Новости за 21.03.2025

Бүген Зәйдә традициягә әйләнгән күркәм чара – район күләмендәге ифтар үтте. Аны район җитәкчелеге мөхтәсибәт белән берлектә инде берничә ел рәттән Рамазан аенда үткәреп килә. Бу хакта «Зәй яңалыклары» хәбәр итә.

Россия Банкының директорлар советы бүген, 21 мартта, булган утырышта өченче тапкыр рәттән төп ставканы еллык 21 процент дәрәҗәсендә саклап калды. Бу дәрәҗәдә ул 2024 елның октябреннән бирле саклана. Бу хакта финанс регуляторы сайтындагы пресс-релизда хәбәр ителә, дип яза «Труд».

Татарстанда мартның өченче декадасында уртача температура климатик нормадан биш градуска югарырак булачак. Тиешле фаразны ТР Гидрометеорология үзәге таратты.

Татарстанның Тәтеш районы махсус хәрби операция башланганнан бирле хәрби хәрәкәтләр зонасына гомуми суммасы 1 миллиард сумга якын булган 2 мең тоннадан артык ярдәм җибәргән. Хәрбиләр өчен 60ка якын автомобиль, экскаватор, квадрокоптерлар, гексакоптерлар, иярчен элемтә өчен җиһазлар һәм башка бик күп әйберләр тапшырылган.

Татарстан башкаласы хакимияте шәһәр халкына язгы ташу чорында су баскан очракта кая мөрәҗәгать итәргә кирәклеге турында сөйләде.

26 мартта Татарстан Милли китапханәсендә Якутиядә якут телендә чыккан «Хәзерге заман татар балалар әдәбияты антологиясе»н һәм Татарстан Язучылар берлегенең «Язучы» нәшриятында нәшер ителгән башка китапларны тәкъдим итү кичәсе була. Бу хакта Татарстан Республикасы Язучылар берлеге хәбәр итә.

Бу көннәрдә социаль челтәрләрдә Дәрвишләр бистәсендә автобус йөртүче юл йөрү кагыйдәләрен тупас бозуы күренгән видеоязма таралды. Язмадан күренгәнчә, автобус каршы як полосадан бара һәм аздан гына җәяүлеләргә тимичә кала.

Чаллыда Охотник позывнойлы хәрби хезмәткәрнең һәм аның сөйгәне Валериянең кавышу тантанасы булды. Туйны хәрби кыска вакытлы ялга кайткан арада үткәреп өлгерергә булганнар.

Изге Рамазан аеның соңгы ункөнлегендә Байкал аръягы мөселманнары «Игелек кыл» акциясен үткәрә. Кичә, 20 мартта, алар 321нче округ хәрби клиник госпиталендә булды һәм биредә дәваланучы махсус хәрби операция катнашучыларының хәлен белде. Бу хакта Россия Федерациясе мөселманнары Диния нәзарәте хәбәр итә.

Россия Федерациясе мөселманнары Диния нәзарәте рәисе Мөфти Шәех Равил Гайнетдин Камил Сәмигуллинны Татарстан Республикасы Мөфтие вазифасына яңадан сайлануы белән котлады. Котлау тексты Россия Федерациясе мөселманнары Диния нәзарәтенең Мөфтиләр шурасы сайтында урнаштырылган.

Коронавируска каршы көрәш буенча федераль оператив штаб Covid-19 белән авыручылар саны турында атналык хисап чыгарып баруны туктата. Бу хакта «Аңлатабыз.рф» («Объясняем.рф») сайтында хәбәр ителә. Сайтта 2023 елдан башлап Россиядә ковид таралуга бәйле вазгыять турында мәгълүмат урнаштырылып барды.

Бүген Казанның «Әкият» курчак театрында «Ел укытучысы» Россиякүләм бәйгесенең төбәк этабына йомгак ясалды. Татарстан Мәгариф һәм фән министры Илсур Һадиуллин билгеләвенчә, биредә, укытучы хезмәтенә мөккиббән, балаларны яратып эшләгәннәргә дан җырлар вакыт.

Татарстан мөфтие Камил хәзрәт Сәмигуллин Татарстан Диния нәзарәтендә журналистлар өчен оештырылган ифтар кичәсендә катнашты. Ул, журналистларның сорауларына җавап биреп, түләүле ифтарга карата фикерен белдерде.

Алабуга шәһәр суды Россия Эчке эшләр министрлыгының Алабуга районы буенча Дәүләт автоинспекциясе (ГАИ) бүлеге башлыгы вазифаларын вакытлыча башкаручы, теркәү-имтихан алу бүлекчәсе башлыгы Илфир Васыйловны ришвәт алу турындагы эш буенча тикшерү изоляторына (СИЗО) җибәрде. Бу хакта «Татар-информ»га судның матбугат хезмәтендә хәбәр иттеләр.

Азнакай урман хуҗалыгы махсус операция башланганнан бирле республика хәрби хезмәткәрләренә гомуми суммасы 1 миллион сумга якын булган гуманитар ярдәм тапшырган. Бу хакта «Татар-информ»га бүген Казанда узган «Урман һәм азык-төлек» күргәзмәсендә «Азнакай урманчылыгы» дәүләт казна учреждениесе җитәкче-урманчысы Эдуард Чикуров хәбәр итте.

Бүген Казанның «Әкият» курчак театрында «Россиянең Ел укытучысы 2025» бәйгесенең республика этабында уңышларга ирешкәннәрне бүләкләделәр. Бәйгенең төбәк этабында Чаллының 35нче мәктәбенең рус теле һәм әдәбияты педагогы Мария Ерофеева җиңүче булып танылды.

По словам ответственных лиц, пройти паводковый период без происшествий помогли и погодные условия, и своевременная подготовка к весеннему половодью.

Быелдан Татарстанда урман хуҗалыгы тармагына эшкә килүче яшь белгечләргә бер тапкыр бирелә торган түләүләрнең күләме арткан. Урта һөнәри белем бирү учреждениеләрен тәмамлап килүчеләргә түләү 150 меңнән – 300 мең сумга кадәр, югары уку йортларын тәмамлап килүчеләргә – 300 меңнән 500 мең сумга кадәр арттырылган. Бу хакта бүген ТР урман хуҗалыгы министры Равил Кузюров хәбәр итте.

Бүген, 21 мартта, Галиәсгар Камал исемендәге театрның яңа бинасында Charity Bazaar беренче хәйрия ярминкәсе булды. Аны Fashion Iftar кысаларында Казан Хатын-кызлар дипломатик клубы оештырды. Театрда иртәннән үк игелеклелек һәм үзара ярдәмләшү эшенә үз өлешен кертергә теләгән кешеләр җыелды.

Бүген, 21 март – Нәүрүз бәйрәме көнендә, Төркиянең Истанбул шәһәрендә төрки халыкларның кардәшлек җыены уза.

Татарстан Югары суды Кама Аланы башлыгы Ринат Сәлахетдиновның адвокаты үтенечен кире какты. Адвокат Виктор Кузовков Сәләхетдиновның өй сагында тору шартларын йомшартуны сораган иде.

В Нурлате под председательством главы Нурлатского района Дамира Ишкинеева состоялось заседание антинаркотической комиссии.

Татарстан Республикасы Милли музеенда «Татарстан Республикасы Дәүләт Советы: дуслык һәм хезмәттәшлекнең истәлекле символлары» күргәзмәсе ачылды. Ул республика парламентының 30 еллыгына багышланган. Чарада Татарстан Дәүләт Советы Рәисе Фәрит Мөхәммәтшин да катнашты.

ТР Рәисе Рөстәм Миңнехановның Вьетнам премьер-министры Фам Минь Тинь белән очрашуы вакытында Татарстан делегациясен Вьетнам чәе белән сыйлаганнар. Бу хакта республика Рәисенең матбугат хезмәте җитәкчесе Лилия Галимова телеграм-каналында хәбәр итте.

Площадкой для проведения отборочного этапа конкурса стал Центр детского творчества «Килэчэк»