Aşgabadyň Parahat-2 mikroraýonunyň birnäçe ýaşaýyş jaýynyň ýaşaýjylary prezident Gurbanguly Berdimuhamedowyň garaşylýan sapary bilen baglylykda, 29-njy aprele çenli daşarda kir sermekden saklanmak barada duýduryş aldylar. Читайте также на русском Azatlyk Radiosynyň Aşgabatdaky çeşmeleriniň aýtmagyna görä, ýaşaýjylara bu duýduryşy kommunal gulluklaryň işgärleri 26-njy aprelde öýme-öý aýlanyp, dil üsti bilen ýetiripdir. “Daşarda kir sermezligi tabşyrdylar we tabşyryk ýerine ýetirilmese, elektrik togumy kesmek bilen haýbat atdylar. Читать дальше...
Demirgazyk Koreýanyň lideri Kim Jong Un bilen Günorta Koreýanyň prezidenti Mun Jaý-iniň arasynda (Moon Jae-in) 27-nji aprelde geçirilen taryhy sammitde liderler ýarym adany ýadro ýaragyndan azat etmäge ygrarly galýandyklaryny aýtdy.
Mary welaýatynda ilatyň ýüzbe-ýüz bolan un-çörek we iým gytçylygy dowam edýär.
Daşoguzyň bazarlarynda Samsung, iPhone, LG, Sony we şuňa meňzeş meşhurlyga eýe bolan telefonlaryň we kompýuter enjamlarynyň satuwy çäklendirildi diýip, 27-nji aprelde çeşme demirgazyk welaýatyndan habar berdi.
Türkmenistanyň we türkmenistanlylaryň durmuşy bilеn bagly gyzykly pursatlary şekillendirýän fotosergi.
Ermenistanyň oppozisiýa lideri Nikol Paşinian premýer-ministr Karen Karapetýanyň özi bilen duşuşmagyndan ýüz öwreninden soň, hökümete garşy protestleri dowam etdirjekdigini aýtdy.
Gürjüstanyň ozalky premýer-ministri we milliarder Bidžina Iwanişwili häkimiýet başyndaky, özüniň esaslandyran, Gürji Arzuwy partiýasynyň başyna geçer. Partiýanyň häzirki lideri, premýer-ministri Giorgi Kwirikaşwili özüniň we partiýanyň beýleki liderleriniň haýyşy esasynda, Iwanişwiliniň partiýanyň başyna geçmä razy bolandygyny mälim etdi. Merkezi-sagçy Gürji Arzuwy partiýasy 2012-nji ýylda geçirilen parlament saýlawlarynda ozalky prezident Mihaýil Saakaşwiliniň Birleşen Milli Hereket partiýasyndan üstün çykmagy başarypdy. Читать дальше...
Türkmenistanda dowam edýän we garaşsyzlyk ýyllarynda görlen iň agyr ykdysady kynçylyklar, harytlaryň dynuwsyz gymmatlamagy, dollaryň “gara bazar” nyrhynyň erjellik bilen ýokary galmagy hökümeti aljyraňňylyga salýar.
Günorta Koreýanyň prezidenti Moon Jae In Demirgazyk Koreýanyň lideri Kim Jong Un bilen denuklearizasiýa meselesi boýunça “çynlakaý we açyk” gepleşikleri geçirdi diýip, Günorta Koreýanyň prezidentiniň edarasy maglumat berdi. Kim Jong Un 1953-nji ýylda Koreý urşy tamamlandan soň, Günorta Koreýanyň territoriýasyna gadam basan Demirgazyk Koreýanyň ilkinji lideri boldy. Ol ýerli wagt bilen 09:30, Aşgabat wagty bilen 05:30-da serhetden geçdi. Häzir iki tarapyň wekilleriniň-de gepleşikleriň netijesi... Читать дальше...
ABŞ-nyň täze döwlet sekretary Maýk Pompeo, bu wezipä kasam getireninden bir gün soň, Russiýanyň Ýewropadaky aggressiýasyny NATO ýaranlary bilen maslahat etmek üçin, 27-nji aprelde Brýussele geldi. Ozalky armiýa ofiseri, soňky 15 aýyň dowamynda Merkezi Aňtaw Edarasynyň ýolbaşçysy bolan respublikan kongresmeni Pompeonyň Donald Trampyň alyp barýan syýasatyny berk goldaýandygy aýdylýar. NATO ministrleriniň bu maslahaty Ýaranlygyň liderleriniň iýulda geçirjek sammitine ýol açar. Döwlet departamentiniň... Читать дальше...
Eýran Siriýada söweşmek üçin 80 müň töweregi şaýy söweşijisini hakyna tutdy we Damaskyň golaýynda türgenleşik merkezini esaslandyrdy diýip, Ysraýylyň BMG-däki ilçisi aýtdy. Danny Danon türgenleşik merkeziniň paýtagt Damaskdan sekiz kilometr uzaklykda ýerleşýändigini aýtdy. Eýran we Russiýa Siriýadaky konfliktde prezident Başar al-Assada we onuň hökümetine möhüm goldawy berip gelýär. Ýedi ýyllap dowam edýän bu konfliktde ýüzlerçe müň adam heläk boldy.
Gyrgyzystanyň ozalky premýer-ministri Sapar Isakow geçen ýyl paýtagt Bişkegiş ýyladyş ulgamynda ýüze çykan näsazlyklar sebäpli, derňewçiler tarapyndan sorag edilendigini aýtdy. Şu aýyň başynda prezidenti Sooronbaý Jeenbekow tarapyndan wezipesinden boşadylan Isakow ýurduň Milli howpsuzlyk boýunça döwlet komitetinde şaýat hökmünde bir sagada golaý wagt sorag edilendigini mälim etdi. Ol bu barada žurnalistlere maglumat berdi. Isakow jikme-jik maglumatlary bermän, “ähli zat oňat” diýmek bilen çäklendi. Читать дальше...
