Intertat.ru

Бу араларда Казаныбызда бөек Тукайга багышланган төрледән-төрле әдәби-мәдәни чаралар бик күп уза. Йөреп өлгер генә, аеруча әдип исемендәге Әдәби музейда бихисап кичәләр үткәрелә. Күптән түгел исә сәхнә мэтры Идрис Газиевның «Габдулла Тукай әсәрләре граммафон язмаларында» дип аталган концерт-лекциясен тыңлап кайту насыйп булды.

Бүген Казан-Оренбург трассасында Чистай районында авариядә 2 кеше һәлак булган. Бу турыда Татарстан прокуратурасына сылтама белән «Татар-информ» яза.

Җырчы Фирдүс Тямаев үзенең сәхифәсенә күңелле видео урнаштырган. Репетициягә килгән биюче кызларының тамаклары ачыккач, җырчы аларны иң тиз һәм тәмле ризык – йомырка тәбәсе белән сыйлаган. Фирдүснең татар эстрадасындагы иң зур төркемле артист булуын беләбез инде. «26 күкәй, 6 сосиска китте. Бу песи балалары белән репетиция әйбәт үтә», – дип, үзе дә биюче-муызкантларга бай булуын ассызыклаган ул.

«Татаркино» оешмасының директоры Ильяс Гафаров белән беренче интервью байтак темаларны колачлады: кинокластер темасыннан башлап, Илшат Рәхимбайны эшле итү Ильясның намус эшеме – барысын да сөйләштек.

Габдулла Тукайга багышланган махсус проектыбызны дәвам итәбез. Бүген бөек язучыбыз «Интертат»ка заманча темаларга фельетон язса, ул нинди булыр иде икән? Шуны күз алдына китереп карыйк.

Россия Банкы директорлар советының 24 апрельдә узачак утырышында төп ставканы үзгәртү вариантлары каралыр, дип көтелә. РФ Хөкүмәте каршындагы Финанс университеты доценты Пётр Щербаченко фаразы буенча, 70% ихтималлык белән ставка 0,5%ка (50 базис пунктка) киметелергә мөмкин, ә тагын да зуррак кимү — шунда ук 1%ка (100 базис пунктка) — ихтималы 15% дип бәяләнә. Шулай ук хәзерге 15% еллык дәрәҗәсен саклап калу да кире кагылмый, дип хәбәр итә News.ru.

Гадәттән тыш хәлләр министрлыгы кисәткәнчә, иртәгә Татарстанда бозлавык көтелә. Бу турыда «Татар-информ» яза.

«Тукай дөньясы» сайты һәм интернет басмасы мөхәррире Лилия Гаделшина сүзләренчә, алга таба мультимедиа технологияләреннән файдаланып эшләү, фото-видеолар куллану бурычы тора. Бу хакта ул «Татар-информ» мәгълүмат агентлыгында узган матбугат очрашуында әйтте.

Төрек сериаллары актеры, бик күп хатын-кызларның «мәхәббәте» Бурак Озчивит бу көннәрдә Казанга килде. Ул үзенең Татарстанга сәфәре кысаларында Корстонда «Истанбулның иң матур кызы» моноспектакле белән чыгыш ясады. Спектакль зур шәһәрдә яшәүче автомеханик Октайның хис-кичерешләре турында.

18 апрель көнне Удмуртия Республикасында нәшер ителүче «Яңарыш» татар газетасы 35 еллык юбилеен билгеләп узды. Бу турыда Бөтендөнья татар конгрессы хәбәр итә.