“Бейиш эненин таманында” тасмасы бир гана Кыргызстанда эмес, коңшу Казакстанда да кинотеатрлардын биринчи саптарын ээлеп турат. Прокатка чыккан төрт күндөн кийин эле чет элдик тасмаларды артта калтырып, 1 миллион доллардан ашык каражат топтоду. “Азаттыктын” кабарчысы билдиргендей, бул фильмге билет иш күнү да калбай сатылууда. Видео "Азаттыктын" казак кызматына таандык.
Казакстандын 10 облусу суу каптоо коркунучуна кептелди. Айрыкча Костанай облусунда абал оор. Айрым райондордо өзгөчө кырдаал жарыяланды. Жашоочулар бийликти кырсыктын алдын алууга даярданбаганы үчүн сынга алышууда. ("Азаттыктын" казак кызматынын фотобаяны)
"Ата-Бейит" улуттук тарыхый мемориалдык комплексинде кандай сырлар катылган?
Тажикстанда Москвадагы террордук чабуулга айыпталып камалгандар менен байланышта болгон деген шек боюнча кеминде тогуз киши кармалганын бир катар маалымат агенттиктери жазды. Алар Вахдат шаарынын тургундары экени, баары Дүйшөмбүгө жеткирилгени маалымдалды. Москвада кол салууга шектелип эки айга камалган сегиз кишинин жетөө теги тажикстандык экени белгилүү. Кеминде 143 адамдын өмүрүн алган чабуулга бүгүн туура бир жума болду.
Заманбап медицина кайсы тарапка бара жатат? Бул тармакта кандай жаңы багыттар пайда болууда? Пандемия медицинага болгон мамилени кандай өзгөрттү? Жасалма интеллект менен медицина кантип айкалышат?
Баткендин 92 жаштагы тургуну Турду эне 14 баланы төрөп, эрезеге жеткирген. Турду эненин улуу кызы, келини да “Баатыр эне” наамын алган. Кылымга чукул жашаса да отуруп калбай малын карап, короосун тазалап, кыймылы тетик.
Кыргызстандык кино жаратуучулардын "Бейиш эненин таманында" фильми Казакстанда "Пейіш. Жұмақ ананың табанының астында" деген аталышта прокатка чыгып, эң көп каражат чогулткан тасмага айланды.
28-мартта Бишкек шаарында жана Чүй облусунда катуу шамалдан жабыркап, ооруканага кайрылгандардын саны 26га жетти. Эки адамдын жамбашы сынып, калгандары башынан жаракат алган. Мындан тышкары 154 социалдык имараттын, жеке турак жайдын чатыры талкаланганы маалым болду.
31-мартта Түркияда муниципалдык шайлоолор өтөт. Негизги таймаш оппозициячыл Элдик-республикалык партиянын жана бийликтеги "Адилеттүүлүк жана өнүгүү" партиясынын талапкерлери ортосунда өтөрү талашсыз. Алар Стамбул, Анкара жана Измир сыяктуу ири шаарлардын бийлиги үчүн ат салышат.
Кыргыз өкмөтү соңку төрт жылда коррупцияга каршы күрөштүн алкагында мамлекеттин пайдасына 20 млрд сомдон ашык каражат өндүрүлгөнүн билдирди. Анын басымдуу бөлүгү бюджетке жумшалган.
