулата. „Територијата на Република Македонија е неделива и неотуѓива. Постојната граница на Република Македонија е неповредлива. Границата на Република Македонија може да се менува само во согласност со Уставот... Читать дальше...
Времето во Македонија ќе биде претежно сончево со умерен северен ветер. Утринската температура ќе се движи од седум до 16, а дневната температура од 23 до 33 степени целзиусови. УВ индексот ќе достигне до 6. Во Скопје ќе биде сончево со умерен северен ветер. Утринската температура ќе достигне до 12 степени, а дневната до 30 степени.
Ако не се променеше Уставот ќе имавме и подобар Договор, но тоа се преговори, а исходот на преговорите зависи од вкупната консталација на односи и од преговарачката и политичката моќ на самите земји. Грција има многу поголема преговарачка моќ, вели академик Таки Фити, претседател на Македонската академија на науките и уметностите (МАНУ) во неделното интервју на Радио Слободна Европа.
За секое прашање мислат дека МАНУ треба да има став, па МАНУ не е политичка партија, МАНУ е врвна научна и уметничка институција. Не мора да се постигне едногласие за кое било прашање, дури и за најтешките, вели академик Таки Фити.
