Presidenti francez Emmanuel Macron do të zhvillojë këtë javë bisedime me përfaqësuesit e partive kryesore politike të Francës për të gjetur një zgjidhje politike pasi koalicioni i tij nuk arriti të fitonte shumicën në zgjedhjet parlamentare. Qëllimi i bisedimeve që do zhvillohen të martën dhe të mërkurën në Pallatin Elysee do të jetë "ndërtimi i zgjidhjeve për t'i shërbyer francezëve" në një kohë kur nuk ka "shumicë alternative" për atë të aleancës qeverisëse të Macron, tha një zyrtar presidencial që kërkoi të mos përmendej me emër. Читать дальше...
Zyra e kryeministrit izraelit Naftali Bennett njoftoi të hënën se koalicioni i tij i përbërë nga tetë parti, do të shpërbëhet dhe vendi do të shkojë në zgjedhje të reja parlamentare. Zgjedhjet, që priten të mbahen në tetor ose nëntor, do të ishin të pestat në Izrael në tre vitet e fundit. Bennett u mundua të mbajë së bashku koalicionin e tij të tetë partive që kur mori detyrën një vit më parë, por largimet e kanë lënë aleancën pa një shumicë në parlament për më shumë se dy muaj. Bennett dhe partneri i tij kryesor i koalicionit... Читать дальше...
Të hënën më 20 qershor Talibanët liruan disa shtetas britanikë të arrestuar në Afganistan pas një marrëveshjeje që u arrit midis dy vendeve, thanë zyrtarët taliban dhe britanikë. Të arrestuarit u liruan të dielën pas një sërë takimesh midis zyrtarëve afganë dhe britanikë, tha Zabihullah Mujahid, zëdhënës i qeverisë talibane, në një deklaratë. "Një numër i shtetasve britanikë, të cilët u arrestuan rreth gjashtë muaj më parë për shkelje të ligjeve dhe traditave të popullit afgan u liruan," tha ai. Читать дальше...
Bashkimi Evropian ka konfirmuar se të martën, më 21 qershor në Bruksel do të zhvillohen takime në kuadër të dialogut mes Kosovës dhe Serbisë në të cilët do të jetë në rend dite marrëveshja për energji dhe përgatitjet e një takimi të nivelit të lartë mes Kryeministrit të Kosovës Albin Kurti dhe Presidentit të Serbisë Aleksandar Vuçiq. Për një vit nuk ka pasur takime në nivel të tillë. “Nesër, me 21 qershor, i dërguari i posaçëm i BE-së Miroslav Lajçak, do të jetë mikpritës i një raundi tjetër të... Читать дальше...
Gazetarët e Current Time, projekt i Radios Evropa e Lirë, i kanë pyetur njerëzit nëpër Rusi se si dhe kur mendojnë ata se presidenti rus, Vladimir Putin, do të largohet nga pushteti, dhe se çfarë ndryshimesh do të mund të sillte largimi i tij. Përgjigjet ishin të ndryshme: nga “Ai ose do të vritet, ose do të vdesë” dhe “Uroj ta rrëzojë ndonjë sëmundje sa më shpejt të jetë e mundur”, deri te “Unë nuk shoh kandidatë tjerë. Vetëm Putinin”. (Përgatitën: Trim Haliti dhe Bujar Tërstena)
Të hënën më 20 qershor, Finlanda, Suedia dhe Turqia u ulën në tryezën e bisedimeve në Bruksel për të diskutuar mbi procesin e bllokuar të anëtarësimit për në NATO, por sipas ekspertëve, shpresat po zbehen se do të jenë në gjendje të zgjidhin mosmarrëveshjen e tyre përpara një samiti të aleancës javën e ardhshme. Sekretari i Përgjithshëm i NATO-s, Jens Stoltenberg u takua me përfaqësues nga të tre vendet për të bërë përparim në aplikimet e anëtarësimit të vendeve nordike, të cilat janë bllokuar nga Ankaraja. Читать дальше...
Qytetarët e Maqedonisë së Veriut ankohen se çmimet për çdo ditë pësojnë rritje, me gjithë kufizimin me anë të marzhës tregtare. Më e keqja, thonë ata, për disa produkte për të ruajtur çmimin në përputhje me kufizimin e marzhës, prodhuesit e kanë zvogëluar sasinë në paketime. “Po e shohim se është zvogëluar sasia e shumë produkteve. E filluan me kosin nga gjysmë litri tani një tas përmban 400 mililitra. Gjithashtu vaji, nga një litër u zvogëlua në 900 mililitra dhe kjo është në çdo gjë [produkt]. Читать дальше...
Të hënën më 20 qershor, Rusia paralajmëroi Lituaninë, e cila është njëkohësisht edhe anëtare të NATO-s se nëse transiti i mallrave në enklavën ruse të Kaliningradit në Detin Baltik nuk rivendoset me shpejtësi, atëherë Moska do të marrë masa për të mbrojtur interesat e saj kombëtare. Ministria e jashtme ruse thirri në takim ambasadorin lituanez në Moskë, ndërsa Kremlini u shpreh se situata ishte mjaft serioze. “Situata është tepër serioze”, - deklaroi zëdhënësi për mediat i Kremlinit, Dmitry Peskov. Читать дальше...
Vendet e Bashkimit Evropian do të pranojnë që të dërguarit të posaçëm të BE-së për dialog ndërmjet Kosovës dhe Serbisë, Miroslav Lajçak, t’i zgjatet mandati edhe për 18 muaj. Radio Evropa e Lirë mëson nga burimet diplomatike në Bruksel se në takimet e përfaqësuesve të vendeve anëtare asnjë shtet nuk e ka kundërshtuar vazhdimin e mandatit të Lajçakut. Tash mbetet të kryhet vetëm pjesa formale. Kështu, ish-ministrit të Jashtëm të Sllovakisë, Miroslav Lajçak, pritet t’i vazhdohet mandati deri më 1 prill të vitit 2024. Читать дальше...
Organizata e Veteranëve të Luftës së Ushtrisë Çlirimatare të Kosovës, ka paralajmëruar të hënën sërish protesta, nëse nuk ndryshohet projektligji për pagën minimale, i cili tashmë është miratuar në lexim të parë në Kuvendin e Kosovës. Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës (OVL të UÇK-së), Faton Klinaku, ka thënë në një konferencë për media se nëse nuk përfshihet rritja e pensionit të veteranëve në këtë projektligj, atëherë veteranët do të mbajnë protestë para Kuvendit... Читать дальше...
Festivali Sunny Hill do të mbahet në Prishtinë më 4,5,6 dhe 7 gusht të këtij viti. Kështu është thënë në një deklaratë të përbashkët të Ministrisë së Kulturës, Rinisë dhe Sportit në Kosovë, Komunës së Prishtinës dhe Festivalit Sunny Hill. Sipas tyre, institucionet qendrore dhe ato lokale do të ofrojnë mbështetje për edicionin e sivjetmë, i cili është thënë se do të mbahet në një lokacion të përshtatshëm. Edicionet e kaluara janë mbajtur në Parkun e Gërmisë në Prishtinë. Më 14 qershor, themeluesi dhe organizatori i këtij festivali... Читать дальше...
Më pak se dy muaj pas sigurimit të mandatit të dytë si president, Emmanual Macron ka humbur kontrollin e Parlamentit të Francës, pas rritjes së përkrahjes për aleancën e majtë dhe atë të së djathtës ekstreme. Macron u ka bërë thirrje votuesve që t’ia sigurojnë një shumicë solide. Mirëpo koalicioni i tij i qendrës ka humbur dhjetëra ulëse në zgjedhjet që kanë shpërfaqur ndasi të konsiderueshme në politikën franceze. Kryeministrja franceze, Elisabeth Borne, ka thënë se situata është e pashembullt. Читать дальше...
Qeveria e Kosovës dhe ajo e Shqipërisë kanë arritur pajtueshmëri për 19 pika në sektorë të ndryshëm, në kuadër të mbledhjeve të përbashkëta tradicionale që mbahen ndërmjet dy shteteve. Mbledhja e së hënës shënon takimin e tetë të tillë ndërmjet dy qeverive. Qeveria e Kosovës ka thënë se marrëveshjet e memorandumet ndërqeveritare janë arritur në fushën e arsimit, doganave, energjisë, bujqësisë, infrastrukturës rrugore, transportit, shëndetësisë, mbrojtjes e drejtësisë. Në sektorin e arsimit... Читать дальше...