Germaniýanyň kansleri Angela Merkel Ukrainanyň gaz tranziti boýunça rolunyň aýdyňlaşdyrylmadyk ýagdaýynda Orsýeti we Germaniýany baglaýan täze gaz geçirijisi bilen baglylykda öňegidişligiň bolup bilmejegini aýtdy. "Men Demirgazyk akym-2 proýektiniň Ukrainanyň tranzit rolunyň geljegi kesgitlenmezden mümkin däldigini açyk aýtdym” diýip, Merkel Ukrainanyň prezidenti Petro Poroşenko bilen 10-njy aprelde Berlinde geçiren metbugat-konferensiýasynda aýtdy. Merkel munuň ykdysady däl-de, syýasy meseledigini belledi. Читать дальше...
Orsýetiň öňki içalysynyň zäherlenen gyzy Ýuliýa Skripal Angliýanyň Salisberi şäheriniň keselhanasyndan çykaryldy.
ABŞ-nyň prezidenti Donald Tramp geçen dynç günlerinde raýatlara garşy himiki ýaragynyň ulanylan bolmagy güman edilýän hüjüm sebäpli Siriýa garşy harby çäreleri amala aşyrmak bilen haýbat atdy. Orsýet, bolsa, islendik şeýle çäräniň “uly netije” döredip biljekdigini aýtdy. Tramp ABŞ-nyň harby geňeşçileri bilen 9-njy aprelde geçiren duşuşygynda, hususan-da, “bizde ençeme harby mümkinçilik bar we biz soňra sizi habarly ederis. Belki-de faktdan soň” diýdi. ABŞ-nyň prezidenti yzýany Fransiýanyň prezidenti... Читать дальше...
Türkmenistanyň dürli künjeklerindäki “gara bazarlarda” dollaryň bahasy ýene-de gymmatlady.
Mary welaýatynyň Murgap, Ýolöten etraplarynyň daýhanlary şu ýylky pagta ekişini berjaý edip bilmeýändiklerini aýdýarlar.
Aşgabatda bir wagtlar alyjylaryň arasynda uly meşhurlyga eýe bolan, mundan bir ýarym ýyl ozal hem ýapylan “Ýimpaş” söwda merkeziniň daşyna haýat aýlanyp, häzir hem onuň ýer-ýegsan edilmegine garaşylýandygy aýdylýar.
Özbegistanyň Daşary işler ministrliginiň delegasiýasy Türkmenistanyň Daşary işler ministrliginiň resmileri bilen Aşgabatda geçirilen syýasy konsultasiýalaryň nobatdaky tapgyrynda prezident Gurbanguly Berdimuhamedowyň Daşkente etjek saparynyň gün tertibine seretdi diýip, Sputnik neşri 9-njy aprelde habar berdi. 9-njy aprelde Aşgabatda geçirilen türkmen-özbek syýasy konsultasiýalar barada Türkmenistanyň Daşary işler ministrliginiň websaýtynda çap bolan resmi maglumatda, taraplaryň ýokary derejeli... Читать дальше...
Türkmenistanyň we Demirgazyk Koreýanyň daşary işler ministrleriniň 7-nji aprelde Aşgabatda geçirilen gepleşiklerinde ýurtlaryň özara gatnaşyklarynyň häzirki ýagdaýyna seredildi, taraplar olary mundan beýläk aktiwleşdirmegiň zerurdygyny mälim etdiler diýlip, Türkmenistanyň Daşary işler ministrliginiň resmi beýanatynda habar berilýär. Resmi maglumatda aýdylyşyna görä, Türkmenistanyň we Demirgazyk Koreýanyň baş diplomatlarynyň Aşgabatdaky duşuşygynda taraplar hyzmatdaşlyk üçin özara bähbitli dürli ugurlary ösdürmek boýunça tekliplere seredipdir.
Türkmenistanda işsizlik sebäpli has köp raýatlaryň gazanç üçin daşary ýurtlara gidip başlandygy, şeýle-de, türkmen häkimiýetleriniň zähmet migrantlaryny yzyna dolamak ugrundaky tagallalaryny güýçlendirendigi barada maglumatlar gelip gowuşýar.
Orsýetli öňki gizlin agent Sergeý Skipalyň gyzy Ýuliýa Skripal Britaniýanyň Salisbury şäheriniň keselhanasyndan çykaryldy. "Bu bejerişiň soňy däl, emma uly öňegidişligiň alamaty” diýip, Salisbury şäheriniň etrap keselhanasynyň müdiri Kristine Blanshard 10-njy aprelde eden beýanatynda aýtdy. Mundan bir gün öň BBC agentligi 33 ýaşly Ýuliýa Skripalyň 9-njy aprelde keselhanadan çykarylandygyny habar berdi. Ýuliýa Skripal we onuň kakasy 66 ýaşly Sergeý Skripal 4-nji martda nerwe täsir ýetiriji madda... Читать дальше...
