Soňky aýlarda ykdysady kynçylyklaryň we sosial taýdan goragsyzlygyň güýçlenmegi ilatyň ýurtdan çykmak isleglerini artdyrýar. Habarçylaryň sözlerine görä, daşary ýurt pasportyny we daşary ýurt ilçihanalaryndan zerur resminamalary almak üçin uly nobatlar saklanýar. Koronawirus pandemiýasy bilen baglanyşykly halkara howa gatnawynyň ýola goýulmazlygy we sanitariýa talaplarynyň girizilmegi köp sanly türkmen raýatynyň ýurduň daşyna çykmak mümkinçiliklerini hasam çäklendirdi.
"Hassahana barsaň, barlaglar üçin pul tölejekmi ýa dermana pul tapjak, ikarada janserek bolýarsyň. Üstesine, hassahana ýeri üçin hem pul tölemeli, saglyk ätiýaçlandyrmasy işlemeýär" diýip, anonimlik şertinde gürleşen ýaşaýjy öz hassahana kösençligini gürrüň berdi.
Lebap welaýatynda ýol polisiýasy sürüjilerden awto ulaglaryň korpusynyň gara reňkli böleklerini, şol sanda radiator gözeneklerini ak reňke boýatdyrmagy talap edýär. Bu barada Azatlyk Radiosynyň habarçysy habar berýär.
Telekeçiler, gurply adamlar öz ýakynlarynyň arasynda, goňşy-golamlarynda garyp ýa mätäç adamlaryň köpdügini aýdýarlar. Olar öz pitre pullaryny-da, zekatlaryny hem öz bilýän, görüp ýören adamlaryna berjekdiklerini, prezidentiň adyndaky gazna geçirjek däldiklerini aýtdylar diýip, habarçy belledi.
Russiýanyň sudy prokuraturanyň tussaglykdaky oppozisiýa syýasatçysy Alekseý Nawalnynyň Korrupsiýa garşy fondunyň (FBK) we Raýat hukuklaryny goramak fondunyň (FZPG) käbir hereketlerini togtatmak baradaky arzasyny makullady. “Moskwanyň şäher sudunyň kazysy talapçynyň wagtlaýyn gorag çärelerini görmek arzasyny gözden geçirdi. Moskwanyň şäher sudunyň kazysy bähbit aramaýan Korrupsiýa Garşy Fondy we Raýatlaryň hukuklaryny goramak fondy babatynda käbir hereketleri gadagan etmek boýunça wagtlaýyn gadagan... Читать дальше...
Saud Arabystanyň täç geýdirilen şazadasy telewideniýede eden çykyşynda Eýran babatynda ozalkylardan tapawutlylykda has ýumşak gepledi, şeýle-de Saud Arabystanynyň we ABŞ-yň prezidenti Jo Baýdeniň administrasiýasynyň iki tarapy hem alada goýýan aglaba meseleler boýunça ylalaşandyklaryny aýtdy. “Eýran goňşy bir döwlet. Biz Eýran bilen gowy we aýratyn gatnaşyklaryň bolmagynyň tarapynda çykyş edýäris” diýip, täç geýdirilen şazada Muhammed bin Salman 27-nji aprelde telewideniýede eden çykyşynda belledi. Читать дальше...
Adam hukuklaryna gözegçilik edýän “Freedom House” (“Azat Öý”) guramasy Ýewropadaky we Ýewraziýadaky “demokratiýadan ters öwrüm” barada duýdurdy. Gurama köp döwletlerde saýlanan liderleriň häkimiýetde galmak üçin demokratiki gymmatlyklary depeleýändiklerini we “alternatiw awtoritar häkimiýeti” ornaşdyrýandyklaryny hem belledi. Düýbi Waşingtonda ýerleşýän “Freedom House” guramasynyň ýyllyk “Geçiş ýurtlary” hasabatynda Ýewropa Bileleşiginde demokratiýa babatynda has köp Wengriýada we Polşada yza gaýtmalaryň bolandygy nygtalýar. Читать дальше...
Eýranyň daşary işler ministri Mohammad Jawad Zarif, jedelli audio ýazgynyň syzyp çykmagyndan soň eden ilkinji çykyşynda, harby we diplomatiki pudaklaryň arasyndaky “paýhasly sazlaşygyň” tarapyny tutýandygyny aýtdy. Mundan öň syzyp çykan audio ýazgyda Zarif Eýranyň harbylarynyň we kuwwatly Yslam Rewolýusiýa Sakçylary Korpusynyň diplomatiki gatnaşyklarda uly täsiriniň bardygyny aýdypdy. Zarif 28-nji aprelde özüniň Instagram hasabynda bu ýazgydaky aýdanlarynyň “esasy özeniniň”, bu - “iki pudagyň... Читать дальше...
