Новости за 14.03.2022

Ýurduň Merkezi saýlaw komissiýasynyň habaryna görä, Türkmenistanda geçirilen irki prezident saýlawlarynda saýlawçylaryň 97 göteriminden gowragy ses berdi. Azatlyk Radiosynyň habarçylary ses berişlikde köpçülikleýin düzgün bozulmalaryň bolandygyny we saýlawyň netijelerini galplaşdyrmak üçin ähli şertleriň döredilendigini habar berýärler. Mundan başga-da, Azatlygyň Türkmenistanyň bir welaýat administrasiýasyndaky çeşmesi 13-nji mart gijesinde "nädogry kandidata" ses berlen saýlaw býulletenleriniň ählisiniň çalşylandygyny habar berdi.

Türkmenistanda saýlawlary we sala salşyklary geçirmek baradaky Merkezi toparyň (Merkezi saýlaw topary – MST) giň ýaýran saýlaw galplygy baradaky habarlaryň arasynda 12-nji martda geçirilen irki prezident saýlawlarynyň netijelerini yglan etmegine garaşylýar.

12-nji mart gijesinde ýaragly polisiýa Stambulda ýaşaýan türkmen aktiwisti Aziz Mämedowyň öýüne girdi. Adam hukuklaryny goraýjy "Türkmen Helsinki Fondunyň" habaryna görä, aktiwistiň öýüne geçirilen polisiýa reýdiň öňüsyrasynda näbelli adamlar girelgede gül we içine şübheli zatlar salynan sebet goýup gidipdir.

Türkmen häkimiýetleri ýurtda ýazlyk ýeralma we sogan ekişine badalga berlendigini baryp fewralyň ortalarynda yglan etse-de, Lebap welaýatynyň kärendeçi daýhanlary heniz köp ýerde ekişe girişilmändigini habar berýärler. Azatlyk Radiosynyň habarçysy bilen söhbetdeş bolan lebaply kärendeçiler muňa döwlet tarapyndan tohum, dökün, tehnika we suw üpjünçiliginiň kadaly ýola goýulmazlygynyň sebäp bolandygyny aýdýarlar.

Ukrainadaky harby hereketlerine goldaw almak üçin, rus häkimiýetleri Hytaýyň özüni harby enjamlar bilen üpjün etmegini sorady diýip, “Finanсial Times”, “The New York Times” we “The Washington Post” habar berýär. Bu neşirleriň tassyklamagyna görä, Moskwa Ukrainanyň üstüne goşun süreli bäri Pekinden harby enjamlary we beýleki kömekleri sorap gelýär. “Finanсial Times” gazetiniň çeşmeleriniň maglumatyna görä, söweşiň üçünji hepdesiniň ortalarynda Russiýanyň käbir ok-ýaraglary gutarýar. “The New York Times” bolsa... Читать дальше...

Türkmenistanyň günbataryndaky nebit-gaz ýataklarynda işleýän nebit kompaniýalary işgärleriniň sanyny ýene-de azaldýarlar. Öň görlüp-eşidilmedik ykdysady krizisi başdan geçirýän ýurtda iş orunlarynyň kemeldilmegi, irki prezident saýlawlarynyň yzýanyna gabat geldi. Azatlygyň habarçylarynyň we çeşmeleriniň aýtmagyna görä, işgärleriň sanyny azaltmak çäreleri nebit önümçiliginde işleýän daşary ýurt kompaniýalarynda zähmet çekýänlere-de täsir edipdir. Hususan-da, Balkan welaýatynyň ýataklarynda işleýän... Читать дальше...

Hepde ahyrynda Kiýewiň demirgazyk-günbatarynda we gündogarynda, ýurduň beýleki ýerlerinde bombalamalaryň dowam etmegine we iki tarapyň hem ilerleme gazanandygyny aýtmagyna garamazdan, ukrain we rus gepleşikçileri 14-nji martda ýene gepleşik geçirmäge taýýardyklaryny aýtdylar. Gepleşikleriň dördünji tapgyrynda oka tutulýan şäherlere we şäherçelere kömek ýetirmek meselesiniň ara alnyp maslahatlaşylmagyna garaşylýar diýip, ukrain prezidentiniň uly geňeşçisi Mykaýlo Podolýak aýtdy. Şeýle-de ol Russiýanyň... Читать дальше...

Gazagystanda ýurduň ilkinji prezidenti Nursoltan Nazarbaýewiň inisi Kaýrat Satybaldyuly tussag edildi we deslapky tussaghana ýerleşdirildi. Ol ýurduň esasy milli telearagatnaşyk kompaniýasynda, Kazaktelekomda işleýän wagtynda uly möçberde ogurlyk etmekde güman edilýär. Gazagystanyň korrupsiýa garşy gullugy Satybaldyulynyň "döwlet howpsuzlygyny gowşadýan beýleki jenaýatlara" gatnaşygynyň derňelýändigini aýtdy. Nazarbaýewiň inisiniň ogly, “Forbes Gazagystanyň” maglumatyna görä, respublikanyň iň täsirli telekeçileriniň sanawyna girýär. Читать дальше...

Eýran Saud Arabystany bilen arada uzak wagt bäri dowam edýän dartgynlygy gowşatmaga gönükdirilen gepleşiklerini birtaraplaýyn ýagdaýda togtatdy diýip, Eýranyň döwlet eýeçiligindäki metbugaty 13-nji martda habar berdi. Habar serişdeleri Tähranyň gelen kararynyň sebäbini aýtmady. Ýöne bu habar Saud Arabystanynyň soňky onýyllykda bir günde iň köp adamy, 81 tussagy jezalandyryp öldürendigini aýtmagynyň bir gün soňundan peýda boldy.  Jezalandyrylyp öldürilen tussaglaryň 41-si gündogar Katif sebitinden... Читать дальше...

Gazagystan ynsanperwerlik kömegi hökmünde Ukraina 28 tonna derman iberdi. Bu Gazagystanyň hökümetiniň tassyklamagynda Ukraina iberilen ilkinji gumanitar kömek bolup durýar. Mundan ozal meýletinçiler we höwesjeňler, Ukrainanyň Gazagystandaky ilçihanasynyň üsti bilen, Kiýewe ynsanperwerlik kömegini berdiler. Almaty howa menziliniň metbugat gullugynyň maglumatyna görä, ynsanperwer kömegini alyp gitjek ilkinji uçar 14-nji martda, irden Ukraina tarap ugur aldy. Iberilen ynsanperwer kömeginiň umumy agramy 28,2 tonna bolup... Читать дальше...

Hepde ahyrynda Kiýewiň demirgazyk-günbatarynda we gündogarynda, ýurduň beýleki ýerlerinde bombalamalaryň dowam etmegine we iki tarapyň hem ilerleme gazanandygyny aýtmagyna garamazdan, ukrain we rus gepleşikçileri 14-nji martda has köp gepleşik geçirmäge taýýardyklaryny aýtdylar. Gepleşikleriň dördünji tapgyrynyň wideo arkaly geçirilip, oka tutulýan şäherlere we şäherçelere kömek ýetirmek meselesiniň ara alnyp maslahatlaşylmagyna garaşylýar diýip, ukrain prezidentiniň kömekçisi Mykaýlo Podolýak aýtdy. Читать дальше...

Polşanyň prezidenti Andrzej Duda Russiýanyň Ukrainada himiki ýaraglary ulanmagynyň ýagdaýy düýpden üýtgetjekdigini we NATO-nyň bu meselä nähili çärä görmelidigi barada çynlakaý pikirlenmelidigini aýtdy. "Eger ol köpçülikleýin gyryş ýaraglarynyň haýsam bolsa birini ulansa, bu ýagdaýlaryň düýpgöter üýtgemegine alyp geler” diýip, Duda 13-nji martda BBC-niň žurnalistiniň rus prezidenti Wladimir Putiniň himiki ýarag ulanmagynyň NATO üçin gyzyl çyzyk bolup biljekdigi ýa-da däldigi barada beren sogaryna jogap berende aýtdy. Читать дальше...