Җырчы Габделфәт Сафинның әтисе Габдрахман Сафин вафат булган
Җырчы Габделфәт Сафинның әтисе, Бөек Ватан сугышы ветераны Габдрахман Сафин 104 яшендә вафат булган.
1941 елда ул фронтка алына һәм һава-десант гаскәрләрендә хезмәт итә. Сталинград янындагы авыр сугышларда катнаша. Әсирлеккә эләккәч, Муса Җәлил һәм Абдулла Алиш белән очраша. 1943 елда әсирлектән кача.
Габдрахман Сафин «Ак Барс» хоккей клубының тугры җанатары иде. Командада аңа яшәгән еллары саны буенча 104 номеры беркетелгән була.