АКШ президенти Дональд Трамп эгер Түркия үй камагындагы америкалык пастор Эндрю Брансонду бошотпосо, Вашингтон Анкарага "чоң санкцияларды" киргизерин билдирди. "Ал абдан кыйналды. Динди карманган бул бейкүнөө адам дароо бошотулушу керек",-деп жазды Трамп 26-июлда "Твиттердеги" барагына. Андан бир саат мурда АКШнын вице-президенти Майк Пенс да Түркиядан Брансонду бошотууну талап кылып, болбосо анын кесепетине даяр болууга чакырган. Түркияда жыйырма жылдан ашуун жашаган христиан пастору 2016-жылдын октябрында Измир шаарында камакка алынып... Читать дальше...
Түштүк Африка Республикасынын Йоханнесбург шаарына чогулган БРИКС өлкөлөрүнүн лидерлери протекционизмге жана соода алакаларындагы чектөөлөргө каршылыгын билдиришти. "Биз көп улуттуу соода системасы буга чейин болуп көрбөгөн кыйынчылыктарга туш болуп жатканын сезип турабыз. Биз дүйнө экономикасынын ачык болушунун маанилүүлүгүн баса белгилейбиз. Дүйнөлүк соода уюмуна кирген өлкөлөрдү бул уюмдун эрежелерин сактоого чакырабыз",-деп айтылат 26-июлда лидерлердин расмий сүйлөшүүсүнөн кийин кол коюлган коммюникеде. Читать дальше...
2016-жылы баш байгеге 3,5 миллион сом коюлган.
20 жаштагы футболчу төрт жылга келишим түздү.
Бишкек шаардык кеңешиндеги көпчүлүк коалиция шаар башчылыгына Азиз Суракматовду бирдиктүү талапкер катары сунуш кылды. Ага альтернатива боло турган талапкерлер көрсөтүлөрү-көрсөтүлбөсү азырынча белгисиз.
Ирандагы Ислам революциясынын сакчылар корпусунун жогорку командирлеринин бири Касем Сулеймани АКШ президенти Дональд Трамптын эскертүүсүнө жооп кайтарды. Ал өзү жетектеген "Кудс" элиталык аскердик бөлүгү Трамп айткан "кесепеттерге" каршы турууга даярдыгын билдирди. "Трамп мырза, бизди коркутканга кантип батынып жатасыңар? Силер согушту баштайсыңар, бирок биз ал согушту аягына чыгарабыз",-деп белгиледи Сулеймани 26-июлда Хамадан шаарындагы кайрылуусунда. Өткөн жекшемби күнү Ирандын президенти... Читать дальше...
Пакистанда мурдагы крикет жылдызы Имран Хан өз партиясы шаршембидеги парламенттик шайлоодо жеңгенин жарыялады. Анын кайрылуусун 26-июлда Пакистандын улуттук телеканалы көрсөттү. Азырынча добуштардын жарымына жакын саналып бүттү. Алардын алгачкы жыйынтыгы боюнча, Хандын "Техрик-е-Инсаф" партиясы 272 округдун 113үндө алдыга чыкты. Азыр камакта отурган мурдагы премьер-министр Наваз Шарифтин "Пакистандын мусулмандар лигасы" партиясы 60 мандатка ээ болот деп күтүлүүдө. Бирок бул партияны шайлоого... Читать дальше...
Италиянын Космос агенттиги бейшембиде Марста суюктук түрүндөгү суу табылганын маалымдады. Ал Европалык космостук агенттиктин станциясында орнотулган "Марсис" радарынын 2012-2015-жылдар аралыгындагы маалыматын изилдеп чыккандан кийин ушундай тыянакка келди. Окумуштуулар планетанын түштүк уюлунда диаметри 20 чакырымдай көлдү аныкташты. Ал көлдү калыңдыгы 1,5 чакырымдай муз каптап турат. Андан мурда адистер Марстан Гренландия менен Антрактикадагы муз алдындагы көлдөр жайгашкан аймактарга окшош чөлкөмдү байкап калышкан. Читать дальше...
Эл аралык илим жана бизнес университетинин Камкордук кеңешинин төрагасы Нургалы Асаналиев кармалды. Бул тууралуу “Азаттыкка” Бишкек шаардык милициясынын басма сөз кызматы кабарлады. Бир нече күн мурда университетте Индиядан келип окуп жаткан 50дөн ашуун студент Асаналиев алардан ири суммада акча алып, бирок окуусун аяктоого мүмкүнчүлүк бербей жатканын айтып, даттанышкан. Алар басма сөз жыйынын уюштуруп, Интернеттеги социалдык түйүндөр аркылуу видеокайрылуу таратып, Кыргызстандын жетекчилигинен жардам сурашкан. Читать дальше...
Жалал-Абад милициясы түндүк-түштүк кошумча жолун салып жаткан кытайлык компаниянын жумушчусунун тонолуп, сабалышын иликтеп жатат.
Экономикалык кылмыштарга каршы күрөш боюнча мамлекеттик кызмат (Финансы полициясы) быйылкы жылдын биринчи жарымында 981 мыйзам бузуу фактысын аныктады. Бул маалыматтар мекеменин жетекчилеринин Бишкекте өткөн атайын басма сөз жыйынында жарыяланды. Топтолгон материалдар каралгандан кийин 715 факты боюнча кылмыш иши козголгон. Жалпысынан бул арада мамлекет тарткан зыян 4 миллиард сомго жакындаган. Мындан сырткары январь-июнь айларында Финансы полициясы териштирген материалдардын негизинде башка органдар 238 кылмыш ишин козгогон. Читать дальше...
Ташкентте президент Шавкат Мирзиёевго арыз-муңун айтыш үчүн президенттик сарайдын алдына чогулган 30 аялдын алтоо камалды. Бул тууралуу ташкенттик укук коргоочу Татьяна Довлатова "Эркин Европа / Азаттык" радиосуна билдирди. Анын айтымында, ал аялдар тергөө абактарындагы жакындарынын маселелери жана укук коргоо органдарынын аларга жасаган мамилеси тууралуу президентке арызданыш үчүн 23-июлда Ташкентке чогулушкан. Алардын алтоо "ээнбаштык кылды" деген жүйө менен 15 күнгө камалса, калгандары алты сааттан ашык убакыттан кийин коё берилген. Читать дальше...
Кыргызстан эне өлүмү боюнча Борбор Азия менен Чыгыш Европада биринчи орунда турат. Жылына орто эсеп менен 50-60 аял төрөттөн көз жумууда. Бул тууралуу 26-июлда Ош облусунун Өзгөн районунда тукум улоочулук саламаттык маселесине арналган жыйында сүйлөп жатып Бириккен Улуттар Уюмунун Калк фондунун өкүлү Бактыгүл Бозгөрпиева билдирди. Өлүмгө себеп болгон жагдайлардын башында социалдык-экономикалык оор абал, үй-бүлөдөгү зомбулук жана миграция турат. Бүгүнкү күндө Кыргызстанда төрөт курагындагы аялдардын саны 1 миллион 700. Читать дальше...
АКШ менен Орусиянын президенттеринин кийинки саммити 2019-жылга калды. Ак үй буга "Кошмо Штаттарда 2016-жылы өткөн шайлоого Орусиянын кийлигишүүсү боюнча иликтөөлөр аякташы керек" деген жүйө келтирди. Вашингтон ошондой эле “Крым декларациясы” аттуу жаңы билдирүү жарыялап, жарым аралды Украинадан Орусиянын тартып алышын такыр тааныбай турганын дагы бир жолу расмий ырастады. Мунун алдында президент Трамп орус президенти Путин менен Хелсинкидеги алгачкы саммиттен соң жасаган айрым билдирүүлөрү үчүн мекенинде аны өнөктөштөрү... Читать дальше...
Пакистандагы парламенттик шайлоонун алдын ала жыйынтыктарына ылайык, оппозиция чоң ажырым менен алдыда келе жатат. Буга чейин бийликте болуп келген партия жыйынтыкты тааныбасын билдирүүдө.
АКШ менен Евробиримдиктин лидерлери соода маселесинен жаралган чыңалууну басаңдатып, соода согушунун алдын алууну көздөгөн планга макул болушту. Бул маалымат АКШнын президенти Дональд Трамп менен Евробиримдиктин президенти Жан-Клод Юнкердин 25-июлда Ак үйдө өткөн жолугушуусунан кийин белгилүү болду. Германиянын экономика министри Петер Альтмайер бул макулдашууну "чоң жылыш" деп мүнөздөп, ал аркылуу соода согушунун алдын алып, миллиондогон жумуш орундарын сактап калса болоорун "Твиттерге" жазды. Читать дальше...
Өзгөн районунун Куршаб айылынын тургуну, дарыгер Турсунали Матазимовдун Чыңгыз Айтматовго арноосу.
Түндүк Корея өзөктүк куралдан арылуу жөнүндө убадаларына карабастан өзөктүк куралга керектүү отунду өндүрүүнү улантууда. Бул тууралуу АКШнын мамлекеттик катчысы Майк Помпео 25-июлда Сенаттын Тышкы иштер комитетинде Демократиялык партиянын сенатору Эд Маркинин суроосуна жооп берип жатып билдирди: - Мен болгону жашыруун маалыматты ачыкка чыгарып албоого аракет кылып жатам. Ооба, алар өзөктүк материал чыгарууну улантууда, - деди Майк Помпео. Сенаторлордун көбү расмий Пхеньяндын денуклеаризация маселеси... Читать дальше...
Чет жактарда жашаган кыргызстандыктар дүйнөлүк "gofundme" кайрымдуулук порталы аркылуу журналист Уланбек Эгизбаевдин үй-бүлөсүн колдоого каражат чогултууну улантып жатышат. Учурда атайын ачылган эсепте 3130 АКШ доллары чогулду. Кыргызстандыктар үчүн 0771 22 22 41 номурлуу ЭЛСОМ электрондук капчыгына да каражат чогултулуп жатат. Бул тууралуу демилгечилердин бири Хабиб Арзыкулов маалымдады. Белгилүү журналист Уланбек Эгизбаев 22-июлда Чолпон-Ата шаарында мезгилсиз дүйнөдөн кайтты. Ал 28 гана жашта эле. Читать дальше...
Спорттун улуттук түрлөрү боюнча дирекция III Дүйнөлүк көчмөндөр оюндарынын жалпы байге фондун 26 миллион 615 миң сом өлчөмүндө бекитти. Оюндардын программасына спорттун ат чабыш, ат үстүндө мелдешүү, улуттук күрөш, салттуу интеллектуалдык оюндар, жаадан ок атуу, аңчылык сыяктуу 37 түрү кирди. Эң ири байге көк бөрүгө сайылып, мелдештин байге фонду 6 миллион сомду түзөт. Азыркы учурда 44 өлкөдөн спортчулар оюндарга катыша тургандыгын тастыкташты. Жалпы 594 медаль (174 алтын, 173 күмүш жана 247 коло) ойнотулат. Читать дальше...
Кыргызстандагы мектеп окуучуларынын 10%, кесиптик орто окуу жайлардын студенттеринин 37% жыныстык катнашта жашайт. Бул тууралуу 26-июлда Ош облусунун Өзгөн районунда тукум улоочулук саламаттык маселесине арналган жыйында сүйлөп жатып Бириккен Улуттар Уюмунун Калк фондунун өкүлү Бактыгүл Бозгөрпиева билдирди. Жыйындын катышуучулары элдин тукум улоочулук саламаттыгын сактоо максатында жергиликтүү бийлик, мектеп директорлору жана мугалимдер түшүндүрүү иштерин күчөтүшү керек экенин баса белгилешти. Читать дальше...
Баткенде кылмышка шектүү катары кармалган адам изделүүдө. Милициянын маалыматына караганда, окуя 26-июлда Кызыл-Кыя шаарында болду. Уурулукка шектүү катары кармалган адамдын денесине кызыл тактар чыгып кеткендиктен ал ооруканага жаткырылган. Издөө иштери жүрүп жатат, блок-посттор коюлуп, шектүү тууралуу маалымат бардык милиция бекеттерине жөнөтүлдү.
Бириккен Улуттар Уюмунун адам укуктарына көз салган адистери орус бийлигин түрмөлөрдөгү жана эмгек колонияларындагы ур-токмок жана кыйноо фактыларын иликтөөгө чакырды. Уюмдун Кыйноого каршы комитетинин башчысы Йенс Модвиг Европа кеңешине кирген өлкөлөрдүн ичинен Орусияда абактагылардын өлүмү көп катталаарын 25-июлда Женевадагы жыйында билдирди. Анын айтымында, Орусиядагы миңге чукул абак жайларында 600 миңдей киши жазасын өтөп жатат. Жыл сайын орус түрмөлөрүндө төрт миңге чукул киши көз жумат.... Читать дальше...
Ошто аялдардын тукум улоочулук саламаттыгын, бул багыттагы мыйзамдардын аткарылышын талкуулаган жыйын өтүп жатат. Талкууга Жогорку Кеңештин депутаттары Айнуру Алтыбаева, Аида Касымалиева, саламаттык сактоо министринин орун басары Мадамин Каратаев, жергиликтүү уюмдардын өкүлдөрү жана тургундар катышууда. Дүйнөлүк саламаттык сактоо уюмунун маалыматына караганда, Кыргызстанда 100 миң аялдын 76сы төрөт учурунда каза табат. Буга өлкөдөгү төрөт үйлөрүнүн жетишсиздиги, андагы тиешелүү шарттардын жоктугу... Читать дальше...
Орусияда зордукталып, мыкаачылык менен өлтүрүлгөн беш жаштагы тажик кыздын окуясы чоң резонанс жаратты.
