Keriç politehnik kollecinde olğan patlav aqibetleriniñ mesüliyeti ve qabaatı «Qırımnıñ Rusiye akimiyetindedir». Bu aqta Qırımtatar Milliy Meclisiniñ reisi Refat Çubarov bildirdi. «Qırımtatar Milliy Meclisi adından Rusiye işğali altındaki Keriç şeeriniñ politehnik kollecinde olğan faciada elâk olğan ve yaralanğanlarnıñ tuvğanları ve yaqınlarına taziyeler bildirem. Facia aqibetlerinden Rusiye işğalci akimiyeti ve Qırımnı işğal etken devlet – Rusiye Federatsiyasınıñ akimiyet organları mesüliyetli ve qabaatlı», – dep yazdı o, Facebookta. Читать дальше...
Keriçte kütleviy öldürüv qurbanlarınıñ sayısı 19-ğa arttı, dep bildire Rusiye haber agentlikleri. Olar Qırımnıñ Rusiye felâket tibbiyeti ve ilk yardım merkeziniñ müdiri Sergey Astankinniñ malümatına esaslana. Onıñ aytqanına köre, elâk olğan 19-ıncı insan Keriç politehnik kölleciniñ talebesi edi. Kreml tayin etken Qırım yolbaşçısı Sergey Aksenov 18 insan elâk olğanını ve 40-tan ziyadesi yaralanğanını bildirgen edi. Politehnik köllecinde olğan patlav neticesinde eñ az 19 kişi elâk oldı, 40 insan yaralandı. Читать дальше...
Keriç politehnik kollecinde olğan patlav neticesinde eñ az 18 insan elâk oldı, 40-tan ziyade yaralandı. Bunı Qırımnıñ Rusiye yolbaşçısı Sergey Aksenov bildire. «Keriçte bulunam. Büyük facia. Soñki malümatqa köre, 18 insan elâk oldı, 40-tan ziyade yaralandı», – dep yazdı Aksenov. Rusiye Tahqiqat komiteti 17 insan elâk olğanını haber ete. «Cesedler baqıldı, nariye yaralardan can bergenler», – dep aytıla Tahqiqat komitetiniñ haberinde. Patlav çarşenbe künü Keriç politehnik kollecinde oldı. Читать дальше...
Keriç politehnik köllecinde çarşenbe künü patlav oldı. Rusiye Tahqiqat komiteti 17 insan elâk olğanını, 50 kişi yaralanğanını haber ete.
Rusiye Tahqiqat komiteti bildire ki, oktâbrniñ 17-nde Keriç politehnik kolleciniñ aşhanesinde «maden tolu belli olmağan patlayıcı patladı». Komitetniñ malümatına köre, Keriçteki patlav boyunca Rusiye Ceza kodeksiniñ 205-inci maddesine (terrorist ücümi) istinaden cinaiy iş açıldı. «Al-azırda patlav yerinde mütehassıslar çalışa, olarnıñ işi bitken soñ tahqiqatçılar adise yerini baqmağa başlaycaq», – dep aytıla haberde. Haber etile ki, Rusiye tahqiqatçıları şaatlarnı sorğuğa çeke, video kameralarınıñ qaydları baqıla. Читать дальше...
Qırımda Keriçniñ politehnik kollecinde olğan facia sebebinden üç künlik matem ilân etildi. Bu aqta Qırımnıñ Rusiye yolbaşçısı Sergey Aksenov Facebookta bildirdi. Soñki malümatlarğa köre, kollecdeki patlav neticesinde 13 insan elâk oldı ve 50 kişi yaralandı. Patlav çarşenbe künü Keriç politehnik köllecinde oldı. Rusiye Tahqiqat komiteti cinaiy iş açtı. Keriç kütleviy haber vastaları patlav yeriniñ fotoresimlerini ve videolarını derc etti. Rusiyeniñ terrorizmge qarşı milliy komiteti, kollecde bomba patlağanını bildire. Читать дальше...
Rusiyeniñ terrorizmge qarşı milliy komiteti bildire ki, Keriçniñ politehnik kollecinde bomba patlatıldı. Qırımnıñ Rusiye yolbaşçısı Sergey Aksenov adise yerine yol alğanını bildirdi. Rusiye kütleviy haber vastaları yazğanına köre, 18 insan elâk oldı. Daa 50 kişi yaralandı. Qırımdaki Rusiye Fevqulâde vaziyetler hızmetiniñ idaresi elâk olğan ve yaralanğan insanlarnıñ sayısını aydınlatmadı. (Video: KerchFm, KerchNet)
Keriç kollecinde patlav oldı – 10 kişi elâk oldı, 50 insan yaralandı
Keriç kollecinde patlav oldı – 10 kişi elâk oldı, 50 insan yaralandı
Keriç politehnik kollecinde oktâbrniñ 17-nde belli olmağan bir patlayıcı patladı, dep bildire Terrorizmge qarşı milliy komitet. «Keriçte belli olmağan patlayıcı patladı», – dep tekrarlay komitetniñ malümatını «İnterfaks». Terrorizmge qarşı komitet, ilk malümatqa köre, 10 insan elâk oldı, 50-ge yaqın yaralı bar, dep bildire. Yaralanğanlar şeerniñ tibbiy müessiselerine alına. Keriç sakinleri Voykov soqağındaki politehnik kollecinde patlav olğanını bildirgen edi. Patlav sebepleri ve yaralanğanlarnıñ sayısı aqqında resmiy bir malümat yoq. Читать дальше...
10 insan Keriç politehnik kollecinde yüz bergen patlav neticesinde elâk oldı. Bu aqta Rusiye haber agentlikleri bildire. Qırımdaki Rusiye Fevqulâde vaziyetler hızmetiniñ idaresi bu malümatnı daa tasdıqlamadı. Qaza yerinde olğanlar «İnterfaks» agentligine bildirgenine köre, patlav neticesinde «ilk malümatqa köre, 50 insan yaralandı, 10 kişi elâk oldı». Agentlikniñ diger menbası qaza yerine qaza-gaz hızmeti kelgenini haber etti. Keriç sakinleri Voykov soqağındaki politehnik kollecinde patlav olğanını bildirgen edi. Читать дальше...
Keriç sakinleri Voykov soqağındaki Politehnik kollecinde yüz bergen patlav aqqında içtimaiy ağlarda haber ete. Patlav neticesinde pencerelerniñ çerçiveleri tüşti. İçtimaiy ağlarda elâk olğanlar ve yaralanğanlar bar olğanını bildireler. Yaralanğanlar olğanına dair resmiy bir malümat şimdilik yoq. «Kerç – moy gorod» saytınıñ mühbiri bildire ki, patlav neticesinde yaralanğanlar bar. Qaza yerine «ilk yardım», qurtarıcılarnıñ maşinaları kele, rayonnı politsiya sarıp aldı. Şaatlar avtomatlı uquq qoruyıcılar aqqında haber ete. Читать дальше...
Moskvada oktâbrniñ 17-nde Qırımnıñ Rusiye baş nazir muavini Vitaliy Nahlupin yaqalandı. Bu aqta işğal etilgen Qırım baş naziriniñ diger muavini İgor Mihayliçenko haber etti, dep bildire Qırım ükümetiniñ matbuat hızmeti. Onıñ malümatına köre, Nahlupin Rusiye Ceza kodeksiniñ 290-ıncı maddesi boyunca cinayet işlegeninde (habar alğanında) şeklene. «Al-azırda tahqiqat tedbirleri keçirile, tahqiqat çerçivesinde malümat aydınlatılmay», – dedi Mihayliçenko. RBK Rusiye neşiriniñ malümatına köre, Nahlupinniñ yaqalanması yol tenderlerinen bağlı. Читать дальше...
Qırımtatar faalleri Eski Qırım sakini Zarema Kulametovağa şeer parkında cemiyet işlerini yapmağa yarlım ete. Rusiye mahkemesi qadınğa qarşı «akimiyet vekilini aqaretlev» içün cinaiy iş açtı. 2018 senesi aprel ayında İslâm-Terek rayon mahkemesi onı politsiya hadimini aqaretlegeninde (Rusiye Ceza kodeksiniñ 319-ıncı maddesi) qabaatladı. Qadın 250 saat mecburiy cemiyet işleri ve 20 biñ ruble (8,3 biñ ğrıvnâ) para cezasına üküm etildi. Zarema Kulametova qabaatını tanımadı, imayesi mahkeme qararını şikâyet etmege tırıştı, amma neticesi olmadı. Читать дальше...
Kyivde oktâbrniñ 23-nde qırımtatar etnocazı yanğıraycaq «Qırım evi yüreklerni birleştire» kontsertiniñ keçirilmesi planlaştırıla. Matbuat haberinde aytıla ki, sanada gitara ustazı Enver İzmaylov, pianist ve bestekâr Usein Bekirov ve onıñ taqımı ve caz yırcısı Aysel Baliç çıqışta bulunacaqlar. Teşkilâtçılarnıñ aytqanına köre, kontsert devamında Qırımdaki balalarğa yardım etmek içün para toplanacaq. Usein Bekirov – ukrain ve qırımtatar caz çalğıcısı, etnocaz, funk, fusion ve diger üslüplerde çala. Читать дальше...
Kyivde oktâbrniñ 23-nde qırımtatar etnojazzı yanğıraycaq «Qırım evi yüreklerni birleştire» kontsertiniñ keçirilmesi planlaştırıla. Matbuat haberinde aytıla ki, sanada gitara ustazı Enver İzmaylov, pianist ve bestekâr Usein Bekirov ve onıñ taqımı ve caz yırcısı Aysel Baliç çıqışta bulunacaqlar. Teşkilâtçılarnıñ aytqanına köre, kontsert devamında Qırımdaki balalarğa yardım etmek içün para toplanacaq. Usein Bekirov – ukrain ve qırımtatar caz çalğıcısı, etnojazz, funk, fusion ve diger üslüplerde çala. Читать дальше...