Ичкерин заманахь хилла хьаькамаш схьа а гулбина, цаьрца дуккха а сахьташкахь къамел дина Нохчийчоьнан куьйгалхочо Кадыров Рамзана. Цигахь хиллачара массара а емалбина нохчийн гIаттамхойн хилла хьалханчаш, 1990-чу шарахь федералан ницкъашна дуьхьал тIемаш бина болу. ТIаьххьарчу шина дийнахь "Грозный" пачхьалкхан телеканалан эфирехь шозза гайтина пхеа сахьтехь дIаяьхьна эфир. Оцу цхьанакхетарехь Кадыровс дIахьедина, хIетахь Ичкерин муфтий хиллачу шен дас, Кадыров Ахьмада, президенто Дудаев Джохара... Читать дальше...
НТВ-н телеканалан эфирехь сюжет гайтина, нарколепси лазарца йолчу Чита гIаларчу яхархочун нанас Нохчийчоьнан куьйгалхочо Кадыров Рамзана шен йоIана "Iаламате дарбадарх" лаьцна дуьйцуш. Цо чIагIдарца, Кадыровс КъорIан дешча хилла ду и "Iаламат
75 шо долу инарла Казанцев Виктор велла. Нохчийчохь шолгIа тIом боьдуш, 1999-2000-чу шерашкахь, Къилбаседа Кавказехь тIемаш беш хиллачу эскархойн буьйралла деш вара иза. РБК агенталло бина цуьнан кхалхарх хаам. Еххачу заманчохь цомгаш Iийра иза, кхиндерг дуьйцуш дац цунах лаьцна. 1999-чу шеран Марсхьокху-беттан 17-чу дийнера Охан-беттан 2000-чу шаре кхаччалц Дагестанехь а, Нохчийчохь а нохчийн гIаттамхошца а, жихIадхошца а тIемаш бечу эскаран куьйгаллехь вара Казанцев. ХIетахь Басаев Шемалан тобанхошна... Читать дальше...
Оьрсийчуьрчу хаамийн гIирсийн редакцеша а, коммерцица йоьзна йоцчу организацеша а, кеп-кепарчу юкъараллаша а петици зорбане яьккхина арахьарчу агентех лаьцна низам юхадаккха аьлла. Свобода Радионо яздо цунах лаьцна. Шинарин дийнахь Change.org сайтехь а, куьйгаш яздинчу дуккхаъчу хаамийн гIирсийн сайташкахь а зорбане яьккхина петици. АгIонашка хIотточу юкъанна хIинцале а куьйгаш таIийнера цунна 150 ца кхоччуш организацино. Карарчу заманчохь таро ю бахархойн а цунна куьйгъяздан. Хьалхарчу цхьана... Читать дальше...
Соьлжа-ГIалин мэрино конкурс кхайкхийна бахархошлахь, вакцинаци яйтиначарна а, ян дагахь болчарна а юкъахь. "Итт толамхо къастор ву. Царех хIоранна а деза совгIаташ кхачор ду бIе эазр соьма тIера, ткъа коьрта совгIат хир ду - Hyundai Solaris автомобиль", - хаамбина мэрехь, яздо "Чечня Сегодня" хаамийн ресурсо. Къовсамах кIорггера хаа аьтто бу, хаамбо, Соьлжа-ГIалин мэрин сайта тIехь. Маршо Радионо яздира, Марсхьокху-баттахь COVID-19 вирусна дуьхьал мехий деттийтинчарна юкъахь ловзо совгIаташ дехкина Оьрсийчоьнан Iедалхоша аьлла. Читать дальше...
Таджикистанан президентца Рахмон Эмомалица хиллачу къамелехь Оьрсийчоьнан президенто Путин Владимира хаам бина, шен гонехь дуккха а нах коронавирусан ун токхуш хиларна, карантине ваха веза ша аьлла. Кремлан пресс-гIуллакххоша бина и хаам. Информацехь ца хоуьйту, президенто коронавирус толлуш тест йиний. "Путин Владимира хаам бина, шен гонехь болчарлахь ун даьлларш гучубовларца доьзна еххачу ханна изоляцин раж ларъян декхаре ву ша аьлла", - яздо хаамехь. Кху деношкахь, спортхошца-паралимпийцашца къамел дечу юкъанна Путина хьахийнера... Читать дальше...
Терроризм а, экстремизм а бакъйина аьлла, колонехь даккха 6 шо хан а тоьхна, чуйоьллинчу Краснодаран махкарчу жигархочо Полюдова Дарьяс мацалла лаьцна, № 6 йолчу талламан изоляторехь латторан шен хьелаш вуно вон хилар бахьана долуш. Цунах лаьцна хаам бина Кавказ.Реалиига тутмакхан нанас Полюдова Татьянас, кхун, Гезгмашин-беттан 13-чохь шен йоIаца телефонехула къамел динчул тIаьхьа. "Даша, шен амалца собаре йоI ю, сатухалуш ю, ткъа кхузехь белхар саца ца луш яра. Мацалла лаьцна ша, боху кхубеттан 10-хь дуьйна. Читать дальше...
Роскомнадзора блок хIоттийна бизнесхочун Ходорковский Михаилан duma.vote (дума.кхажтасар) сайтана. Цигахь гулйина бара Пачхьалкхан думан харжамашкахь дакъалоцучу кандидатех лаьцна хаамаш, яздо Свобода Радионо, Daily Storm зорбан гIирсана тIе а тевжаш. И зорбан гIирс бара, Iедалша тIекхачар халчу даьккхинчу "Хьекъале кхажтасар" (Умное голосование) сайтан аналог. Бихкинчу зорбан гIирсийн реестрна юкъаяхна Ходорковскийн сайт, Гезгмашин-беттан 10-хь Оьрсийчоьнан Инарлин прокуратуро арахецначу сацаман бух тIехь. Читать дальше...
"Мемориал" (Оьрсийчоьнан Iедало "Мемориал" яьккхина арахьарчу агентийн статусе, амма "Мемориал" къера ца хилла цунна – ред.билгалдаккхар) бакъонашларъяран центро дIакхайкхийна Соьлжа-ГIаларчу номер цхьаъ йолчу изоляторехь латтош волчу вежаршна Исаев ИсмаьIилна а, Магомадов Салехьна дуьхьал долийна бехктакхаман гIуллакх политикан бух болуш ду аьлла. Цунах лаьцна яздо Кавказ.Реалии сайто. "Мемориалан" белхахошна хетарехь, кегийрхой хьийзор "тIехьажийна ду цаьрга Iедална гуш-хезаш критика ца яйта, доьзна ду и шиъ ЛГБТ-сообществан дакъа хиларца".
