Köçelerde geçen protestler netijesinde Serž Sarkisian wezipeden çekilmäge mejbur bolanyndan soňra, parlamentde täze hökümet baştutany barada geçjek ses berişlikden öň protest lideri Nikol Paşinian öz Ýelk ýaranlygy tarapyndan resmi ýagdaýda premýer-ministr wezipesine kandidat bellendi.
Eýranyň Nebit-gaz ministriniň orunbasary Hamid Reza Araki “Eýran Yslam Respublikasy Türkmenistanyň gazyny Pakistana swap esasynda akdyrmaga taýýardygyny yglan edýär” diýdi. Bu barada IRNA habar agentligi 29-njy aprelde habar berdi.
“Şenbe gününden ýekşenbe gününe geçen gije, sagat 2-de Aşgabatdaky talyplar çärä äkidildi. Olar şol gidişlerine öýlän sagat 2:30-da umumy ýaşaýyş jaýyna geldiler” diýip, Azatlyk Radiosynyň paýtagtdaky habarçysy aýdýar.
Aşgabadyň günorta-gündogar bölegindäki etrapçanyň 30 çemesi ýaşaýyş jaýlaryna barýan agyz suwy çakdan aşa hlorly, ony içip bolmaýar diýip, ýerli ýaşaýjylar Azatlyk Radiosyna habar berdiler. “Gije-gündiz çal reňkli suw gelýär. Soň adamlar ony gaba salyp, bugardyp, hloruny azaltmaga, reňkiniň açylmagyna, suwuň öz reňkine gelmegine garaşýarlar. Şonda-da içmäge çekinýärler” diýip, aşgabatly söhbetdeşimiz gürrüň berdi. Onuň sözlerine görä, suwuň hili soňky iki aýyň dowamynda üýtgäpdir. Mundan öň Aşgabadyň... Читать дальше...
Türkmenistanyň “Altyn asyr” ýapyk görnüşli paýdarlar jemgyýeti bilen şertnama baglaşyp, Aşgabat şäherinde köçeleriň ugrunda we käbir döwlete degişli dükanlaryň öňlerinde goýlan “Türkmen Tilsimat Hojalyk jemgyýeti” hususy kärhanasyna degişli terminallarynyň öz mobil telefonlary üçin pul töleýän müşderileriniň pullaryny ‘ogurlaýandygy’ barada maglumatlar bar.
Eýranyň reformaçy gazetiniň başlygy gündogar şäher Maşatda güman edilýän jelepçilik barada çap eden makalasy üçin tussag edileninden bir gün soň, girewine pul goýmak esasynda azatlyga goýberildi. Mehdi Rahmanian 5 million rialy ($9,000) töläninden soň, 29-njy aprelde tussaglykdan boşadyldy. 8-nji aprelde “Şargh” gazetinde Maşadyň Şahid Rajai etrabynda alty ýaşly owgan gyzynyň öldürilmegi barada makala çap edilipdi. Makalada sebitde ençeme jelephananyň bardygy we neşe serişdeleriniň ulanylýandygy... Читать дальше...
Fransiýanyň prezidenti Emmanuel Makron we Eýranyň prezidenti Hassan Rohani telefon arkaly söhbetdeşliginde 2015-nji ýylda gelnen Ýadro ylalaşygyny saklap galmak barada bilelikde işleşmäge ylalaşdylar diýip, Makronyň edarasy mälim etdi. Ýeliseý köşgüniň berýän malgumatyna görä, Markon we Rohani “öňümizdäki hepdelerde 2015-nji ýylda baglaşylan ylalaşygyň mazmunyny we düzümini saklap galmak ugrunda işleşmäge” ylalaşypdyrlar. Şeýle-de, Makron ýene-de goşmaça üç meseläni, ýagny Tähranyň ballistik raketa programmasyny... Читать дальше...
Russiýanyň Federal Tokaý Ýangyn Merkezi ýurduň uzak gündogar sebitlerinde ýüze çykan ýangynlar sebäpli, soňky 24 sagadyň dowamynda 1 müň 870 km2 tokaýyň ýanandygyny mälim etdi. Merkez 29-njy aprelde özüniň websaýtynda ýerleşdiren maglumatynda Amur regionynyň has köp zyýan çekendigini mälim etdi. Hingan goraghanasynyň diňe özünde 370 km2 tokaý ýandy. Ýangynlar Primorskiý we Habarowsk regionlarynda hem döredi. Ýangynlary söndürmek işlerine 2 müň 800 adam, 495 ulag, şol sanda 25 uçar goýberildi.
Bagdadyň Merkezi Jenaýat sudy 19 russiýaly aýaly “Yslam döwleti” terroristik toparynyň hataryna goşulmakda günäli tapyp, olary ömürlik türme tussaglygyna höküm etdi. Mundanam başga, sud ýene-de alty azerbaýjanly we dört täjigistanly aýala hem ömürlik tussaglyk hökümini çykardy. Aýallaryň şahsyýetleri media serişdelerine aýdyňlaşdyrylmady. Suduň dowamynda aýallar Yraga “Yslam döwleti” toparynyň jeňçileri tarapyndan Türkiýeden zor bilen eltilendiklerini aýtdylar. Şu aýyň başynda Russiýanyň... Читать дальше...
Kabulda ýurduň Aňtaw gullugynyň golaýynda iki sany partlama boldy. Wakada azyndan 21 adam, şol sanda Fransiýanyň AFP habar gullugynyň žurnalisti hem öldi.