Новости за 28.08.2021

Gazagystanyň günortasyndaky ýarag ammarynda bolup geçen ýangynda ýüze çykan partlamalarda ölenleriň sany 13-e ýetdi diýip, gazak häkimiýetleri 28-nji awgustda aýtdylar. Şeýle-de olar üç adamyň henizem tapylmaýandygyny habar berdiler. Ýurduň adatdan daşary ýagdaýlar ministrligi wakanyň bolan ýerinden 13-nji jesediň tapylandygyny, ýöne ol adamlaryň şahsyýetleriniň anyklanmandygyny aýtdy. "Ýitirim bolan üç adamy gözlemek dowam etdirilýär" diýip, ministrligiň beýannamasynda aýdylýar. Žambyl welaýatynyň... Читать дальше...

Geçen hepde Gaza-Ysraýyl serhedinde bolup geçen gazaply demonstrasiýa wagtynda ysraýyl goşunlarynyň atan oky kellesine degen 12 ýaşly palestinaly oglan jan berdi diýip, Gazanyň saglyk resmileri 28-nji awgustda aýtdy. Ysraýyl goşuny serhet diwaryna partlaýjy serişdeleri zyňýan we ondan aşmaga çalyşýan palestinaly "gozgalaňçylara" göni ok atmak we beýleki çäreler bilen jogap berendigini aýtdy. Şeýle-de, çaknyşyk wagtynda bir protestçiniň atan okundan ýaralanan ysraýyl esgeriniň ýagdaýynyň agyrdygy aýdylýar. Читать дальше...

Prezident Gurbanguly Berdimuhamedowyň Aşgabatda ogly Serdar bilen Pakistanyň daşary işler ministri Şah Mahmud Kureşi kabul eden güni Kabuldaky türkmen ilçihanasynyň golaýynda iki sany pakistanly tussag edildi, olaryň ýanyndan partlaýjy enjamlaryň tapylandygy aýdylýar.

Germaniýanyň daşary işler ministri Haýko Mas (Heiko Maas) Owganystandaky ýagdaýy ara alyp maslahatlaşmak üçin 29-njy awgustda Täjigistana, Özbegistana we Pakistana barýar diýip, “Roýters” 28-nji awgustda habar berdi. Bu ýurtlaryň ýolbaşçylary bilen geçirilen gepleşiklerde owgan bosgunlary bilen baglanyşykly meseleler hem ara alnyp maslahatlaşylar.  Masyň sözlerine görä, german häkimiýetleri Owganystandaky sarsgynlaryň döreden gumanitar kynçylyklaryny ýeňip geçmek üçin bu ýurduň goňşy döwletlerine goldaw bermäge taýýardyklaryny mälim etdi. Читать дальше...

Ýewropa Bileleşiginiň Türkmenistandaky wekilhanasy “häzirki ýagdaý" bilen baglylykda, nazarda tutan çärelerini näbelli bir möhlete çenli yza süýşürdi diýip, “Türkmenistanyň Hronikasy” edaranyň 26-njy awgustda öz instagram sahypasynda çap eden maglumatyna salgylanyp habar berýär. Ozal habar berlişi ýaly, Orsýetiň Aşgabatdaky ilçihanasynyň konsullyk bölümi hem 25-nji awgustda "dem alyş keselleriniň öňüni almak" çäreleri bilen baglylykda, raýatlary göni kabul etmegini togtatdy. Prezident Gurbanguly Berdimuhamedowyň 25-nji awgustda... Читать дальше...

Kabul aeroportunyň daşynda 170 owganlyny we 13 amerikan esgerini öldüren kast ediş hüjüminden kän wagt geçmänkä, 28-nji awgustda urlan ABŞ zarbasy "Yslam döwleti" toparynyň gündogar Owganystandaky agzasyny nyşana aldy. Bu topar janyndan geçenleriň amala aşyran hüjüminiň jogapkärçiligini öz üstüne aldy.  ABŞ-nyň Merkezi serkerdeligi gündogar Nangahar welaýatyna urlan dron zarbasynyň howa menzilindäki hüjümiň jogapkärçiligini öz üstüne alan “Yslam döwleti-Horasan” (YD-H) toparynyň planlaşdyryjysyny öldürendigini aýtdy. Читать дальше...