Новости за 03.05.2024

Бакчачыларның кайберләре март азагында ук урамдагы түтәлләргә орлык чәчә башлый. Ләкин мондый үсемлекләрнең күбесе үсми. Бу турыда «МИР» телеканалы хәбәр итә.

Татарстан блогерларыннан арзан турлар сатып алып алданган туристлар кабат Дубайга оча башлаган! Бу ни дәрәҗәдә дөрес, реклама максатыннан берәр гамәл генәме – әмма Илүсә Фәләхова-Миңнегалиева үзе тарафыннан алданган беренче туристларның үзе янына килгәнен социаль челтәрдәге сторисында күрсәтте.

Ростов өлкәсендә студент кызны атып үтергән фермерны тоткарлаганнар. Үсмер кыз курсташ егете белән машинада йөргәндә коточкыч фаҗига килеп чыга. Аларга фермер мылтыктан ата башлый. Берничә ядрә кызга тия, ул һәлак була. Бу турыда РЕН ТВ хәбәр итте.

Бу көннәрдә татар эстрадасы артисты Рифат Зарипов гаиләсе белән Таиландта ял итә. Ул хатыны, улы белән фил өстенә утырып йөри, акча түләп филне юындырган һәм филне ашату өчен махсус банан сатып алган. Җырчы фил белән шулкадәр кызыксынып киткән, хәтта күпме пенсия алуларын да белешкән.

Пакистанда пассажир автобусы тарлавыкка төшеп киткән, кимендә 20 кеше һәлак булган, тагын 20ләп кеше яраланган. Бу хакта «Geo TV» телеканалына сылтама белән РИА Новости яза.

Бразилиянең көньягында Риу-Гранди-ду-Сул штатында көчле яңгырлардан соң су басу аркасында кимендә 29 кеше һәлак булган, 60 кеше хәбәрсез югалган. «CNN Brasil» телеканалы хәбәр иткәнчә, табигать бәла-казасы 150дән күбрәк шәһәргә зыян салган, дип яза LIFE басмасы.

Ставропольдәге ат заводында атлар күпләп үлгәннән соң җинаять эше ачылган. Зоояклаучылар фикеренчә, хуҗа кеше хайваннарны махсус рәвештә ачтан интектергән, начар шартларда асраган, ә атлар үлгәч, аларның үләксәләрен дә юкка чыгармаган. Бу хакта РЕН ТВ сайты яза.

4 майда Татарстанда аязучан-болытлы һава торышы була. Төнлә урыны белән кар һәм җепшек кар явачак. Көндез явым-төшемнәр көтелми. Төньяк-көнбатыштан төнлә 15-20 метрга кадәр көчле җил, көндез 15 метрга кадәр көчле җил. Төнлә һәм иртән һава температурасы 0..-5˚, көндез +3..+8˚ градус. Төнлә һәм иртән юлларда урыны белән бозлавык була.

Никахка кергән вакытта нинди әдәп һәм мөстәхәбәтләр бар? Бу вакытта нәрсәгә игътибар итәргә кирәк? – Бу сорауларга җавап «Хозур» нәшрият йорты «Дин вә мәгыйшәт» редакциясенең «Ислам турында татарча, аңлаешлы итеп язабыз» телеграм-каналында чыкты.

«Май аенда чәчкә ата без утырткан сириннәр. Туебызда Алмазга бүләк итеп җырлаган идем. Бик озак көттем мин аны һәм, ниһаять, яздырдык. Рәхәтләнеп тыңлагыз, кушылып җырлагыз. Иҗатыбыз сезнең өчен», – дип яза социаль челтәрдәге сәхифәсендә Зөлфирә Мирзаянова.

«Крокус»та гардеробта эшләүче үсмерләрне теракт вакытында кешеләргә чыгарга булышкан өчен «Үлем янаган кешеләрне коткарган өчен» медале белән бүләкләделәр. Бу турыда указны Россия Президенты Владимир Путин имзалаган, дип яза «SHOT» телеграм-каналы.

Бакчачылар быел, апрель аендагы җылы көннәргә алданып, помидор һәм борыч үсентеләрен парникларга чыгарып утыртырга да өлгергән иде. Хәзер инде карлы май салкыннары килү сәбәпле, алар үсентеләрне җылыту белән мәшгуль, булачак уңышны әрәм итәсе килми бит. Кемдер теплица эчендә үсентеләргә махсус ятьмә яки целлофан яба, кемнәрдер чиләкләр каплый, икенче берәүләр теплицага чиләге белән кайнаган су кертеп утырта икән.

«Интертат»та мәетләрне яру мәсьәләсенә кагылышлы «Үлгәннән соң да тынычлык юк, яки Татарстанда мәетне ярмыйча җирләү мөмкинме?» дигән язмабыз чыккан иде. Адвокат Сәйдәш Сираҗиев үзенең телеграм-каналында, язмага сылтама белән, мәетләрне ярдырмый калу буенча киңәшләр биргән. «Бу тема мине шәхсән борчый, тормышта берничә тапкыр әлеге мәсьәлә белән очраштым, шуңа күрә бу темага карата киңәшләремне түбәндә язам», – дип язып киткән адвокат.

Гөлназ Асаева яңа җыр әзерли. Ул «Көнләшәм» дип атала. Җырның премьерасы 15 майга билгеләнгән. Әлеге Гөлназ ире Вильдан (Вилли) белән матур видео төшергән һәм аны яңа җырның өзегенә «салган».

Кырда чәчелеп яткан яшелчәләр Россиянең кыяр башкаласы – Луховицы шәһәрендә яшәүчеләрнең күңеленә тигән. Кыяр чүплеге төшерелгән видео җирле каналларда һәм пабликларда тиз таралды, дип яза Regions.ru сайты.

Урта Идел төбәкләре бүген иртән урыны-урыны белән хәтта кышны хәтерләтә. Татарстан, Түбән Новгород, Мари Иленең кайбер якларында хәтта буранлап-буранлап кар яуды.

Гүзәл Уразова 23 апрельдә Мәскәүдә 6 сәгать операция кичерде. 1 майда хастаханәдән чыгуга карамастан, җырчы әле Казанга кайтмавын хәбәр итә.

Алсу Фазлыева «Кыр казлары» җырына яңа сулыш биргән.

«Ниһаять, 22 елдан соң, бу җырны кабат башкарырга булдым. Нидер өмет итеп түгел, ә нибары яшьлекне искә төшереп. Бу җыр – минем яшьлек, кемнәрнеңдер күз яшьләре, хыяллары… Кыскасы, ностальгия. Рәхәтләнеп тыңлагыз», – дип яза җырчы социаль челтәрдәге сәхифәсендә.

«Әле ничек кенә хәтерлим», «Шундый назлы җыр», «Искиткеч матур җыр», «Хатирәләр. Бу җыр минем яшемдә», – дип комментарийлар калдырганнар.

«Хозур» нәшрият йорты «Дин вә мәгыйшәт» редакциясе «Дин турында. Сезнең сорауларга җавап» телеграм-каналында Коръән укыганнан соң дога кылу үрнәге чыкты.

Краснодар краендагы Темрюк шәһәрендә 15 яшьлек кызны эт талаган. Ярсыган хайван баланың битенең бер өлешен тешләп өзгән. Бу турыда «Комсомольская правда» хәбәр итте.

Май бәйрәмнәрендә җырчы Алсу һәм Азат Фазлыевларны алып баручы Илшат Исхаков гаиләсе кунакка чакырган. Артистлар вакытларын бик күңелле уздырганнар. Азат Фазлыевтан, кунакка чакырып, пылау пешерткәннәр. Гаилә башлыгының да эше каты булган – Илшат гармунда уйнап, җырлап, аның кәефен күтәреп торган.

Татарстаннан Олег Кириллов махсус операциянең беренче көннәрендә һәлак була. Аның гомере Киев янындагы Гостомель бистәсендә өзелә. Аннан 1 ай дәвамында бернинди хәбәр булмый. Озак көтү һәм газаплы өмет – аның хатыны күпне кичерә. Ул «Татар-информ»га үз героеның нинди булуы турында сөйләде.