Yaltada cumaaqşamı künü, oktâbrniñ 11-nde, arbiy kinooperator ve kinovesiqacısı Kenan Kutub-zadeniñ hatıra tahtası tantanalı sürette açıldı. Qırım.Aqiqat mühbiri bildire ki, tahta kinorejissöri icadiy yolunı başlağan Yalta kinostudiyasınıñ binasında tiklendi. «Kenan Kutub-zade cebe kinooperatorı olaraq 1945 senesi «Osvobojdeniye. Osventsim» filmini çıqarıp, dünya kinosanatınıñ tarihına kirdi. Onıñ levhaları natsist cinayetçiler qabaatlanğan Nürnberg esnasında qullanılğan edi», – dep tarif etti... Читать дальше...
Eki yıl evelsi, oktâbrniñ 12-nde, Qırımda beş musulman qorantasınıñ evinde tintüv keçirildi. Neticede beş qırımtatarı tutuldı, olarnı Rusiye ve işğal etilgen Qırımda yasaqlanğan «Hizb ut-Tahrir» teşkilâtında iştirak etmesinde qabaatladılar. Rustem İsmailov, Üzeir Abdullayev, Teymur Abdullayev, Emil Cemadenov, Ayder Saledinovnıñ tuvğanları ve ortaqları dua yapıp, olarnıñ yaqın vaqıtta azat olmasını istediler. (Video: «Qırım birdemligi» birleşmesi)
«Veciye Kaşka davası» boyunca qabaatlanğan Asan Çapuhnıñ sağlığı SİZOda pek fenalaştı
Azaq deñizinde Veselo-Voznesensk Rusiye meskün yeri yaqınlarında FSB balıq tutqan eki Ukraina vatandaşını tutıp aldı, dep bildire Ukrainanıñ birleşken quvetler operatsiyasınıñ ştabı. Bu malümatqa köre, ukrain balıqçıları Donetsk vilâyetiniñ Holodnoye qasabasından çıqıp Taganrog körfezine kelgenler. Ukraina komandanlığı bildire ki, Rusiye FSB sıñır idaresi ukrainalılarnıñ suv biologik resurlarını alıp, olarğa qarşı memuriy işler açtı. Ukraina sıñırcıları balıqçılarğa Azaq deñizindeki zor bir telükeli vaziyet olğanını hatırlata. Читать дальше...
Cuma künü, oktâbrniñ 12-nde, yırcınıñ beşinci studiya albomı dünya yüzüni kördi. Bunı yırcınıñ matbuat hızmeti bildirdi. Haber etile ki, albomnıñ on yırı bar: yedi danesi ukraince ve üçü inglizce. Relizniñ yazılmasında New Yorkta yaşağan ukrain caz pianisti Yefim Çupahin ve «Okean Elzı» taqımınıñ gitarcısı Vladimip Opsenitsa iştirak ettiler. Albom 211 Recording Studio ve Istok Studioda qayd etildi. Relizden bir aydan soñ Jamala yañı albomğa qoltutmaq içün turğa çıqacaq. O, noyabrniñ 14-nde başlap sekiz şeerni qaplap alacaqtır... Читать дальше...
Aqmescitte oktâbrniñ 13-14-nde furtuna yeli olması beklenile, dep bildire Qırımdaki Rusiye Fevqulâde vaziyetler hızmeti. Hızmetniñ malümatına köre, şimaliy-şarqiy yelniñ suratı saniyede 20-25 metrge qadar artacaq. Fevqulâde vaziyetler hızmeti Aqmescit sakinlerini küçlü ruzgâr olğanda havfsızlıq qaidelerine riayet etmege çağırdı. Qırımda cuma künü, oktâbrniñ 12-nde, şimaliy-şarqiy yel suratı saniyede 25 metrge artacaq, dep bildire yarımadanıñ gidromettsentri. Aqmescitte bulutlı ava olacaq, yağanaqlar beklenilmey. Читать дальше...