Беш аз 200 муҳоҷири тоҷик, ки дар панҷ боздоштгоҳи муваққатии шаҳрҳои гуногуни Русия қарор доранд, талаб доранд, то онҳоро зудтар ба ватан баргардонанд. Бархе аз ин муҳоҷирон барои нақзи қонунҳои будубош боздошт шудаанд ва бархеи дигар маҳбусоне ҳастанд, ки мӯҳлати ҳабсашон ба охир расидааст. Бар асоси қонунҳои Русия онҳо бояд аз ин кишвар ихроҷ шаванд. Аммо бо сабаби баста будани роҳҳо аз ду то чор моҳ боз онҳо дар боздоштгоҳ ҳастанд. Ин муҳоҷирон бо ирсоли навор шароити боздоштгоҳро “даҳшатнок ва барои зиндагӣ ғайримумкин тасвир карданд”.
Дар шаҳри Тайшети Сибири Русия ба рӯи навиштаҳои ёдгории қурбониёни таъқиботи сиёсӣ дар замони Шӯравӣ ранг молидаанд. Сохтмони ин майдон, ки дар он ёдгорӣ гузошта шудааст, ҳафтае пеш анҷом ёфта буд. Ба навиштаи бахши русии Радиои Озодӣ ҳодиса шаби 4-уми июл рӯх додааст ва навиштаи болои ин ёдгорӣ дида намешавад. Ин ёдгорӣ ба хотири онҳое бунёд шудааст, ки дар замони раҳбарии Сталин зиндон шудаанд. Дар солҳои 30-уми асри гузашта дар авҷи саркубгариҳои сиёсӣ, ки бо номи “таъқиботи сталинӣ” маъруф аст... Читать дальше...
Истифода аз заҳмати кӯдакони афғон дар хиштпазӣ дар вилояти Форёби Афғонистон.
Шоира Бузрукова, сардухтури таваллудхонаи шаҳри Хуҷанд рӯзи 4-уми июл дар Беморхонаи бемориҳои сироятӣ даргузаштааст. Навбатдори Раёсати тандурустии Суғд дар суҳбат бо Радиои Озодӣ гуфт, хонум Бузрукова аз рӯзи 30 юми июн то то рӯзи маргаш дар беморхонаи сироятии вилоятӣ бистарӣ буд ва дар ҳамон ҷо вафот кард. Нодирa, духтари Шоира Бузрукова гуфт, модаркалонаш,- модари Шоира Бузруковаро низ бистарӣ кардаанд, вале ӯ дар бораи бемории модару модаркалонаш чизе гуфтан нахост. Ба гуфтаи ӯ, модараш моҳи декабри имсол 50-сола мешуд. Читать дальше...
Беш аз 30 рӯзноманигори рус ба ҳимоят аз Светлана Прокопева, рӯзноманигор аз шаҳри Пскови Русия бархостанд, ки бо иттиҳоми “ҳимоят аз терроризм” ӯро то 7 соли зиндон таҳдид мекунад. Онҳо дар изҳороте, ки рӯзи 4-уми июл нашр шуд, гуфтаанд, “қобили қабул нест, ки рӯзноманигор барои фаъолияти касбӣ маҳкум мешавад". Ирина Малкова, сардабири нашрияи интернетии “The Bell” навиштааст, ки "ҷоиз нест, ки барои қасд гирифтан аз рӯзноманигорон барои сухани озод гуфтан онҳоро бо гардиши маводи мухаддир тӯҳмат мекунанд... Читать дальше...
Зане, ки бо нишони эътироз дар назди бинои ҳукумати Кӯлоб қасд ба ҷони худ кард ва як ҳафта дар беморхонаи бемориҳои рӯҳӣ бистарӣ буд, нияти аз роҳи қонунӣ ҳал кардани мушкилашро дорад. Сарвиноз Нусратуллоева, сокини 36 солаи Кӯлоб, ки барои манзили падарӣ бо хоҳару бародаронаш чор сол боз баҳс дорад, се ҳафта пеш дар назди бинои ҳукумати Кӯлоб раги дасташро бурид. Пизишкон ӯро наҷот доданд ва як ҳафта дар Беморхонаи бемориҳои равонӣ бистарӣ карданд. Ӯ мегӯяд, мақомдорон ба доди ӯ намерасанд. Читать дальше...
Дар як рӯзи охир дар Русия 6736 ҳолати сирояти сокинон ба коронавирус сабт шудааст. Ин каме бештар аз як рӯзи пеш аст. Аз COVID-19 дар як шабонарӯз дар Русия 134 нафар фавтидааст ва ба гуфтаи мақомот, бештар аз 3 ҳазор нафар шифо ёфтаанд. Дар Русия аз оғози бӯҳрони коронавирус то ҳол беш аз 680 ҳазор нафарро ҳамчун гирифтор ба ин вирус сабт кардаанд. Ба гуфтаи мақомоти Русия бештар аз 450 ҳазор нафар шифо ёфта, беш аз 10 ҳазор нафар фавтидааст.
Сафорати Тоҷикистон дар Олмон гуфт, ки чиптаҳо барои сайрхати Франкфурт-Душанбе пурра фурӯхта шудаанд. Пештар, сафорат аз шаҳрвандони Тоҷикистон дар Аврупо, ки азми бозгашт ба ватанро доранд, даъват карда буд, ки барои 8-уми июл аз ширкати “Сомон-эйр” чипта бихаранд. Арзиши чиптаро ширкати “Сомон-эйр” 463,21 евро эълон карда буд. Аз ин рӯ, сафорати Тоҷикистон дар Олмон дар саҳифаи фейсбукиаш навиштааст, ки рӯзи 8-уми июл афроде, ки чипта надоранд, ба фурудгоҳи Франкфурт наоянд, чун имкони фуруши чипта дигар мавҷуд нест. Читать дальше...
Паноҳҷӯе аз Русия, ки шоми 4-уми июл дар Вена, пойтахти Австрия кушта шуд, аз мунтақидони Рамзан Қодиров, раҳбари Чеченистон будааст. Манобеи Радиои Озодӣ гуфтанд, ки ин нафар Мамихон Умаров ном дошт, ки бо номи "Анзори Вена" шинохта мешуд. Дар гузашта ӯ дар сафи ҷудоиталабони чечен қарор доштааст. Мақомоти расмии Австрия аз ӯ ном набурданд ва танҳо гуфтанд, ки паноҳҷӯи 43 сола кушта шудааст. Ин паноҳҷӯ замоне кушта шуд, ки шоми 4-уми июл дар истгоҳи мошинҳои як маркази савдо қарор дошт. ... Читать дальше...
Дана Уайт дар робита ба фавти Абдулманап Нурмуҳаммадов падар ва мурабии қаҳрамони UFC дар вазни сабук Ҳабиб Нурмуҳаммадов навореро нашр намудааст
Пандемияи короновирус ба иқтисоди Тоҷикистон зарба зад. Беш аз ҳама аз ҳисоби коҳиши пулҳои интиқолии муҳоҷирон. Президент Раҳмон дар номааш ба Сандуқи Байналмилалии Пул навишт, ки интиқоли пул танҳо аз Русия 50 дарсад кам шудааст. Ӯ гуфтааст, назар ба соли гузашта интиқоли пул 80 миллион доллар кам шуд. Даромади ҳар чорумин хонавода дар Тоҷикистон аз ҳисоби муҳоҷирони корӣ аст. Ба гуфтаи Бонки ҷаҳонӣ иқтисоди Тоҷикистон имсол дучори рукуд хоҳад шуд. Бинобар пешбинии бонк иқтисоди Тоҷикистон то 2 дарсад рукуд мекунад. Читать дальше...
Пандемияи короновирус ба иқтисоди Тоҷикистон зарба зад. Беш аз ҳама аз ҳисоби коҳиши пулҳои интиқолии муҳоҷирон
Ҳамлавар ва капитани бошгоҳи "Барселона"-и Испания Лионел Месси нақша дорад, ки соли 2021 клубро тарк кунад
Намояндагони "Шоҳидони Яҳво" тасмим гирифтаанд, ки қазияи Ҷовидон Бобоҷонов, як узви зиндонии ин созмони мазҳабиро дар Тоҷикистон то ба Шӯрои ҳуқуқи башари Созмони Милал бикашонанд.
