Новости за 15.05.2018

Türkmenistanda hususy gurluşyk kärhanalarynda işleýän işgärleriň ençemesi birnäçe aýlap öz zähmet haklaryny alyp bilmeýärler. Azatlyk Radiosynyň Türkmenistandaky habarçylarynyň we ýerli synçylaryň sözlerine görä, häzire çenli puluny alyp bilmedik gurluşyk işgärleriň arasynda öňki Aýtakow häzirki Oguzhan köçesinde ýerleşýän 12 gatly jaýyň we öňki Sowhoznaýa köçesinde ýerleşýän 12 gatly jaýyň gurluşygyna gatnaşanlaryň ençemesi bar. Azatlyk Radiosy bilen söhbetdeş bolan aşgabatly synçy Amanmyrat Bugaýew... Читать дальше...

“Daşoguz welaýatynyň ekerançylyk ýerlerinde suw ýetmezçilik edýär; bugdaý meýdanlarynda tas ähli bugdaýlary suwsuzlykdan şor guradypdyr, ösüp oturan bugdaýdan harman bolaýjak hasyl ýok” diýip, adynyň efirde Pirmät diýip tutulmagyny soran daşoguzly bir daýhan Azatlyk Radiosyna gürrüň berdi.

“Men eýýäm birnäçe günden bäri anokom iýip ýörün. Biz wiza kartlarymyzdan hiç hili pul alyp bilemizok, bize gaty kyn” diýip, Belarusda okaýan türkmenistanly bir talyp özi ýaly onlarça talybyň adyndan Azatlyk bilen habarlaşdy.

Aşgabatda öňki “Ýimpaş” söwda merkeziniň binasynda Milli sport we syýahatçylyk institutynyň düzümine girjek sportuň olimpiýa görnüşleri fakultetini döretmek boýunça işler başlandy. “Türkmenistan Altyn Asyr” neşiriniň berýän maglumatyna görä, ýerli “Ajaýyp gurluşyk” kompaniýasy tarapyndan bu binalaryň durky täzelener. Sekiz gatly “Ýimpaş” täjirçilik merkezinde Sport we ýaşlar syýasaty ministrliginiň, ozalky “Ýimpaş” söwda merkeziniň jaýynda bolsa, sportuň olimpiýa görnüşleri fakultetini ýerleşdirmek göz öňünde tutulýar. Читать дальше...

Eýranyň daşary işler ministri Mohammad Jawad Zarif özüniň 15-nji maýda Brýusselde Ýewropa Bileleşiginiň daşary syýasat boýunça başlygy Federika Mogerini bilen geçiren duşuşygyna “örän oňat we konstruktiw” diýip, gowy baha berdi. Zarif Waşington 2015-nji ýylda Eýran bilen dünýäniň iň kuwwatly alty ýurdunyň arasynda gelnen ýadro ylalaşygyndan çykansoň, bu ylalaşyga berlen goldawy saklap galmak maksady bilen dünýäniň täsirli ýurtlarynyň paýtagtlaryna sapar etdi. Brýussel bu şäherleriň iň soňkusydyr. Читать дальше...

Birleşen Ştatlaryň Ysraýyldaky ilçihanasynyň Tramp administrasiýasy tarapyndan Ierusalimde geçirilen açylyş dabarasy ençeme hepde bäri barýan demonstrasiýalardan soňra dartgynlylygyň artmagyna getirip, Ysraýylyň ýaragly güýçleri duşenbe güni Gaza serhedinde onlarça palestinaly protestçini atyp öldürdiler.

Ukrain Milli howpsuzlyk gullugynyň (SBU) ofiserleri Orsýetiň “RIA Nowosti” habar agentliginiň Ukrainadaky edarasynda gözleg işlerini geçirdi we media serişdesini Kiýewe garşy “kiber informasiýa urşuna” gatnaşmakda aýyplap, bir žurnalisti tussag etdiler. “RIA Nowosti” habar serişdesiniň Ukrainadaky edarasynyň işgärleri Orsýetiň raýaty Kiril Wyşinskiýniň 15-nji maýda Kiýewde, öýüniň golaýynda tussag edilendigini aýtdylar. Ukrainanyň Milli howpsuzlyk gullugynyň metbugat wekili Olena Hitlýanska Azat... Читать дальше...

Şu gün Aşgabatda güýçli ýagyş ýagdy. Ýagyn suwlarynyň köçelere üýşmegi netijesinde awtoulag gatnawlarynda, adamlaryň jemgyýetçilik awtobuslaryna münüp-düşmeginde bökdençlikler emele geldi. Ýaşaýjylaryň we synçylaryň ençemesi “şäher infrastrukturasynyň gurluşygyndaky nogsanlyklar” zerarly, ýagyn suwlarynyň köçelere ýygnanýandygyny aýdýarlar. Aşgabadyň dürli köçelerinde düşürilen wideolaryň käbirinde kanalizasiýa ulgamyndan suwuň çogup çykýan pursatyny hem görse bolýar.

“Talyban” söweşijileri Owganystanyň Eýran bilen serhediniň golaýynda ýerleşýän günbatar Farah welaýatynyň paýtagty Farah şäherine hüjüm edip, howpsuzlyk güýçleriniň onlarçasyny öldürdi we ýaralady diýip, owgan resmileri aýdýarlar. 15-nji maýda barlag nokatlarynyň birnäçesiniň gözegçiligi “Talyban” söweşijileriniň kontrollygyna geçdi we şäherde güýçli çaknyşyklar dowam edýär diýip, Farah welaýat geňeşiniň başlygy Fared Bahtawer belledi. Ol häzire çenli wakada owgan howpsuzlyk güýçleriniň 30 çemesi... Читать дальше...

Şu ýyl köp sanly daşoguzly ýaşlar Garagalpagystan awtonom respublikasynyň Nöküs şäherinde ýerleşýän Berdah adyndaky garagalpak döwlet uniwersitetine okuwa girmek üçin resminama taýýarlaýarlar. Bu barada Azatlygyň daşoguzly çeşmesi habar berýär.

Biz belarusýada okaýan talyplar wiza kartlarymyzdan hiç hili pul alyp bilemizok bize gaty kyn. Wiza kartlarymyz hiçem işlanok. men eýýam birnäçe günden bäri anokom iýip ýörün.