Наьсарерчу "Ангушт" футболан клубан виъ ловзархо еххачу ханна тобанера дIаваьккхина, Прохладный гIаларчу "Энергетик" клубан суьдхойн тобанна тIелатар дарна. Дуьйцур ду бахьанех а, летарийн тIаьхьалонах а.
Туркойчохь вехачу нохчийн оппозицин блогера Халитов Хьасана бехке вина Нохчийчоьнна коьртехь волу Кадыров Рамзан, ницкъаллин структурийн белхахо хиллачу Арсанукаев Ахьмадан гергарчаьрга шен доьзална чIир кхайкхор вовшахтохарна
Къилбаседа ХIирийчохь коронавирусах беллачу нехан хIуманаш лечъийна меттигерчу Клиникан дарбан хIусамехь, чIагIдо церан гергарчара. Меттигерчу яхархочуьнан Лучкина Еленин нана елла Марсхьокху-беттан 9-хь. Лучкинас чIагIдарехь, цуьнан пIелгара мухIар даьккхина, яздо Mash телеграм-канала. "Цуьнан мухIар дара, цкъа а плгара доккхуш а доцуш. БархI шо хьалха цунна совгIатана деллера оха иза. Госпитале охьайижош мухIар цуьнан пIелга тIехь дара. Дара иза цуьнца реанимаце юьгуш а. Амма морге кхаьчча цуьнан мухIар дацара", - дуьйцу Лучкинас. Читать дальше...
Роскомнадзора тIедожийна Google-на блок дIаяккхар Оьрсийчоьнан пачхьалкхан RT (Russia today) телеканалан немцойн маттахь йолчу редакцин ютьюб-каналашна. Оцу регуляторан дIахьедар кхаьчна "Интерфакс" агенталлин редакце. Шен кехатехь Роскомнадзора чIагIдо, Google-о динчо "йохайо маьршша хаамаш дIасабаржо йолчу бакъонан коьрта принципаш", иза цензуран акт ю, Оьрсийчьурчу зорбан гIирсашна йина йолу. Дукха хан йоццуш тIеэцначу низамо бакъо ло иза дахь болх малбан а, блок хIотто, Оьрсийчоьнна иза цензуран акт ю аьлла хеталахь. Читать дальше...
Туркойчохь вехачу нохчийн оппозицин блогера Халитов Хьасана бехке вина Нохчийчоьнна коьртехь волу Кадыров Рамзан, ницкъаллин структурийн белхахо хиллачу Арсанукаев Ахьмадан гергарчаьрга шен доьзална чIир кхайкхор вовшахтохарна. Гезгмашин-бутт болалуш Арсанукаевн гергарчу наха дIахьедира, Халитовс, шайн стаг а, цуьнан хIусамнана а, цхьа шо долу цаьршина йоI а юьйр ю аьлла, кхерам а тесна, видео дIаязъяйтина цуьнга нохчийн ницкъаллин структурийн белхахой сийсазбеш. "Ахь и спектакль хIоттийна... Читать дальше...
Нохчийчохь гейш бац - юха а шогачу кепехь дIахьедина Кадыров Рамзана. "НIаьнеш яц, йа и дош а дац лелош. Церан метта котамийн майрой бу", - яздинера мехкан урхалхочо шен телеграм-каналехь. Американ Цхьаьнатоьхначу Штатийн президентан Джо Байденан дIахьедарна делла жоп дара и. Гезгамашин-беттан 21-чохь Цхьанакхеттачу Къаьмнийн (ООН) Инарла ассамблейхь вистхуьлчу заманчохь америкахойн лидеро Нохчийчоь хьахийнера, ЛГБТ-машанан векалийн бакъонаш Iалашъян езаш хиларх дуьйцуш. Африкерчу Камерунца цхьана могIаре йиллинера Байдена республика. Читать дальше...
Мюнхенехь велла Grani.ru сайтан гуттарлера автор а, Свобода Радион сайта тIехь вуно тIе тидам озочу материалийн автор а Мильштейн Илья. Валаран бахьана ду пехашна цIе ца йоккху цамгар кхетар. Болчу хамца, журналист велла дарбанан хIусамехь. Мильштейн винера 1960-чу шарахь Москвахь. Цо чекхъяьккхинена Москван пачхьалкхан университет, журналистийн факультет. Мильштейн артиклаш язйина либералан чулацам болчу махкарчу газеташкахь а, "Огонек" а, "Новое время" а журналашкахь а. 1997-чу шарахь иза, махках а ваьлла, ваха хиира Германехь. Читать дальше...
