Fransiýanyň parlamenti protest hereketlerine gözegçiligi pugtalandyrýar. Indi ýüzüňe perde tutanyň üçin hem türmä düşüp bilersiň, ýerli häkimiýetler bolsa aýratyn tapawutlanan bozgaklaryň demonstrasiýalara gatnaşmagyny gadagan edip biler. Has anyk maglumalary “Roýtersden” alyň.
Birleşen Ştatlaryň prezidenti Donald Tramp Kongresde eden we esasan içeri meselelere gönükdirilen çykyşynda ýaraglara kontrollyk boýunça Orsýet bilen baglaşylan ylalaşykdan çykmak baradaky kararyny gorap, Eýrany “radikal režim” diýip tankytlady.
Golaýda türkmen telewideniýesinde “Aşyr däde” diýlip tanalýan “Siziň üçin körpeler!” gepleşiginiň alyp baryjysy Aşyrmyrat Gurbanow Lebap welaýatynyň Saýat etrabynda ýerleşýän käbir medeniýet öýlerinde sahna çykyşlaryny goýdy.
Türkmenistandaky ykdysady kynçylyklaryň fonunda daşary ýurtlarda okaýan we yzyndan dollaryň döwlet kursunda serişde alýan studentler bilen bagly aladalar köpelýär.
Russiýanyň sudy “Ýegowanyň şaýatlary” dini akymynyň daniýaly tarapdary Dennis Kristenseni (Dennis Christensen) “ekstremist guramanyň işlerini guramalaşdyrmakda” günäli tapdy. 6-njy fewralda Russiýanyň günbataryndaky Orýol şäheriniň Železnodorožnyý etrap sudy Kristenseni 6 ýyl türme tussaglygyna höküm etdi. Russiýadaky “Ýegowanyň şaýatlary” Kristenseniň aklawçysynyň bu karary şikaýat etjekdigini aýtdy. Kristensen 622 gün bäri Russiýanyň Orýol regionyndaky No.1 belgili deslapky tussaghanada saklanylýar. Читать дальше...
5-nji fewralda giçlik Azerbaýjanyň merkezinde bolan güýçli ýer titremeden soň, Şamahy şäheriniň we onuň golaý-goltumyndaky obalaryň onlarça ýaşaýjysy saglyk işgärlerinden kömek soraýar. Azerbaýjanyň Saglygy saklaýyş ministrliginiň aýtmagyna görä, ýer yranmanyň netijesinde kellesinden agyr ýaralanan 58 ýaşyndaky adam we aýagyndan ýaradar bolan başga-da üç adam keselhana ýerleşdirildi. Ministrligiň maglumatyna görä, ýer titremäniň yz ýany, 30 çemesi adam saglyk işgärlerinden kömek sorap, saglyk edaralaryna ýüzlenipdir. Читать дальше...
6-njy fewralda NATO agza 29 döwlet we Makedoniýa goşulyşma baradaky pakta gol goýdular. Bu Skopýeniň NATO-nyň 30-njy agza döwleti bolmagy ugrundaky möhüm ädimdir. Bu ädim Makedoniýa bilen Gresiýanyň arasynda baglaşylan taryhy ylalaşygyň yz ýanyna gabat geldi. Bu ylalaşyk Afinynyň görkezen garşylyklaryny aradan aýryp, goňşy döwletleriň arasyndaky gatnaşyklary kadalaşdyrdy. NATO-nyň baş sekretary Jens Stoltenbergiň başlyklyk etmeginde geçirilen dabarada Makedoniýanyň daşary işler ministri Nikola... Читать дальше...
Türkmenistan gaz pudagynda Russiýa bilen täze iri ylalaşyklary maksat edinýär diýip, Russiýanyň daşary işler ministri Sergeý Lawrow Türkmenistanyň prezidenti Gurbanguly Berdimuhamedow bilen 6-njy fewralda Aşgabatda geçiren duşuşygyndan soň metbugatda çykyş etdi.
NATO agza 29 döwletiň liderleri Ýaranlygyň döredilmeginiň 70-nji ýyldönümini bellemek üçin şu ýylyň dekabr aýynda Londonda ýörite sammit geçirerler diýip, 6-njy fewralda NATO-nyň baş sekretary Jens Stoltenberg aýtdy. “Londondaky duşuşyk Ýaranlyga agza ýurtlaryň hökümet we döwlet baştutanlaryna biziň häzirki we gelejekde ýüzbe-ýüz boljak howpsuzlyk meselelerimiz barada çykyş etmäge mümkinçilik döreder. Şeýle-de, olara NATO-nyň 1 milliarda golaý öz ilatynyň howpsuzlygyny üpjün etmek üçin uýgunlaşmaga... Читать дальше...
Birleşen Ştatlar Ýakynda Gündogarda “diktatorlary, gassaplary we ekstremistleri” goldaýar diýip, Eýranyň daşary işler ministri Mohammad Jawad Zarif ABŞ-nyň prezidenti Donald Trampyň eden çykyşyna gaýtawul berip, 6-njy fewralda “Twitter” sosial ulgamynda ýazan maglumatynda aýtdy. Geçen ýylyň maýynda Tramp 2015-nji ýylda baglaşylan möhüm ýadro ylalaşygyndan yza çekilip, Eýrana garşy sanksiýalary gaýtadan güýje girizeni bäri Tähran bilen Waşingtonyň arasyndaky dartgynlylyk artýar. “Birleşen Ştatlaryň... Читать дальше...
Esenguly etrabynyň merkezinde düýn, 5-nji fewralda geçen ýylyň netijeleri boýunça gazanylan baýragyň – 1 million amerikan dollarynyň gowşurylmagyna bagyşlanan dabara boldy.
Üç ýyl türme tussaglygyna höküm edilen türkmenistanly habarçy Gaspar Matalaýew zähmet lagerindäki erbet şertler sebäpli saglygynyň ýaramazlaşmagyndan ejir çekýär diýip, “The Independent” neşiri habar berýär.
