Pandemiýanyň başyndan bäri ýurduň çäginde koronawirusyň ýeke hadysasynyň hem hasaba alynmandygyny öňe sürýändigine garamazdan, berk maska düzgünini girizen türkmen häkimiýetleri ýurduň käbir sebitlerinde ilata maska dakynmagy gadagan edýär.
Mary welaýatynyň ilaty üç günüň dowamynda elektrik bergilerini üzmäge borçly edildi. Bu habar etraplaryň ýaşaýjylaryna ýazmaça görnüşde ýetirildi.
Lebap welaýatynyň dolandyryş merkezi Türkmenabat şäheriniň bazarlarynda we döwlet dükanlarynda ilata arzan bahadan satylýan azyk önümleriniň käbir görnüşleri peýda boldy. Geçen hepdäniň ahyrynda türkmenabatlylara towuk budy we günebakar ýagy çäkli möçberde satylyp başlandy. Ýaşaýjylar häkimiýetleriň bu çäresini Türkmenistanyň öňki prezidenti Gurbanguly Berdimuhamedowyň sebite etmegine garaşylýan saparynyň öňüsyrasynda "emeli azyk bolçulygyny" döretmek tagallalary diýip häsiýetlendirýärler. Azatlyk... Читать дальше...
Türkmenistanyň prezidenti Serdar Berdimuhamedow ýurduň oba hojalygy pudagynda we söwda toplumynda dowam edýän kynçylyklaryň arasynda, bu iki pudagyň degişlilikdäki ýolbaşçylary Esenmyrat Orazgeldiýewi we Çary Gylyjowy wezipelerinden boşatdy.
Gazagystanyň Merkezi saýlaw komissiýasy 5-nji iýunda geçirilen referendumda ses berijileriň uly böleginiň ýurduň Konstitusiýasyna girizilmegi hödürlenýän goşmaçalary makullandygyny yglan etdi. Baş kanuna hödürlenýän üýtgetmelere laýyklykda, şol sanda ýurtdaky karar kabul etmek prosessiniň merkezleşdirilmegi gowşadylýar, şeýle-de ozalky prezident Nursoltan Nazarbaýewiň “milletiň atasy” ady aýrylýar. Referendumda sese goýlan 56-a golaý konstitusiýa üýtgetmesi baradaky teklipler ýanwar aýynda bolan ganly tolgunyşyklardan soň edildi. Читать дальше...
Demirgazyk Koreýa 5-nji iýunda sekiz dürli sebitden ballistiki raketalary atdy. Mundan bir gün öň, Günorta Koreýa we Birleşen Ştatlar, soňky dört ýylyň içinde ilkinji gezek ABŞ-nyň uçar göteriji gämisiniň hem gatnaşmagyndaky, bilelikdäki harby türgenleşiklerini tamamladylar. “Biziň harbylarymyz Demirgazyk Koreýanyň gysga aralyga niýetlenen sekiz raketany atanyny hasaba aldylar” diýip, Seulyň baş dolandyryş harby ştaby mälim etdi. Maglumata görä, raketalar 30 minut tapawut bilen, dürli sebitlerden... Читать дальше...
Eýranyň Abadan şäherinde binanyň agmagy netijesinde heläk bolanlaryň sany 41-e ýetdi. Bu barada 6-njy iýunda eýran resmileri habar berdiler. Resmiler 23-nji maýda agan binada heläk bolanlaryň sanynyň has köp bolmagynyň mümkindigini duýdurýarlar. Eýranyň resmileri hadysada ýitirim bolanlaryň sany barada hiç hili maglumat bermediler. 10 gatly ýaşaýyş we täjirçilik binasy aganda 37 adam şikes aldy. Häkimiýetler hadysa sebitäki korrupsiýanyň we pes hilli howpsuzlyk şertleriniň sebäp bolandygyny aýdýarlar. Читать дальше...
