Иркутскерчу №1 изоляторерчу тутмакхна Хайдаев Хьумайдана сагатдо бакъоларъярхоша. Ангарскерчу №15 набахтехь хан текхна а ваьлла, 2020-чу шеран Дечкен-баттахь цIаваха везаш вара иза, амма чохь кхебира низамехь а доцуш. Цунах лаьцна дийцира бакъоларъярхочо Титиев Аюба. Цхьа стаг вен а вуьйш, набахтехь хилла гIаттам айбеш хьийзарна бехкево нохчо Хайдаев. Титиевс бахарехь, набахтерчу хьаькамаша лелочу харцоно гIовттина хилла тутмакхаш, ткъа оцу протестехь Хайдаевс лаьцна хуьлийла а дац дакъа. “Шена тоьхна 13 шо текхна, аравалийта везаш вара иза.
COVID-19 уьнах Къилбаседа Кавказехь 6 велла, вирус кхетта 505 стагана. ГIалгIайчоьнан Сунжа-кIоштахь лоьхуш ву нохчийн тIемалойн лидер Бютукаев Аслан. Афганистанехь эккхийтар дина. 5 стаг вийна, чевнаш йина 14 ву. Думан депутаташа зударшна доьзалехь ницкъбар талла аьлла, дехар дина Оьрсийчоьнан прокуратуре.
15 шо ду радиолог Бекмурзаева ПетIамат, ша Оьрсийчохь Iамийна лоьран корматалла дешарца дуьненан стандарте а ялийна, Францехь болхбан йолаелла. ХIинца Ниццехь шен долахь ю цуьнан дарбан хIусам. Яц гIишло могIарчу цIенойх – Оьрсийчоьнан императорехь Александр ШолгIачуьнгахь марехь хиллачу Долгорукая Екатеринин хилла цIа ду иза. Оьрсийн я нохчийн мотт а хууш, францойн мотт ледара буьйцу нах алссам бу ПетIаматан пациенташлахь. Дика евза иза хIинца лоьрашна-францошна а, пайде хилла еха Францина. Амма цкъа а диц ца до цо ша нохчо хилар.
Афганистанан Гардез гIаларчу тIеман кхела хьалха тахана динчу эккхийтарехь мел лахара а пхи стаг вийна, 14 лазийна аьлла, хааме даьккхина Iедалхоша. Яздина цунах лаьцна Маршо Радион казахийн Азаттык сервисо. Иттаннашкахь маьрша нах байина хир бу, я чевнаш йина хир ю аьлла пачхьалкхан чоьхьарчу гIуллакхийн министраллан пресс-секретаро Ариан Тарикъа. Афганистанан армин официалан векало бинчу хаамца, тIелатар дина, оьккхуьйтург йоьллинчу машенах пайда а эцна. Динчу зуламах жоьпалла тIелоцуш, дIахьедар даржийна "Талибан" боламан векало. Читать дальше...
Нохчийчоьнан дозанерчу Сунжан кIоштан хьаннашкахь ГIалгIайчоьнан полисхоша лоьхуш ю, нохчо Бютукаев Аслан коьртехь волу, гIаттамхойн тIаьххьара тоба, яздо "Интерфаксо". 2013-чу шарахь Нохчийчохь вийначу, "Кавказан Имарат" вовшахтоьхначу Умаров Доккин метта хIоттийна вара Бютукаев. Iамеркан Цхьаьнатоьхначу Штатийн Пачхьалкхан департаменто "Исламан пачхьалкх" шех олучу тобанна тIехIоттарна санкцеш юкъа вахийтинера иза 2016-чу шарахь. ТIаьхьарчу масех шарахь нохчийн гIаттамхойн лидерех хезаш хIумма а дацара. Читать дальше...
"Цхьааллин Оьрсийчоь" партин цIарах болу депутаташ Милонов Виталий а, Земцов Николай а, Крупенников Владимир а, Юмашева Инга а Оьрсийчуьрчу Инарла прокуроре бевлла, карантинан раж йоьдучу заманчохь доьзалехь ницкъбар алсамдаьлла бохуш, хаамийн гIирсашкахь даржор талла аьлла. Парламентхошна хетарехь, цу тайпанчу информацино "сийсазйоккху доьзалан институт". Депутатийн кхайкхам зорбане баьккхина "Царьград" телеканало. Юьйцург ю РБК агенталло Iораяьккхина артикл. Цу тIехь авторо яздора, Пачхьалкхан Думан депутаташа Пушкина Оксанас а... Читать дальше...
Дагестанерчу Буйнакск гIалин коьртачу дарбан цIийнан травматолога Рашидов Мохьмада довзийтира шайгара хьал. "ЦIечу зонехь" (иштта олу коронавирусах цомгуш хиллачу нахана дарбадечу меттигах) итт дийнахь къа а хьегна, хIинца шен цIахь, изоляцехь, ву иза. - Муха ду хьал шун дарбан хIусамехь? - Инфекци йолчу нахана дарба лело кечйина оха тхешан меттиг. Итт дийнахь цкъа хийца а луш, болхбо оха. Итт дийнахь цигахь Iа, итт дийнахь цIахь, изоляцехь, Iа. Карарчу хенахь, балхара хийцавелла, цIахь ву со. Читать дальше...
Адыгейн Красногвардейскан кIоштарчу Бжедугхабль эвлахь тезета веанчу 12 хьешаца а, меттигерчу бахархошца а коронавирусан ун къаьстина аьлла, яздо "Живая Кубань" хаамийн гIирсо. Оцу тезета еанчу зудчух даьржина лору ун. Дарбан цIийнан инфекцийн декъе охьайиллина иза. Ун даьллачийн уьйраш лаьттинчу 200 стагана тесташ йина лоьраша. ЖамIаш цкъачунна кийча дац. Адыгейхь коронавирусаца ву 271 дархо. Дарба хилла 187 пациентана, велларг 8 ву. Кхаарин дийнахь лаьрча, COVID-19 инфекци яьлла верриг а Къилбаседа Кавказехь 12 677 стаг ву. Читать дальше...
Къилбаседа Кавказехь тIаьххьарчу зерашца коронавирусан инфекцех кхелхина ялх дархо, ун къаьстина кхин а 505 вахархочуьнца. Эпидеми ца яржийта кхоьллинчу оперативан штабан хаамца, Краснодаран а, Ставрополан а мехкашкахь шишша стаг велла, ГIебарта-Балкхаройчохь а, ГIалгIайчохь а цхьацца кхелхина. Верриг а Къилбаседа Кавказехь ун чудеачхьана велла 145 COVID-19 шеца хилла пациент. Къаьсттина дукха бу керла ун даьлла нах Дагестанехь - 98: Дагестан +98 (3 095 эпидеми яьржичхьана) Краснодаран кIашт... Читать дальше...
Оперативан-талламан барамаш бу дIахьош ГIалгIайчуьрчу Сунжан-кIоштахь аьлла, информаци яржийна Интерфакс-Юг зорбан гIирсо. Бахархошна хьаннашкахь лелар дихкина оцу йолийначу операцица доьзна. Iедалхоша дехар дина махкахошка, шун кхерамзалла цунах боьзна бу, цундела шайн дехкарх нийса кхетахьара аьлла. Иштта Зазадоккху-беттан 4-чохь Сунжа-кIоштарчу Алкун эвлахь дIаяьхьначу леринчу операцехь вийра гIаттамхо ву аьлла, цхьа жима стаг. ФСБ-н информацица, Дагестанера схьаваьлла хиллера иза. Цуьнца шеца герз а, патармаш а, юург а хиллера.
Нохчийчуьрчу эпидемин хьолахь вистхуьлучу могушаллин министро Сулейманов Эльхана тIаьххьарчу дIахьедарехь билгалдаьккхина, лоьраша вирус юй хьожуш толлуш ву 3 777 стаг аьлла. "Чечня Сегодня" агенталло яздо цунах лаьцна. Иштта цо хаам бина, таханалерачу дийнахь коронавирусан ун даьлла махкахь 841 пациент хиларх. 464 вахархо, дарба а хилла, карантинера араваьккхина, кхин цкъа а тесташ йинчул тIаьхьа. Велларг исс стаг ву эпидеми яьржичхьана, аьлла министро. Могушаллин министраллан хьаькамо хаийтина... Читать дальше...
