Aqmescitte oktâbr 4-yünde, çarşenbe künü qasırğalı yel park etilgen maşnalarğa terek yıqtı. Bu aqta öz közünen körgenler içtimaiy ağlarja yaza. Yerli sakinlerniñ haber etmenine köre, adise Budönnogo soqağında olıp keçti, onıñ neticesinde yaralanğan adam olmadı. Daa evel Qırımda Rusiye FVN idaresi, Qırımğa qasırğalı yel yaqınlaşqanını haber etti. Qırımnıñ gidrometeomerkeziniñ malümatına köre, yaqın 2-3 saatta ve oktâbr 4 kününiñ soñuna qadar Qırımda şimal-ğarp yelniñ 20-25 metr saniyege... Читать дальше...
Kreml nezaretindeki Aqmescitniñ Kiyev rayon mahkemesi «Veciye Kaşka davasınıñ» mabüsi Bekir Degermencige dava malümatlarını ögrenüv müddetini oktâbrniñ 23-ne qadar sıñırladı, dep bildire Qırım.Aqiqat mühibiri. Tahqiqatçı Sergey Pogorelovnıñ malümatına köre, dava iştirakçilerinden er biriniñ malümatlarnen tanışma müddetleriniñ sıñırlanması boyunca mahkemege muracaatlar berildi. Qırım.Aqiqat mühbiri bildire ki, tahqiqatçınıñ fikirince, advokatlar «tanışuv esnasını soza». «Esnasnıñ diger iştirakçileri... Читать дальше...
Rusiyeniñ insan aqları vekâletlisi Tatyana Moskaltsova, açlıq tutqan ukrain rejissörı Oleg Sentsovnıñ alı “stabil”, onıñ “tedaviylev programmasını doğurttılar” dep iddia ete. Bunı Moskaltsova oktâbr 4-yünde, Sentsovnıñ baqıluv neticelerini tefsir eterek aytıp berdi. “Sentsovnıñ alı aqqında aytqanda - o daima Yamalo-Nenetsk bölgesi koloniyasınıñ apis ekimleri ve sade ekimlerniñ nezareti astında bulunmaqta. Soñki baqıluv bir qaç kün evel yapıldı, tedaviylev programması biraz doğurtılğan edi”, - Moskaltsovanıñ sözlerinden yaza “İnterfaks”. Читать дальше...
Ukraina Yuqarı Radasınıñ insan aqları vekâletlisiniñ ofisi işğal etilgen Qırımda mahküm etilgen Vladimir Baluhqa qoltutuv online aktsiyasını başlattı. Bu aqta ombudsmenniñ matbuat hızmeti bildire. «Vladimir Baluh 200 künden berli açlıq tuta. Ukrainalılar ğayretlerini birleştirip, siyasiy mabüske qoltutsınlar isteymiz. Özümizden başlaymız… Vladimir Baluhqa qoltutmağa isteseñiz – saifeñizde 200 arif yazıñız. Yazınıñ başında Baluhiçün200arif heştegini qoyuñız», – dep aytıla ilânda. Qırımda mahküm... Читать дальше...
Yaqın arada Qırımğa qasırğalı yel yaqınlaşqanını Qırımda Rusiye FVN idaresi haber etti. “Qırımnıñ gidrometeomerkeziniñ malümatına köre, yaqın 2-3 saatta ve oktâbr 4 kününiñ soñuna qadar Qırımda şimal-ğarp yelniñ 20-25 metr saniyege qadar artacağı beklenile”, - deñile beyanatta. Qırımnıñ şimal ve dağ rayonlarında eki kün devamında suvuqlar olacaq, dep işğal altındaki Rusiye Fevqulâde vaziyetler nazirliginiñ idaresi bildire. Oktâbrniñ 4-nde Qırımda 19 derece sıcaq olması beklenile. Yarımadanıñ bazı yerlerinde yağmur yağacaq.
İnternet ağında peyda olğan videoda Keriç boğazına avdarılıp tüşken köpür közü körüne. Hadimler ise olğan qazanıñ aqibetlerini yeñüv yollarını muzakere etip tura. Maşinadan çıqarılğan videoda tamamen suvğa batmayıp deñizde yatqan köpür közü yahşı körüne. Oktâbrniñ 4-nde yapılarnıñ qurğulanuvı vaqtında Keriç köprü demiryol qısmınıñ közü suvğa tüşti. Keriç boğazındaki köpürniñ maşina qısmı mayısnıñ 16-nda yengil maşinalarğa açılğan edi. Köpürniñ demiryol qısmı soñuna qadar daa qurulmadı. Читать дальше...
Bayramğa yerli sakinlernen beraber mında doğğanlar ve olarnıñ bala-torunları keldi
Qırımda 4 yıl ve 11 ay umumiy rejim koloniyasında qalmasına üküm etilgen ukrain faali Vladimir Baluh 200 künden berli açlıq tuta. Baluhnıñ advokatı Dmitriy Dinzeniñ Qırım.Aqiqatqa bildirgenine köre, mahküm etilgen faal yengilleştirilgen rejimde açlıq tuta. «Baluh narazılıq olaraq müddetsiz açlıqnı ilân etip tuta. Oña din adamı (arhiyepiskop Kliment – QA) kelip, olğan açlıqnı yımşatıp, «light» rejiminde devam etmege teklif etken edi. «Light» rejimi – bal, suv, etsiz aş, botqalar aşalmasını belgilemekte», – dedi Dinze. Читать дальше...
Qırımda eki kün devamında suvuqlar olacaq, dep bildire işğal altındaki Rusiye Fevqulâde vaziyetler nazirliginiñ idaresi. «Qırımnıñ gidrometeorologiya ve etraftaki müit monitoringi idaresiniñ malümatına köre, oktâbrniñ 5-6-nda gece ve saba Qırımnıñ şimal ve dağ rayonlarında sıfırdan aşağı 1-3 derece suvuq olması beklenile», – dep aytıla haberde. Oktâbrniñ 4-nde Qırımda 19 derece sıcaq olması beklenile. Yarımadanıñ bazı yerlerinde yağmur yağacaq.
UNESCO kâtibiyeti 2019 senesi aprel ayına qadar Rusiye işğal etken Qırımdaki vaziyetniñ doğru monitoringiniñ birinci fazasını kerçekleştirmege planlaştıra, dep bildire Ukraina Tış işler nazirliginiñ matbuat hızmeti. Haber etilgeni kibi, UNESCO «Ukraina tarafı ile keçirilgen bir qaç mesleatnıñ neticeleri esasında belgilengen UNESCO mesüliyeti saalarında» vaziyetniñ monitoringini keçirmege istey. Ukraina Tış işler nazirligi bildirdi ki, UNESCO reberligi Qırımdaki doğru monitoring meselesinde «Ukraina ile işbirligine» yüksek qıymet kesti. Читать дальше...
Kreml nezareti altındaki Aqyar gubernatorı Dmitriy Ovsânnikov, Keriç köprüniñ oktâbr 1-inde açılğan yük naqlitatı yürüşi, “Aqyar fiyatlarını, naqil masrafları azlaşqanı sebebinden, eksiltmege imkân berir” dep saya. “Elbette, Qırım köpründen furalarnıñ keçmesi açılğanınen fiyatlarnı eksiltmek mümkün olur dep ümüt etemiz. Fiyat eksiltmesi naqil masraflarına bağlı: şimdi Qırım köprü quruldı, soñ “Tavrida” trassası bitirilir, soñra ise demir yolu bir nizamğa ketirilir. Böyleliknen, naqil masrafları eksilgeninen... Читать дальше...
Rusiyeniñ Kostroma şeeri yanında oktâbrniñ 3-nde şahsiy helikopter tüşti, üç insan elâk oldı, dep bildire Rusiyeniñ fevqulâde vaziyetler nazirligi. Qaza sebeplerini qurtarıcılar aydınlatmadı. Rusiye Tahqiqat komiteti, Rusiye Ceza kodeksiniñ 263-ünci maddesiniñ 3-ünci qısmında qayd etilgen cinayet (eki ve ziyade insannıñ ölümine ketirgen areket havfsızlığı ve ava naqliyatını qullanuv qaideleriniñ bozulması) boyunca cinaiy iş açtı. «Vertolöt qazasınıñ sebeplerini, elâk olğanlarnıñ şahsiyetini ögrenmek içün tahqiqat tedbirleri keçirile»... Читать дальше...
NATO birligi Azaq deñizindeki vaziyetni nezaret etip, Rusiyeniñ cemiyet areketi ve ticaret gemilerine keder etkeninden qasevetlene. Bunı NATO baş kâtibi Jens Stoltenberg brifingde bildirdi. Onıñ qayd etkenine köre, NATO Ukrainağa kiberücümlerge cevap berüv merkezini meydanğa ketirmege yardım ete.
Rusiye Devlet Dumasınıñ maliyeviy bazar komitetiniñ reisi Anatoliy Aksakov, rusiye mebusları işğal etilgen Qırımda offshore yaratmasında Rusiye akimiyetini qandırıp olamağanını bildirdi. “Şimdilik bu yapılmadı. Bir qaç muzakere komitette de keçirgen edik, amma alâ daa akimiyetni bu şekil Qırımda çalışa bileceginde işandırıp olamadıq. Ne yazıq ki, faqat yaqın vaqıtta bunıñ olmacağını ayta bilem”, - dep Aksakovnıñ sözlerinden yaza “Krıminform”. Mebus, Qırımda “sadece serbest iqtisadiy zona degil de... Читать дальше...