د دې اوونۍ "هارون باچا هنري ګړۍ" خپرونه مو د ګيله من وزير د ژوند هنري اړخ ته ځانګړې کړې ده. هغه د پښتون ژغورنې غورځنګ فعال مخکښ او پېژندلی شاعر وو. پر نوموړي د جولای پر اوومه په اسلام اباد کې حمله وشوه او په سخت ټپي حالت کې د هغه ښار په پېمز روغتون کې بستر شو خو نوموړی د جولای پر ۱۱مه ومړ. د نوموړي پر مړينه د پښتون ژغورنې غورځنګ د مشرتابه او پلويانو ترڅنګ د سيمې سياسي او قومي مشرانو او مدني فعالانو خپګان وښود. په خپرونه کې د ګيله من وزير د شعر، له موسيقۍ سره يې د مينې او د ولسي محبوبيت د لاملونو... Читать дальше...
په سیند کې د پولیسو د ترهګرۍ ضد څانګې (کاونټرټېررېزم ډېپارټمېنټ یا سي ټي ډي) په کراچۍ ښار کې د ټي ټي پي د یو مهم قومندان د نیولو دعوه کړې ده. پوځ په پېښور کې د درو مشکوکو وسلوالو د وژنې خبر ورکړی دی.
محسن نقوی د جولای پر ۱۱مه نېټه په اسلام اباد کې د سېنېټ د کورنیو چارو کمېټۍ غونډې ته وويل چې عمليات لا نه دې پيل شوي.
د پاکستان تر واک لاندې په ګلګت بلتستان کې د قراقرم غره له سپانټک څوکې څخه د کوځېدو پر مهال د مړ شوي يو بل جاپاني غر ختونکي مړی موندل شوی دی. هغه غر ختونکی د جولاۍ په لومړۍ نېټه ورک شوی وو چې د جولاۍ په نهمه يې مړی وموندل شو. د اسوشيېټېډ پرېس او رویټرز اژانسونو له ویډیوګانو جوړ رپورټ.
ګیله¬من وزیر د جولای میاشتې پر اوومه په اسلام اباد کې په یوه حمله کې تر ژوبلېدو وروسته په پېمز روغتون کې بستر و. د پښتون ژغورنې غورځنګ مشر منظور تېره شپه په یوه وینا کې وویل، ګیله¬من وزیرد ازاد خان داوړ په نامه يو تن او له هغه سره ۱۰ یا ۱۲ نورو کسانو په لرګیو او چړو پر سر وهلی و. دا هم ویډیو
د پښتون ژغورنې غورځنګ مخکښ فعال او شاعر ګیله من وزیر د جولای پر ۱۲مه په شمالي وزیرستان کې خاورو ته سپارل کېږي. نوموړی د جولای پر ۱۱مه تر نیمې شپې وروسته د ټپونو له امله ومړ. هغه د جولای پر اوومه په اسلام اباد کې د یوشمېر کسانو په حمله کې ژوبل شوی وو. پولیس وايي، پر ګیله من وزیر په حمله کې د ککړو کسانو لټون کوي. په پاکستان او افغانستان کې سیاستوالانو او فعالانو د نوموړي پر مړینه خپګان ښوولی دی او ویلي یې دي چې هغه د شعر په ژبه د پښتنو د حقونو لپاره اواز پورته کاوه. په دې رپورټ کې مو د ګیله من وزیر ژوند ته کتنه کړې ده.
په جنوبي افریقا کې یوې ښځې د شاتو (شهد او ګبینی یا ګبین هم بلل کېږي) موچیو ساتلو کاروبار پیل کړی دی. هغه وايي، په دې کې یې ښځې هم له ځان سره شاملې کړې دي چې هغوی هم د ګټې ذریعه ولري. هغه ښځه وايي چې د شاتو موچۍ د چاپېریال او حیاتي نظام لپاره مهمې دي. د رویټرز اژانس له ویډیو جوړ رپورټ.
د خوست په تڼیو کې د قومي مخورو او ځايي اوسېدونکو په هڅو د دوو کورنیو ترمینځ ۳۰ کلنه دښمني په دوستۍ بدله شوې ده. په پخوانۍ دښمنۍ ښکېل لوري خوشاله دي او وايي چې د بدیو ژوند یې له ډېرو ستونزو او ناخوالو ډک وو. دوی له نورو دښمنیو لرونکو کورنیو څخه هم د بدیو ختمولو غوښتنه کوي. ویډیويي رپورټ.