Новости за 29.12.2017

Нохчийчоьнан куьйгалхочуьнан Кадыров Рамзанан гIоьнчо Кадыров Хьасайна Москох гIо дехна низамаш лардечу органашка, шена къола дина аьлла, яздо «Московский комсомолец» газето.  Кадыровс яздинчу дIахаийтарца, ГIура-беттан 26-чу дийнахь сарахь 10 даьллачул тIаьхьа Москох Ленинградан проспектехь цуьнан Mercedes машен чуьра лачкъийна ахча а, iPhone 6 а, iPad а чохь йолу тоьрмиг. Зе дина хилла Кадыровна 600 эзар соьмана.   Цхьа де а далале къоладинарг лаьцна полицино. Иза ву 51 шо долу болх боцуш лелаш волу Тула кIоштара вахархо. Читать дальше...

Кхушеран лахьан-баттахь герзхоша лачкъийна хилла Соьлж-ГIалара 7 стаг къйлахчу набахтера дIахецна бутт гергга хан яьлча, хаам бина "Мемориал" центро. И нах тIеман баркзакъ доьхна хиллачу наха дIабигнера Дикаев Зелимхан цIе йолчу стеган хIусамера, яздо "Кавказский узело". Мемориало дийцарехь, Дикаев а вара лачкъийначу нахана юкъахь. Ткъа хIинца хиъна и 7 стаг ГIура-беттан 18-чохь дIахецна хилар, хаам бина "Мемориало". Уьш латтош хилла къайлахчу набахтехь, боху бакъонашларъярхоша.

Оьрсийчоьно а, Туркойчоьно а барт бина Оьрсийчоьнан С-400 ракетийн коплексашца боьзна мах барца боьзна. Цу контрактан барам бу 2,5 миллиард доллар. Цу ахчанах ах сов Москохо Анкарана лур ду юхалург. Комплексаш дIакхачор йолуш ю Туркойчу 2020-чу шеран Зазадоккху-баттахь. НАТО юкъаозийна а йоцуш, туркоша йина йолу уггаре а йоккха контракт ю иза. Оьрсийчоь а, Туркойчоь а и мах беш бертаяхаро синтем байина НАТО-на юкъахь. Туркойчоь декъашхо ю Къилбаседа Аталантикан тIеман альянсан. Пентагоно билгалдаьккхина... Читать дальше...

Доьзалхо дуьненчу ваьлча, я бер доьзале далийча хIора баттахь ахча даларх лаьцначу низамна тIе куьг таIийна Путин Владимира. Цу документаца а догIуш, бер динчу я далийначу доьзална ахча лур ду ахча цхьа шо ялх бутт заманчохь. Цул сов, цхьана шарахь эха шарахь хIора баттахь ахча лур ду шолгIа бер диначу я далийначу доьзалшна а. Цу хьашташна хьажор ю ненан капиталан фонд. Путина тIечIагIдина низам болх бан долалур ду 2018-чу шеран Дечкен-беттан 1-чу дийнахь дуьйна.

Нохчийчоьнан куьйгалхочо Кадыров Рамзана бехке йина Цхьаьнатоьхна Штаташ, шен социалан машанашкахь йолчу агIонашка язбеллачу нехан бакъонаш талхорна, яздо Кавказ.Реалиино. Кадыровс дийцарехь, Facebook-хь а, Instagram-хь цуьнан виъ-виъ миллион язвалархо (subscriber) а вара, цу гайтамца иза Iамеркехь 3-гIа меттиг дIалоцуш а вара. Амма Оьрсийчоьнан агенталлаш дийцарехь, кхушеран Чиллан-баттахь бинчу талламца оьрсийчоьнхойн «седарчашна» юкъахь Кадыровс дIалоцуш яра оьзда 37-гIа меттиг. Ткъа Iамерка хьахийча... Читать дальше...

Гуьмсехь схьайиллина автобусийн а, цӀерпоштнекъан а вокзал. Цунах лаьцна хаам бина НТВ телеканало. Вокзалан комплексан барам бу 4 эзар еакIов метр.   Керла гIишло Гуьмсехь ян йолийнера 5 шо хьалха. Цу Iалашонца вовшахъяккха дийцира шира вокзал.

Уггаре лахарчу алапан барам алсамбоккхучу низамана тIе куьг таIина Оьрсийчоьнан президенто Путин Владимира. Эххаре а иза цхьаьнабогIуш хир бу адамана даха лаххара оьшучу ахчанан барамца. И документ зорбане даьккхина Оьрсийчоьнан низамашца боцначу хаамийн порталехь. Цу тIехь болчу хаамца, 2018-чу шеран Дечкен-беттан 1-чу дийнахь дуьйнабаттахь лучу уггаре лахарчу алапан барам хир бу 9 489 сом. Иза ю Оьрсийчохь адамана даха лаххара а оьшучу ахчанан бараман 85 процент (11 163 сом).   2019-чу шеран... Читать дальше...

Соьлж-ГIалин яхархочун Ибрагимова РабIатан цIахь самукъане ду. Кху шина-кхаа дийнахь цаьрга хьеший бу оьхуш, иза а, цуьнан йоI Хьава а декъалйеш. 22 ши шо хьалха къаьстина хилла, хIинца бен вовшах ца кхетта наний, йоIIий. Хьава дукха жима йолуш яйна хилла цуьнан...

Кадыров Рамзанан Facebook-ехь хилла агIо дIалаьцна дIоггара баш евзаш йоцучу Уралерчу туризман агенталло. Иза нисделла адрес маьрша даьллачул тIаьхьа – Кадыровн аккаунт а, цу тIехь хилла йоза а кхин йолу информаци а дIаяйина, хаам бо vesti.ru сайто. Карарчу хенахь Кадыровн социалан машанашкахь йолу агIонаш ишттачу хьолехь ю: Facebook-о дIадаьхна дерриг а сурташ а, йозанаш а. Цигахь реклама а ю, "RKAdyrov" аьлла  жимачу элпашца йоза а ду. Instagram-ехь изза хьал ду, цигахь яздина ду «агIо еллалуш яц». Читать дальше...