Ҟрымтәи ареспублика Алушҭа ақалақь аҟны Аиааира ду аҳаҭыр азы зых иақәиҭу аиқәԥаразы аицлабрақәа мҩаԥысит. Аԥснытәи аспортсменцәа хәыҷқәа иааныркылеит актәи аҭыԥқәа быжьба, аҩбатәи ԥшьба, ахԥатәи аҭыԥқәа ҩба. Зхы иақәиҭу аиқәԥаразы азыҟаҵаҩ Игор Бераиа арадио Sputnik аҟны еиҭеиҳәеит Ҟрымтәи ареспубликаҟны аԥсуа спортсменцәа қәыԥшцәа шықәгылаз.
Апроект "Ақәранҵыра" аҳәаақәа ирҭагӡаны "Жәларбжьаратәи афонд Аԥсны" ахаҭарнакцәа лымш ира лыдырныҳәаларц Адиле Шахбас-иԥҳа Аббас-оглы илҭааит.
Аҟәатәи ақалақьтә еизара реилатәараҟны иалацәажәеит автобус маҷқәа рыла аныҟәара ахәԥса иацло иацымло азҵаара.
Амармалташь пты иаҿагыланы ақәԥара азҵаарақәа ркоординациазы имҩаԥгаз аилацәажәара иалахәын: Аԥсны Аԥыза-министр ихаҭыԥуаҩ Роман Шьоуа, Нхыҵ Кавказ аусқәа рзы Урыстәыла аминистр ихаҭыԥуаҩ Игор Кошин, Аԥсни Урыстәылеи рқыҭанхамҩа аминистррақәа рнапхгаҩцәа. Аилацәажәара мҩаԥысит Аҟәа, мшаԥы 24 рзы.
Аԥсны Ашәҟәыҩҩцәа реидгыла ахантәаҩы Вахтанг Аԥҳазоу Москва иҭыжьыз аизга "Сухумская крепость" далацәажәо иазгәеиҭеит ажәеинраалакәа реиҭагара азҵаара акыр ишыуадаҩу Аԥсны.
Адунеи ахьынӡанаӡааӡо иқәынхо аерманцәа мшаԥымза 24 аҽны иргәаладыршәоит 1915 шықәса рзы миллионки бжаки рҟынӡа рыжәлар аннырҵәаз ахҭыс.
Мшаԥы 24 рзы имҩаԥысыз Аҟәатәи ақалақьтә еизара аилатәараҿ ирыдыркылеит аӡбра: Кьыршьал Чачхалиа дахьынхоз аҩнаҿы амемориалтә ӷәы кыдҵазарц.
"Большая семерка" Урыстәыла ахара адырҵеит адунеи аҟны аҭагылазаашьа ахьҭышәынтәалам азы. Иара убри аан G7 атәылақәа ирҳәеит арегионалтә кризисқәа рганахь ала аусеицура ишазыхиоу.
Аԥсуа школхәыҷқәа рыбжьара Аҟәа имҩаԥысит раԥхьатәи ареспубликатә афольклортә еицлабра "Нарҭаа". Уи еиҿыркааит Жәларбжьаратәи аԥсуа-абаза хеидкыла "Алашареи" Аԥсны аҵареи аҭҵаарадырреи рминистрра. Аицлабра "Нарҭаа" ашколхәыҷқәа рзы аҵакы ӷәӷәоуп ҳәа азгәеиҭеит аҵареи аҭҵаарадырреи рминистр Адгур Какоба.
Адунеи ахьынӡанаӡааӡо иқәынхо аерманцәа мшаԥымза 24 аҽны иргәаладыршәоит 1915 шықәса рзы Османтәи аимпериаҿ инхоз аерманцәа рнырҵәара амш.
Аԥсны Аҳәынҭқарра Аекономика аминистрра аделегациа алахәын 2018 шықәса мшаԥы 19-20 рзы имҩаԥысуа IV Иалтатәи жәларбжьаратәи аекономикатә форум аусура.
Аԥсны Адәныҟатәи аусқәа рминистр Даур Ақаҩба ашәахьа, мшаԥы 23 рзы диԥылеит Ареспублика Арцах Адәныҟатәи аусқәа рминистр Масис Маилиан.
Афестиваль "Абиблиоҵхы" азырхоуп ауааԥсыра ашәҟәы радыԥхьалара. Ҩынтәуп имҩаԥысуеижьҭеи Иван Папасқьыр ихьӡ зху Амилаҭтә библиотекаҿ.
