Новости за 17.08.2023

Казан Кремленең Гавәми урыннар бинасында КФУның Филология һәм мәдәниятара багланышлар институтының татар теле белеме кафедрасы профессоры Фәнүзә Нуриева «Мәңгелек ташлар нәрсә турында сөйли: рун язулы һәйкәлләр» дигән темага лекция укыган.

Быел Казан укучылары Бөтенроссия олимпиадасының йомгаклау этабында 159 призлы урын яулаган. Бу узган ел белән чагыштырганда 17гә күбрәк.

«Татмедиа» бинасы янында «Сөембикә» журналының «Тышлыкта – кызлар елмая» күргәзмәсе ачылышы булды. Журналның бүлек мөхәррире Лилия Гәрәева күргәзмә геройлары турында сөйләде.

ГКУ «Государственное юридическое бюро Республики Татарстан» совместно с представителями министерств и ведомств Республики Татарстан планирует проведение мероприятия по оказанию бесплатной юридической помощи жителям Нурлатского муниципального района.

Кинешма шәһәре делегациясе – Кинешма татарлары милли-мәдәни ассоциациясе, шәһәр хакимияте һәм инвалидлар җәмгыяте вәкилләре – Иваново Җәмигъ мәчетендә булды. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.

«Саф» татар телендәге беренче балалар интернет радиосы баш мөхәррире Алсу Галимова радио FM ешлыкта ачылыр дип өметләнә.

Мәскәү биржасында евро бәясе 2 августтан соң беренче тапкыр 102 сумнан түбән төште. Сату-алу мәгълүматлары шуны раслый.

Вчера, 16 августа, состоялось секционное заседание в рамках августовского совещания учителей родного (татарского) языка и литературы.

Бүген, 17 августта, Татарстанга коры һәм эссе һава торышы була. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Агымдагы елның алты аенда Казан аэропорты 2 294 239 пассажир ташыган, шул исәптән эчке юнәлешләрдә – 1 706 395 кеше һәм халыкара юнәлешләрдә – 587 844 кеше.

Удмуртиянең «Яңарыш» газетасында «Ялгызларның сыеныр урыны бар» дигән язма чыкты.

Сегодня, 17 августа, в Татарстан начнет возвращаться сухая и жаркая погода.

Башкортстан Хөкүмәте республиканың иң яхшы журналистларына ел саен тапшырыла торган Шәһит Ходайбердин исемендәге премиянең күләмен биш тапкыр – 100 меңнән 500 мең сумга кадәр - арттырды. Бу хакта «Башинформ» агентлыгы хәбәр итә.

Төмәннең «Яңарыш» газетасында Диләфрүз Фәхретдинованың «Төмән районының юкка чыккан авыллары» дигән язмасы чыкты.

Бүген, 17 августта, Кабан күле яр буенда татар халкының милли уеннарына багышланган чара узачак. «Хәрәкәттә – бәрәкәт» проектының әлеге чарасына теләгән һәркем кушыла ала.

Түбән Кама Аксакаллар шурасы иҗтимагый оешмасы оешуга быел 25 ел тулды. Шул уңайдан Габдулла Тукай исемендәге Үзәк китапханәдә «Чирек гасыр бергә» дип аталган әдәби-музыкаль кичә үткәрелә. Бу хакта «Туган як» сайты Түбән Кама китапханәләре системасының матбугат хезмәтенә сылтама белән хәбәр итә..

Быел республика күләмендә «Мәктәпкә җыенырга булыш» акциясе гамәлгә ашырылганга 17 ел тулды. Узган шимбәдә Саба районының Балалар иҗат үзәгендә аз керемле һәм күп балалы гаиләләрдә тәрбияләнүче 70 укучы һәм аларның әти-әниләре хәйрия акциясенә җыелды. Хәйриячеләр ярдәме белән шатлыклы мизгелләр кичергән балаларның 20се – 1сыйныфка баручылар. Бу хакта «Саба таңнары» сайтында хәбәр ителә.

Теләче балалар сәнгать мәктәбендә композитор, пианист, Г. Тукай исемендәге ТАССР Дәүләт премиясе лауреаты, Хезмәт Кызыл Байрагы ордены кавалеры Рөстәм Яхинның иҗат кичәсе узды. Бу хакта «Теләче-информ» хәбәр итә.

Буа урманчылар 53 мең гектар мәйданда ефәк күбәләге чыганакларын юк иткән. Участокларны биологик препаратлар ярдәмендә эшкәрткәннәр. Бу хакта «Баулы-информ» хәбәр итә.

Әгерҗе стадионында пляж волейболы мәйданчыгын ачу тантанасы булды. Ул «Демография» илкүләм проектының «Спорт – тормыш нормасы» федераль проекты кысаларында җиһазландырылды. Бу хакта «Әгерҗе хәбәрләре» сайтында хәбәр ителә.

Киләсе уку елында мәктәпләрдә нинди үзгәрешләр көтелә?