Рамиза Гурдич 25 сол аст, ки боқимондаҳои ҷасадҳои шавҳар ва ду писарашро меҷӯяд. Онҳо қурбониёни куштори дастаҷамъии соли 1995 дар Сребренитса ҳастанд, ки аз Ҷанги Ҷаҳонии Дуввум ба ин тараф бузургтарин куштори дастаҷамъӣ дар Аврупо ба ҳисоб меравад.
25 сол пеш нерӯҳои Сербҳои боснӣ бештар аз 8 ҳазор наврасу мардони босниҳои мусулмонро дар шаҳри Сребренитса куштанд. Рӯзи 11-уми июл аз ин фоҷиаи ваҳшатнок 25 сол сипарӣ шуд. Рамиза Гурдич шавҳару ду писарашро дар қатли соли 1995 аз даст дод ва 25 сол аст, ки бақияи ҷасадҳои азизонашро меҷӯяд.
Вазорати тандурустии Тоҷикистон гуфт, дар як шабонарӯзи гузашта 49 мавриди собитшудаи сирояти бемории COVID-19-ро сабт кардааст, ки дар муқоиса ба омори рӯзи 10-уми июл ду нафар бештар аст. Вазорат бо нашри як баёнияи расмӣ гуфт, дар умум то рӯзи 11-уми июл 6505 нафар дар Тоҷикистон ба бемории COVID-19 гирифтор шудаанд ва аз ин миён то ҳол 5176 нафар ё тақрибан 80 дар сади беморон шифо ёфтаанд. Талафот аз беморӣ дар як шабонарӯзи гузашта ба гуфтаи мақомот зиёд нашудааст ва 55 нафарро ташкил медиҳад. Читать дальше...
Бо гузашти чаҳор моҳ аз интихоби вакилони нави Маҷлиси намояндагони Тоҷикистон, хабарнигори Радиои Озодӣ аз чанд раҳгузар пурсид, ки кори онҳоро чӣ гуна баҳо медиҳанд ва чӣ қонуни муҳимеро дар ёд доранд, ки дар ин муддат қабул шудааст.
Бо гузашти 4 моҳ аз интихоби вакилони нави Маҷлиси намояндагон, хабарнигори Радиои Озодӣ аз чанд кас пурсид, ки кори онҳоро чӣ баҳо медиҳанд ва чӣ қонуни муҳимеро дар ёд доранд, ки қабул шудааст. Яке аз мусоҳибон гуфт, ки “ҳеҷ чиз нав нашуд”, дигарӣ гуфт, ки вакилон ғами мардумро хӯрданд.
Пандемияи коронавирус маросими 25-умин солгарди ёдоварӣ аз куштори дастаҷамъӣ дар шаҳри Сребренитсаи Босния ва Ҳерзеговинаро маҳдуд кард. Дар ин маросим, ки рӯзи 11-уми июл сурат гирифт, меҳмонони зиёди даъватӣ аз ҷумла Чарлз шоҳзодаи Бритониё ширкат накарданд. Моҳи июли соли 1995 нерӯҳои серби Босния бештар аз 8 ҳазор наврасу мардони мусулмонро дар як маҳалли Сребрентиса ҷамъ карда ва куштанд. Ин фоҷиа бадтарини куштори дастаҷамъӣ баъди Ҷанги Ҷаҳонии Дуввум дар қаламрави Аврупо ба ҳисоб меравад. Читать дальше...
Дар талоше барои кӯмак ба мардуми камбизоат дар Тоҷикистон, ки бемории СОVID-19 вазъи зиндагии онҳоро бадтар кард, ҳукумат амр додааст, ки ба ин табақаи осебпазир кӯмаки молии якдафъаина расонида дода шавад.
Доналд Трамп, раиси ҷумҳури Амрико ҷазои Роҷер Стоун, яке аз шарикони дерини сиёсиашро сабук кард, ки ба гуфтаи ӯ ҷабридаи парвандаи “бофта”-и Русия аст. Роҷер Стоун, ки ба дурӯғгуӣ дар Конгресс, дасткории далелҳо ва мамониат ба тафтиши Маҷлиси намояндагон гунаҳкор дониста шудааст, бояд ба зудӣ ба зиндон фиристода мешуд. Ӯ бояд 3 солу чаҳор моҳро дар зиндон сипарӣ мекард, вале акнун баъди қарори Доналд Трамп озод карда мешавад. Доир ба фармони мазкур рӯзи 10-уми июл дар Кохи Сафед эълон доданд. Читать дальше...
Дар шаҳри Белград пойтахти Сербистон, тазоҳуроти зиддиҳукуматӣ шаби гузашта ҳам идома кард ва маъмурони пулис барои пароканда кардани тазоҳургарон аз гази ашковар истифода бурд. Чаҳор рӯз аст, ки мардум дар ин шаҳр ба нишони эътироз аз амалкардҳои ҳукумат дар мубориза бо бемории СОVID-19 эътироз доранд. Тазоҳургарони хашмгин шаби 10-уми июл ба тарафи маъмурони пулис, ки бинои порлумонро посбонӣ мекарданд, сангу дигар васоили оташгиранда меандохтанд. Онҳо саъй карданд, сафи маъмурони пулисро рахна карда ба бинои порлумон ворид шаванд... Читать дальше...
Мақомоти иҷроияи вилояти Суғд гузориш дод, ки расман дар қаламрави вилоят то ҳол 2 ҳазору 655 иншооти варзишӣ ба қайд гирифта шудаанд
Дар шаҳри Хабаровски Русия даҳҳо ҳазор нафар ба нишони эътироз аз боздошти губернатори кишвари Хабаровск раҳпаймоӣ карданд. Тарафдорони Сергей Фугал, ки бо иттиҳоми қатл дастгир шудааст, рӯзи 11-уми июл дар Майдони Ленин ҷамъ омаданд ва сипас ба самти Майдони Комсомолская ҳаракат карданд.
Ҳар рӯзи Майдагул Шарипова, сокини 66-солаи ҷамоати Эсанбойи ноҳияи Рӯдакӣ бо парастории се набераи маълул шом мешавад. Дар баробари парастории се набераи маъюб, анҷоми корҳои хона аз рӯбучин то пухтани нону хӯрок ва шӯстушӯи либос ҳама ба души ӯст.
Ҳукумати Тоҷикистон як барномаи роҳбурдии ислоҳоти зиндонҳоро ба тасвиб расонд. Ҳомиёни ҳуқуқи башар қабул шудани ин барномаро "қадаме ба пеш” номиданд, аммо мегӯянд муҳим аст, ки тарҳе ки рӯйи коғаз омадааст, дар амалан иҷро шавад.
Меҳронаи 7-сола, Ҳадисаи 5-сола ва Ҳамдияи 2-сола пои равон надоранд, ҳарф намезананд. Ҳарсе маълуланд, вале нафақае намегиранд, чун барои гирифтани санад аввал мебоист, дар бемористон бистарӣ мешуданд.
Конфедератсияи футболи Осиё ҷадвали рақобатҳо марҳилаи гурӯҳии Ҷоми Конфедератсияи футболи Осиё-2020-ро дар минтақаи Осиёи Марказӣ нашр намуд.
Дар як шикоят ба номи Додгоҳи байналмилалии ҷиноятҳои Гаага оид ба муҳокимаи Чин барои саркӯби мусалмонҳо, исми Тоҷикистон ба унвони кишваре ёд шудааст, ки бо дархости Пекин уйғурҳои чиниро аз қаламраваш истирдод мекунад. Ҳанӯз назари мақомоти тоҷик ба ин хабар нашр нашудааст.