Etrap häkimiýetleri döwlet işgärlerinden telefonlaryndaky jaň sesine öňki prezident Gurbanguly Berdimuhamedowyň aýdymlaryny goýmagy talap edýär. Şeýle-de, döwletden aýlyk alýan býujet işgärleri öňki prezident Gurbanguly Berdimuhamedowyň elektron kitaplaryny öz telefonlaryna indirmeli edilýärler. Bu barada Azatlyk Radiosynyň habarçysy Lebap welaýatynyň Farap etrabyndan habar berdi.
Stambulyň howa menzili watanyna gitmek üçin mümkinçilik gözleýän ýüzlerçe türkmenistanlynyň mekanyna öwrüldi. Bu ýerde gije-gündiz duş gelýän türkmen raýatlary, Türkmenistana bilet satýan awiakompaniýalaryň müşderileri, ýagny olaryň köpüsinde türk we türkmen howa ýollary kompaniýalarynyň biletleri bar. Adamlar köplenç "Türkmen howa ýollarynyň" hemişe diýen ýaly ýapyk durýan edarasynyň öňünde ýerleşýär.
Hytaý Türkmenistan bilen harby hyzmatdaşlygy berkitjekdigini aýdýar. 25-nji martda bu barada habar beren hytaý mediasynyň maglumatyna görä, Hytaýyň döwlet geňeşçisi we goranmak ministri Wei Fenghe bu barada özüniň türkmenistanly kärdeşi Begenç Gündogdyýew bilen geçiren wideo söhbetdeşliginde aýdypdyr.
Türkmenistanyň daşary işler ministri Raşid Meredow 30-njy martda, Owganystanyň goňşy ýurtlarynyň daşary işler ministrleriniň Hytaýyň Tunsi şäherinde geçirilýän üçünji duşuşygynyň çäginde, “Talyban” ýolbaşçylygyndaky owgan hökümetiniň daşary syýasaty edarasynyň başlygy Amir Han Mottaki bilen duşuşdy diýip, Türkmen DIM-i habar berýär. Gepleşikleriň barşynda ähli ugurdaky ikitaraplaýyn hyzmatdaşlygy ösdürmegiň ähmiýeti nygtaldy, TOPH, TOP ýaly energiýa, demirýol taslamalaryny durmuşa geçirmek barada pikir alşyldy. Читать дальше...
Türkmenistanda koronawirus aladalary sebäpli ýapylan metjitleriň gaýtadan açylmagy bilen, dini işgärler adamlaryň metjitlerde ybadatlaryny kesgitlenen sanitariýa talaplarynyň çäginde amal edip biljekdiklerini duýdurýarlar. Ýurtda soňky hepdeden bäri käbir COVID çäklendirmeleriniň gowşadylýandygy barada maglumatlar gowuşsa-da, ýerli ilat esasy söwda merkezleriniň, bazarlaryň heniz hem ýapykdygyny ýa-da juda çäkli tertipde işleýändiklerini aýdýarlar. Azatlyk Remezan aýynyň öňüsyrasynda, galyberse-de... Читать дальше...
Watanlaryna gitmek mümkinçiligine garaşýan Türkmenistanyň raýatlaryna Stambulyň halkara howa menzilinde her gün duşup bolýar. Türk we türkmen awiakompaniýalarynyň uçarlaryna biletleri bolan türkmen raýatlarynyň uçmak mümkinçiligine garaşýan wagty, beýleki ýolagçylardan tapawutlylykda, birnäçe aýlap uzaga çekip bilýär.
