Qırımnıñ Rusiye yolbaşçısı Sergey Aksenov Suriye prezidenti Başar Asad ile körüşe. Bu aqta Aksenovnıñ matbuat hızmeti bildire. Asad ve Aksenovdan ğayrı körüşüvde Qırımdaki Rusiye akimiyetiniñ vekilleri ve Suriye akimiyeti iştirak ete. Muzakerelerniñ tafsilâtları şimdilik yoq. Aksenov, Asadnı işğal etilgen yarımadağa 2019 senesi aprel ayında keçirilecek V Yalta iqtisadiyat forumına davet etmege istegenini aytqan edi. Oktâbrniñ 15-nde Qırımdaki Rusiye akimiyetiniñ temsilcileri Suriyege kelip çıqtı. Читать дальше...
Salı künü, oktâbrniñ 16-nda, Aqmescit ve onıñ civarlarında küçlü bir güdürdi oldı. Şaatlarnıñ aytqanına köre, patlavğa oşağan bir ses şeerniñ çeşit köşelerinde eşitildi. Bu aqta Qırım.Aqiqat mühbiri bildire. Ses o qadar küçlü edi ki, bir çoq maşinanıñ signalizatsiyası çalışmağa başladı. Patlavdan soñ reaktiv uçaq, tahminlerge köre arbiy qırıcı uçıp keçti. Artından beyaz iz qala edi, eki daqqadan ğayıp oldı. Qırımnıñ kütleviy haber vastaları bu aqta bir şey bildirmey. Aqmescitte bunıñ kibi sesler endi qayd etilgen edi. Читать дальше...
