Новости за 25.03.2018

Birleşen Ştatlaryň ýokary derejeli diplomaty özbek liderleri bilen gepleşikleri geçirmek we Owganystan boýunça halkara parahatçylyk konferensiýasyna gatnaşmak üçin 25-nji martda üç günlük sapar bilen Özbegistana barýar. Birleşen Ştatlaryň döwlet sekretarynyň syýasy meseleler boýunça orunbasary Tomas Şannon (Thomas Shannon) 26-njy martda Daşkentde geçiriljek konferensiýa gatnaşar. Şeýle-de, onuň özbek prezidenti Şawkat Mirziýoýew we daşary işler ministri Abdulaziz Kamilow bilen hem duşuşmagyna garaşylýar. Читать дальше...

Gaçgaklykdaky öňki katalan lideri Karles Puigdemontyň aklawçysy öz müşderisiniň Germaniýanyň polisiýasy tarapyndan tussag edilendigini aýtdy. Jaume Alonso-Cuevillas özüniň Twitter sahypasynda ýazan maglumatynda, Puigdemontyň 25-nji martda Daniýadan Germaniýanyň serhet araçäklerine geçýän mahaly, nemes polisiýasy tarapyndan tussag edilendigini mälim etdi. Şeýle-de, ol öňki katalan lideriniň polisiýada saklanýandygyny belledi. Aklawçy Puigdemontyň tussag edilen mahaly, Belgiýa barýandygyny aýtdy. Читать дальше...

Pakistanyň sudy hristian är-aýaly diri otlap öldüren köpçüligiň bir bölegi bolmakda aýyplanýan 20 adamyň günäsizdigi barada karar çykardy. Gürrüňi gidýän hristian jübüt 2014-nji ýylda hudaýa şek ýetirmekde aýyplanypdy. Kerpiç öndürýän zawodda işlän 26 ýaşly Şahzad Masih we 24 ýaşly Şama Şahzad adamlaryň köpçüligi tarapyndan senagat pejinde diri otlanypdy. Şonda hristian jübüdiň Punjab sebitindäki Kot Radha Kişan şäherçesiniň golaýynda Gurhan kitabynyň sahypalaryny beýleki zir-zibiller bilen zyňandygy öňe sürlüp... Читать дальше...

Owganystanyň polisiýasy ýurduň günbatarynda ýerleşýän Hyrat şäherindäki şaýy musulmanlarynyň metjidinde bolan bomba partlamasynda azyndan bir adamyň ölendigini we başga-da ýedi sanysynyň ýaralanandygyny aýdýar. Polisiýanyň metbugat wekili Abdul Ahad Walizada Hyradyň Nabi Akram metjidindäki partlamanyň 25-nji martda günortan wagty bolandygyny aýtdy. Şeýle-de, ol wakada ýaralananlaryň ýerli keselhanalara ýerleşdirilendigini belledi. Bu hüjümiň jogapkärçiligini häzirlikçe hiç kim öz üstüne almady. Читать дальше...

Türkmenistanda Saýlawlary we sala salşyklary geçirmek baradaky Merkezi topar ýurduň Mejlisine deputatlary, halk maslahatlaryna we Geňeşlere agzalary saýlamak boýunça 25-nji martda 07:00-da başlan ses berişliklere sagat 11:00-a çenli ses berijileriň 45%-den gowragynyň gatnaşandygyny aýdýar.

Türkmenistanda Saýlawlary we sala salşyklary geçirmek baradaky Merkezi topar ýurduň Mejlisine deputatlary, halk maslahatlaryna we Geňeşlere agzalary saýlamak boýunça 25-nji martda 07:00-da başlan ses berişliklere sagat 11:00-a çenli ses berijileriň 45%-den gowragynyň gatnaşandygyny aýdýar.