Türkmenistanyň öňki içeri işler ministri Isgender Mulikow azatlykdan mahrum edildi. Döwlet telewideniýesiniň habar bermegine görä, Mulikowa korrupsiýa aýyplamalary esasynda höküm çykaryldy.
NATO liderleri 29 agzaly harby ýaranlygyň 70 ýyl mundan ozal düýbüniň tutulmagyny bellemek maksady bilen iki günlük sammit üçin, Londona ýygnanýar.
Şu ýylyň 1-nji dekabryndan bäri, Türkmenistan bilen Özbegistanyň arasynda baglaşylan degişli ylalaşyga laýyklykda, Türkmenistan goňşy Özbegistana elektrik energiýasyny eksport edip başlady. 1-nji dekabra Özbegistana 14,9 million kWt/s elektrik energiýasy iberilen bolsa, 2-nji dekabrda bu 15,4 million kWt/s deň boldy. Bu barada Özbegistanyň milli energiýa gullugynyň metbugat edarasy maglumat berýär. Gulluk elektrik energiýasynyň ylalaşylan grafige laýyklykda iberilýändigini belleýär. Bu aralykda... Читать дальше...
2-nji dekabrda Türkmenistanyň prezidenti Gurbanguly Berdimuhamedowyň Aşgabat şäheriniň hem-de welaýat häkimleriniň gatnaşmagynda geçiren wideoşekilli iş maslahatynda Lebap welaýatynyň häkimi Taňryguly Atahallyýew welaýatdaky “pagta ýygymynyň jemleýji tapgyry” barada hasabat berdi.
Türkmenistanda möwsümleýin sowuklama keselçiliginiň fonunda ene-atalaryň ençemesi öz kesel çagalaryny mekdebe ugratmaga mejbur bolýarlar. Azatlyk Radiosynyň Aşgabatdaky habarçysynyň sözlerine görä, muňa sebäp bolýan ýagdaýlaryň biri çaganyň keselläp mekdebe gatnap bilmändigini subut etmek üçin lukmandan sprawka almaga maddy mümkinçiliginiň ýokdugy bilen bagly. - Mesele medisina sprawkalarynyň çykdajysynyň ululygynda. Ene-atalaryň köpüsi, esasan hem gurply bolmadyklar we köp çagalylar öz çagalaryny... Читать дальше...
Aşgabadyň çagalar baglarynyň birinde ene-atalardan gap-gaç, el we kir ýuwujy serişdeleri hem-de hajathana kagyzlary ýaly senagat harytlaryny getirmek talap edilýär.
NATO liderleri 29 agzalyk ýaranlygyň 70-nji ýyl dönümini dabaralandyrmak üçin, Londonda geçýän sammite gatnaşýarlar. Goranyş çykdajylary boýunça çekişmeler, Siriýa babatyndaky syýasat, şeýle-de Fransiýa bilen Türkiýäniň arasyndaky dartgynlylyklar iki günlük sammitiň taýýarlyk işlerine kölege saldy. Emma, NATO-nyň baş sekretary Ýens Stoltenberg dartgynlylyklara garamazdan ýaranlygyň Ýewropany goramak boýunça esasy maksadyny berjaý etmek üçin öz mümkinçiliklerini pugtalandyrandygyny belledi. “NATO taryhdaky iň üstünlikli ýaranlykdyr. Читать дальше...
Gollandiýanyň Döwlet Prokuraturasy Russiýany Malaýziýa howaýollaryna degişli MH17 uçaryň urulmagy bilen ilteşikli şübhelini tussag etmän, onuň Ukrainanyň gündogaryndaky separatistleriň gözegçiligindäki sebite aşmagyna mümkinçilik bermekde aýyplady. Moskwa ukrain raýaty Wolodymyr Tsemakhyň Russiýadan çykmagyna “bilkastlaýyndan” mümkinçilik berdi, şeýle-de Gollandiýanyň ekstradisiýa baradaky arzasyny “berjaý etmekden boýun gaçyrdy” diýip, golland prokuraturasy 2-nji dekabrda aýtdy. Prokuratura... Читать дальше...
Ukrainada bir syýasatçynyň üç ýaşly oglunyň atylyp öldürilmegine ilteşikli bolmakda şübhelenip 18 we 19 ýaşlaryndaky iki adam saklanyldy. Kiýewiň regional geňeşiniň kanunçykaryjysy Wýaçeslaw Sobolýew 1-nji dekabrda öz restoranyndan maşgalasy bilen çykanynda, olaryň ulagyna ýaragdan ot açyldy. Atylan ok Wýaçeslaw Sobolýewiň ogly Oleksandra degdi. Ol keselhana äkidilip barýarka Tiz kömek ulagynda aradan çykdy. Kiýewiň polisiýa başlygy Andriý Kryşçenko “18 we 19 ýaşlaryndaky iki kişiniň” saklanandygyny mälim etdi. Читать дальше...
Eýranda geçen aý benziniň bahasynyň artdyrylmagy sebäpli tutaşan protestleriň basylyp ýatyrylmagy netijesinde azyndan 208 adamyň öldürilendigi çaklanylýar diýip, adam hukuklaryna gözegçilik edýän Amnesty International guramasy 2-nji dekabrda maglumat berdi. Düýbi Londonda ýerleşýän gurama öldürilenleriň asyl sanynyň has ýokary bolmagynyň mümkindigini hem belledi. Protestler 15-nji noýabrda, haçanda hökümet benziniň bahasynyň 200% çemesi artdyrylýandygyny yglan edeninden soňra, döräpdi. Munuň yzy bilen ýurtda... Читать дальше...
Gazagystanyň günortasyndaky Gyzylorda regionynda buza örtülen magistral ýolunda bir awtobusyň agdarylmagy netijesinde azyndan sekiz adam öldi. 3-nji dekabrda ýüze çykan hadysa barada Içeri işler ministrliginiň düzümindäki adatdan daşary ýagdaýlar boýunça gulluklar maglumat berdiler. Awtobusyň içinde 35 adam bolup, heläkçiligiň netijesinde olaryň 25-si ýaralandy. Ýolagçylaryň raýatlygy barada maglumat berilmedi. Ýol hereketi düzgünleriniň bozulmagy boýunça jenaýat işi açyldy. Ýewropa Bileleşigniň Eurostat gullugynyň maglumatlaryna görä... Читать дальше...
