Papa Françesku u ka bërë thirrje të rinjve në gjithë botën të mos i humbin shpresat dhe t’i mbajnë gjallë ëndrrat për një të ardhme më të mirë, gjatë një meshe përmbyllëse në Kishën Katolike në Ditën Botërore të Rinisë në Lisbonë. “Mos u frikësoni”, tha papa të dielën më 6 gusht në Portugali, duke e përsëritur thirrjen e tij disa herë. Papa Françesku u tha të rinjve se ata janë shumë të nevojshëm në një botë të rrethuar me kaq shumë telashe. Rreth 1.5 milion besimtarë morën pjesën në meshën e mbajtur jashtë në parkun Tejo... Читать дальше...
Pavarësisht se është prodhuesi kryesor në botë i vajit të trëndafilit, një përbërës i rëndësishëm për ilaçe dhe parfume, industria shekullore e Bullgarisë po përballet me vështirësi. Fillimisht ndikimi i COVID-19, pasuar nga mungesa e vjelësve, dhe tani nga një kërcënim që vjen nga rregulloret e reja të Bashkimit Evropian. Këto pengesa kanë krijuar kushte të vështira në fushat e gjera të trëndafilave të vendit. (Përgatitën: Gresa Kraja dhe Lendi Susuri)
Presidenti i Malit të Zi, Jakov Milatoviq, ka thënë se në vitin 2020 ndodhi “për herë të parë në histori ndryshimi demokratik” i Qeverisë në këtë vend. Procesi i ndryshimit demokratik në Mal të Zi, siç tha ai, u kompletua nga triumfi i tij në zgjedhjet presidenciale. Presidenti malazez foli në Komitetin për Politikë të Jashtme të Parlamentit Evropian (KPJPE), ku nënvizoi se “regjimit të kaluar i mungoi vullneti politik” për ndryshime në procesin e pranimit në Bashkim Evropian (BE). Ai tha se... Читать дальше...
Arbnora Kolgjeraj Rexha dhe e ëma e saj, Lajde Kolgjeraj, ia kanë caktuar vetes një qëllim të vetëm: ta promovojnë dhe ruajnë trashëgimin kulturore të veshjesh kombëtare nga rajoni i Hasit të Prizrenit. Arbnora, etnologe dhe antropologe e kulturës, tregon se ajo se çfarë e ka frymëzuar më së shumti ta zgjedhë këtë rrugë, ishte nëna e saj Lajdja, e cila është koleksioniste e rreth 1.000 copave, kryesisht veshjeve nga rajoni i Hasit dhe njëherësh drejtoreshë e ansamblit folklorik “Katarina Josipi” në Zym të Hasit. Читать дальше...
Të paktën 22 persona kanë vdekur dhe mbi 50 të tjerë janë lënduar si pasojë e daljes së një treni nga shinat në jug të Pakistanit të dielën, njoftuan zyrtarët pakistanezë. Younis Chandio, zyrtar i lartë policor, tha për mediat lokale më 6 gusht se operacionet e shpëtimit kanë nisur për t’i nxjerrë njerëzit nga vagonët. Ai tha se 10 vagonë të trenit dolën nga binarët. Ndërkohë, ministri i Hekurudhës i Pakistanit, Khawaja Saad Rafique, tha se “ky është një aksident shumë i madh. Ekipet e shpëtimit kanë mbërritur në vendngjarje”. Читать дальше...
Ish-zëvendëspresidenti i Shteteve të Bashkuara nga Partia Republikane, Mike Pence, nuk e ka hedhur poshtë mundësinë për të qenë dëshmitar i prokurorisë, nëse ish-shefi i vet Donald Trump përfundon në gjyq nën akuzat për orkestrimin e një konspiracioni kriminal për ta shfuqizuar disfatën e tij në zgjedhjet presidenciale më 2020. I pyetur nga CBS nëse ai do të bëhej dëshmitar kundër Trumpit, nëse rasti shkon në gjykim, Pence tha se nuk ka “plane” për të dëshmuar, por nuk e hodhi poshtë mundësinë për ta bërë këtë. Читать дальше...
Tre muaj pasi Europa Nostra e cilësoi Shën Stefanin si një nga shtatë vendet më të rrezikuara të trashëgimisë kulturore në kontinent, përfaqësuesit e saj e vizituan qytezën bregdetare malaziase. “Xhevahiri turistik” i Budvës tani është i hapur për turistë, por plazhet janë të shtrenjta dhe boshe, ndërsa qasja në ishull është e lejuar, ndonëse e kufizuar. (Përgatitën: Trim Haliti dhe Ibrahim Berisha)
Gjykata Supreme e Maldives konfirmoi të dielën se ish-presidenti Abdulla Yameen Abdul Gayoom, i cili është i burgosur, e ka të ndaluar të garojë në zgjedhjet presidenciale në shtator. Ky vendim është një tjetër goditje për Partinë Progresive të Maldives (PPM), e cila e shpalli Yameenin kandidat të partisë për zgjedhjet e reja, para se ai të dënohej me burg në dhjetor për korrupsion dhe shpëlarje parash derisa ishte president. Yameen, 64 vjeç, është duke e kryer një dënim me 11 vjet burgim. ... Читать дальше...
Kosova vazhdon të jetë vendi i vetëm në Evropë që nuk bën pjesë në Këshillin e Byrove Evropiane – duke mbetur ende jashtë Sistemit të Kartonit të Gjelbër. Autoritetet në Kosovë nuk duan të komentojnë nëse po ndërmarrin hapa, në mënyrë që vendi të bëhet pjesë e mekanizmit mbrojtës për viktimat e aksidenteve në trafikun ndërkufitar, të shkaktuara nga automjetet e huaja. Si certifikatë ndërkombëtare e sigurimit të automjeteve, Kartoni i Gjelbër njihet nga autoritetet e 47 vendeve. Ky lloj sigurimi... Читать дальше...
Derisa autoritetet kirgize kanë qenë duke e përgatitur popullatën për mundësinë e problemeve me rrymë këtë dimër, një kompani gjigante për mihjen e kriptovalutave ka qenë duke shpenzuar çdo ditë më shumë energji sesa të gjitha fabrikat, minierat dhe tregjet që punësojnë mijëra banorë të këtij shteti. Por, ndoshta vetëm edhe këtë javë. Më 26 korrik, si përgjigje direkte ndaj një hulumtimi të Shërbimit Kirgiz të Radios Evropa e Lirë (REL), presidenti i shtetit, Sadyr Japarov, ka tentuar ta arsyetojë... Читать дальше...
