اوومه ورځ - له سعید شینواري سره
د اوونۍ پېښو او مسالو ته له یو متفاوت لیدلوري کتنه
د اوونۍ پېښو او مسالو ته له یو متفاوت لیدلوري کتنه
د اسیا د تر ټولو شتمن سوداګر مکېش امباني د زوی د واده مراسم د درېیو ورځو په لړ کې نن د هندوستان په ممبي ښار کی پیل شول. ویل کېږي په دې مراسمو کې به ۱۶۰۰۰ کسان کډون وکړي.
دا اونۍ مو په "مشال مرکه" کې د ښځو او بشري حقونو فعال ملک عاصم مېلمه کړی دی. نوموړي په ۱۹۹۰مه سيزه کې صحافت کاوه خو وروسته يې د بشري حقونو د فعال په توګه کار پيل کړ. هغه له تېرو دوو لسيزو راهيسي د ښځو د حقونو لپاره کارکوونکي غيرسرکاري ادارې "عورت فاونډېشن" سره کار کوي. عورت فاونډېشن له تېرو ۴۰ کلونو راهيسې په پاکستان کې د ښځو د حقونو لپاره کار کوي. ملک عاصم وايي، په پاکستان کې د تېرو وختونو پرتله د ښځو د حقونو په اړه بېداري زياته شوې ده او اوس خلک په دې اړه خبرې هم کوي. د ده په خبره د ښځو د حقونو په اړه قوانين موجود دي خو عمل نه ورباندې کېږي. Читать дальше...
د سپریم کورټ ۱۳ کسیزې لویه جرګګۍ د جولای پر ۱۲مه د پينځو په مقابل کې د اتو غړو په اکثريتي پرېکړې سره د پېښور های کورټ او پاکستان انتخاباتي کمېشن پرېکړې لغوه کړې چې پي ټي ای يې له ځانګړ څوکيو محرومه کړی وو.
په هسپانیا کې د غوایانو (غویانو) د ځغاستې دودیزه مېله پیل شوې چې د جولای تر ۱۴مې به روانه وي. له بېلابېلو سیمو او هېوادونو څخه ګڼ خلک د ځغاستې د لیدو او پکې د ګډون لپاره ورغلي دي. په مېله کې خلک له غوایانو څخه تښتي چې پکې یوشمېر کسان ژوبل شوي هم دي. د رویټرز اژانس له ویډیوګانو جوړ رپورټ.
په داسې حال کې چې د پاکستان حکومت په وفاقي بودیجه کې د ولس لپاره رعایتونه اعلان کړي، خو خلک وايي چې ګراني ورځ تر بلې زیاتېږي. حکومت د بجټ تاوان یا خسارې پوره کولو لپاره نور پور هم اخیستی دی خو ورسره یې د برېښنا، ګیس او پېټرولو بیې د رعایت ختمېدو له وجې لوړې کړې دي. د پېښور اوسېدونکي وايي چې ګرانۍ یې ژوند نور ستونزمن کړی دی. دوی وايي چې پخوا به د مالي کال پیلېدو پر مهال نوې مالیې لګېدې، خو اوس ژر، ژر نوي ټیکسونه اعلانېږي.
ملګري ملتونه هر کال د جولای ۱۲مه د سولې نوبېل انعام ګټونکې ملالې یوسفزۍ ورځې په توګه لمانځي چې موخه یې د ماشومانو او نجونو د حقونو په اړه مبارزه او پوهاوی پیدا کول دي. ملګرو ملتونو په ۲۰۱۵ز کال کې د یوسفزۍ د زوکړې په مناسبت دا ورځ د هغې په نوم ونوموله. نوموړې په ۱۹۹۷ز کال کې په سوات کې زېږېدلې وه. د هغې مور مشال راډیو ته ویلي چې د یوسفزۍ مبارزې یې پر ژوند مثبت اغېز کړی دی. ځینې خلک د ملالې یوسفزۍ پر کار نیوکې کوي، خو د بشري حقونو یوشمېر فعالان وايي چې د هغې مبارزې د نجونو د تعلیم په برخه کې مثبت بدلون راوستی دی. Читать дальше...