Türkmenistanda ýurduň daşynda ölen garyndaşlary we dostlary üçin ýas çäreleriniň geçirilmegi ýygjamlandy. Azatlyk Radiosynyň ýurt içindäki habarçylarynyň habar berşi ýaly, diňe Mary welaýatynyň bir etrabynda bir hepdäniň dowamynda daşary ýurtda ýogalan we jaýlanan dört adamyň hatyrasyna ýas çäreleri geçirilipdir.
TDH prezident, Türkmenistanyň Milli Geňeşiniň Halk Maslahatynyň başlygy Gurbanguly Berdimuhamedowa “Türkmenistanyň ussat halypa seýsi” diýen hormatly adyň dakylandygyny habar berýär. Türkmenistanyň Milli Geňeşiniň Mejlisiniň Başlygy Gülşat Mämmedowanyň gol çeken kararynda bu adyň oňa "Türkmen atlary" döwlet birleşiginiň towakganamasy we giň halk köpçüliginiň isleg-arzuwlary esasynda, atçylygy ösdürmekde bitiren hyzmatlaryny üçin dakylýandygy aýdylýar. Şu aralykda wise-premýer, Türkmenistanyň... Читать дальше...
Prezidentiň ogly Serdar Berdimuhamedowyň azyk nobatlarynyň kakasynyň abraýyna ýaramaz täsir ýetirýändigini aýdyp, resmilere bu ugurda degişli görkezme bereninden soňra, Aşgabadyň döwlet dükanlarynda haryt almak boýunça täze çäklendiriji düzgünler girizildi. Bu aralykda, azyk gytçylygynyň ýitileşmegi bilen Lebapda iri mallaryň etini beýleki, hususanda goňşy Mary welaýatyna köpçülikleýin ýagdaýda çykarmazlyk barada görkezme berildi.
Lebap welaýatynda ýerleşýän Seýdiniň nebiti gaýtadan işleýän zawody işgär sanyny 30 göterim töweregi kemeldýär. "Türkmendemirýollary" agentliginiň demir ýol ýük gatnawlarynyň hususylaşdyrylmagyna garaşylýar.
Resmi metbugatyň anna güni beren habaryna görä, Nursultan Nazarbaýewiň prezidentlik eden döwründe Gazagystanyň korrupsiýa garşy göreş gullugyna ýolbaşçylyk eden Alik Şpekbaýew wezipesinden boşadyldy. Gazagystanyň prezidenti Kassym-Žomart Tokaýewiň bu baradaky karary 16-njy aprelde prezident administrasiýasynyň web sahypasynda çap edildi. Korrupsiýa garşy göreş gullugynyň başlygy wezipesine ozal Gazagystanyň baş prokurorynyň orunbasary bolup işlän Marat Ahmetžanow bellendi. Şu ýyl 64 ýaşy... Читать дальше...
Geçen ýyl Özbegistanda Saglygy goraýyş ministrligi, Halk bilim ministrligi we Gurluşyk ministrligi iň korrumpirlenen guramalar diýlip ykrar edildi. Bu maglumaty Korrupsiýa garşy göreş gullugynyň resmi wekili Bekzod Rahmonow 15-nji aprelde geçirilen metbugat ýygnagynda yglan etdi. Onuň sözlerine görä, Bilim ministrligi ulgamynda 78 milliard som (7,4 million dollar) bikanun ulanylypdyr. Netijede, 214 işgäre düzgün-nyzam temmisi berilse, 34 resmi wezipesinden boşadylypdyr. Saglygy goraýyş ulgamynda... Читать дальше...
ABŞ bilen raýdaşlyk çäresi hökmünde, Polşa üç rus diplomatynyň Warşawadaky ilçihanany terk etmegini buýurdy. Polşanyň Daşary işler ministrligi 15-nji aprelde rus ilçihanasyndaky üç işgäriň diplomatik durumlarynyň çäginden çykyp, Polşa garşy zyýanly işler bilen meşgullanandygy üçin islenmeýän şahsyýet (personae non gratae) diýlip yglan edilendigini aýtdy. Birleşen Ştatlar 15-nji aprelde saýlawlara gatyşmak, kiber hüjümleri we Moskwanyň beýleki "zyýanly" daşary ýurt hereketleri diýilýäne jogap... Читать дальше...
ABŞ-nyň döwlet sekretary Antoni Blinken şu ýylyň aýagynda ABŞ goşunlary ýurtdan çekilenden soň Owganystanyň halkynyň-da, goňşy ýurtlaryň we “Talybanyň-da” ýurtda raýat urşunyň turmagynda bähbit görmeýändigini aýtdy. Öňünden aýtman gelen Blinken 15-nji aprelde Kabulda görşen adamlarynyň ählisinde berk parahatçylyk islegini görendigini aýtdy. Blinken metbugat ýygnagynda raýat urşunyň turmak ähtimallygy barada berlen soraga jogap berip, “Biziň eşidişimizden, hatda “Talyban” hem uruş-gowgada bähbit görmeýär” diýdi. Читать дальше...
Pusan şäher kazyýeti (Günorta Koreýa) golaýda Gyeongsang milli uniwersitetinde (Gyeongsang National University) okaýan Özbegistandan bolan bir studenti öz mugallymyny "kemsitmekde" günäli bilip, oňa 4000 ABŞ dollary möçberinde jerime saldy. Kazyýetiň kararyna görä, Gyeongsang uniwersitetiniň düzümindäki Syýahatçylyk we myhmanhana dolandyryş institutynyň biznes fakultetiniň ady aýan edilmedik studenti Günorta Koreýadan çykmaly bolar. Azatlyk Radiosynyň Özbek redaksiýasynyň ygtyýarynda bolan şol... Читать дальше...