Аижәлантәқәа Џьапуаа Амшаԥныҳәазы имҩаԥырго аныҳәара аҵакы атәы арадио Sputnik Аԥсны аефир аҿы еиҭеиҳәеит Аҳәынҭқарратә музеи аиҳабы Аркади Џьапуа.
Џьапуаа рыжәла аҭоурыхи, урҭ Амшаԥаҽны иазгәарҭо аижәлантәқәа рныҳәара Џьаҳашьқьар амҩаԥгашьеи инарҵауланы реилкааразы Нарҭдырреи адәынтәи афольклорҭҵаареи рцентр аҭҵаарадырратә усзуҩ, Sputnik аколумнист Есма Ҭодуаԥҳа диҿцәажәеит Џьапуа Иура.
Бырзентәыла инхо ҳџьынџьуаҩ Гиви Ҳашба арадио Sputnik Аԥсны аефир аҿы еиҭеиҳәеит уаҟа ақьырсианцәа Амшаԥы ишаԥыло атәы.
Иарбану аԥсуа идин ҳәа ҳзышьҭоу, ԥсыуаҵасла Амшаԥныҳәа ишԥаԥыло, ныҳәагатәқәас иадыргалои? Нарҭдырреи адәынтәи афольклорҭҵаареи рцентр аҭҵаарадырратә усзуҩ, Sputnik аколумнист Есма Ҭодуаԥҳа иҳадылгалоит Аираа рҭаацәарак Амшаԥы ишаԥыло ҳазҳәо анҵамҭа.
Асовет аамҭазы, ҷыдала иааугозар, Сталин ианихааныз, ақьырсиантә динхаҵара аҿагылара аман, ажәлар рҿы иазгәарҭоз аныҳәақәа рыбжеиҳаракгьы аԥыхын, Амшаԥы убрахь иналаҵаны. Уадаҩрақәас ирԥылози аԥсуаа ҭаацәарақәа усҟан? Ирылшама "акылԥшыҩцәа", адин аҿагылаҩцәа аԥсуаа рҟны ари аныҳәамш амҩаԥгара аанкылара? Абарҭқәа ирыдҳәалоу игәалашәарақәа ҳацеиҩишоит урҭ ашықәс хьанҭақәа ирхаану Владимир Жьиба.
Мшаԥныҳәа иадҳәалоу аҳаԥшьа ыҵаҵан измоу аԥсуаа рацәоуп. Уи иҭарҭәо аҩы, нас ашьыжь Амшаԥныҳәа аҭаацәараҿы ишаԥыло атәы арадио Sputnik Аԥсны аефир аҿы еиҭалҳәеит Дәрыԥшь ақыҭан инхо Белла Ладариаԥҳа-Кәарцхьиа.
Ишԥаԥылоз ақыҭауаа Амшаԥы асовет аамҭазы? Уадаҩрақәас ирымази уи амҩаԥгаразы? Иарбан идеологиоу усҟан ирыладырҵәоз? Абарҭқәа, иара убас Амшаԥныҳәа иадҳәалоу егьырҭ лхәыҷратә гәалашәарақәа ҳацеиҩылшоит Sputnik аколумнист Елеонора Коӷониаԥҳа.
Ашьапылампыл азы ахәыҷтәы турнир "JUNIOR FOOTBALLER CUP" мҩаԥысраны иҟоуп Санкт-Петербург, лаҵара 9 -12 рзы.
Ақьырсиан иашахаҵара ныҟәызго ақьырсиануаа иазгәарҭоит Амшаԥныҳәа- Қьырса Ибзахара.
Иаса Қьырса ииашаҵәҟьаны ибзахара ныҳәа дууп ақьырсиан динхаҵаҩцәа рзы. Урҭ ари амш иаԥылоит Ачгара ду хыркәшаны. Аԥснытәи аепархиа хада аиереи Аб Бассариан арадио Sputnik Аԥсны аефир аҿы ари аныҳәа ақьырсианцәа зегьы ирыдиныҳәалеит.