Рөстәм Миңнеханов «Динамо-Ак Барс» командасын Россия Кубогында җиңүе белән котлады
Татарстан Рәисе Рөстәм Миңнеханов «Динамо-Ак Барс» командасы адресына 2026 елгы Россия Кубогына турнирда җиңүләре уңаеннан котлау телеграммасы юллады. Документ «Татар-информ» карамагында бар.
«Чирәмдәге хоккейчыларның яңа уңышлары – 2026 елгы Россия Кубогына турнирда ышанычлы җиңүләре уңаеннан барыгызны да сәламлим. Тәҗрибәле һәм талантлы тренер алып барган егетләребезнең искиткеч осталыгы һәм көчле команда рухы җиңүгә китерде. Республикабызда чирәмдәге хоккейны үстерүнең гомуми эшенә җанын, көчен, энергиясен салган һәркемгә рәхмәт белдерәм», – диелә телеграммада.
Котлау команда коллективына, баш тренер Араик Маргарянга, ТР Рәисе Администрациясе җитәкчесе, ТР «Динамо» ОГО ФСО Рәисе Әсгать Сәфәровка, «АК БАРС БАНК» ГАҖ идарәсе рәисе Зөфәр Гәрәевка, ТР Чирәмдәге хоккей федерациясе президенты Марат Айзатуллинга һәм клуб президенты Евгений Корольковка юлланган.