Në Srebrenicë të Bosnje dhe Hercegovinës ekziston një shtëpi përkujdesjeje për të moshuarit, të cilët humbën anëtarët e familjes në gjenocidin e vitit 1995. Deri më tani, tetë gra dhe një burrë, të gjithë mbi 80 vjeç, janë duke qëndruar në këtë qendër. Më shumë se 8.000 burra dhe djem boshnjakë u vranë nga forcat serbe të Bosnjës gjatë masakrës. (Përgatitën: Shkelqim Hysenaj dhe Ibrahim Berisha)
Në vendbanimet e romëve, ashkalive dhe egjiptianëve të Kosovës, pronarët e shumë shtëpive nuk janë edhe ligjërisht pronarë të tyre. Kjo pasi që – kur pronat ishin blerë – familja brenda shtëpisë kishte ndryshuar, por nuk ishte bërë kalimi ligjor i pronësisë. Shumë vjet më vonë, disa familje kanë nisur rrugëtimin ligjor, me ndihmën e një organizate joqeveritare.